ಕಣರ್ಂಡ ಕುಟುಂಬದ ಆಯೋಜಕರಾದ ಅಪ್ಪಣ್ಣ ಮತ್ತು ಬೋಪಣ್ಣ ಅವರು ವಿಧ್ಯುಕ್ತವಾಗಿ ಚಾಲನೆ ನೀಡಿದ್ದ ಅವರು ಸಮಾರೋಪ ಸಮಾರಂಭದಲ್ಲೂ ಭಾಗಿಯಾಗಿ ಮಾತನಾಡಿ, ಕುಟುಂಬದ ಹಿರಿಯರಾದ ಬೊಳ್ಳಮ್ಮ ಅವರು ಜಿಲ್ಲೆಯಲ್ಲಿ ಹಾಕಿ ಕ್ರೀಡೆಯು ಮೊತ್ತಮೊದಲ ಬಾರಿಗೆ ಕೊಡವ ಕುಟುಂಬಗಳ ಮಧ್ಯೆ ಆಯೋಜನೆಗೊಂಡಿತ್ತು. ಇದೀಗ ಕ್ರಿಕೆಟ್, ವಾಲಿಬಾಲ್, ಫುಟ್ಬಾಲ್ ಹಗ್ಗಜಗ್ಗಾಟ, ಹೀಗೆ ಮುಂದುವರಿದು ಪ್ರತಿಷ್ಠಿತ ಕ್ರೀಡೆಯಾದ ಗಾಲ್ಫ್ ಕ್ರೀಡೆ ಸೇರ್ಪಡೆಗೊಂಡು ಸುಮಾರು 13 ವರ್ಷಗಳ ಹೊಸ್ತಿಲಲ್ಲಿದೆ. ಕುಟುಂಬಗಳ ಮಧ್ಯೆ ನಡೆಯುವ ಕ್ರೀಡೆಗಳಿಂದ ಸಂಬಂಧಗಳು ಗಾಢವಾಗಿ ವೃದ್ಧಿಸುತ್ತದೆ. ಹಿರಿಯ, ಕಿರಿಯ, ಸಿರಿತನ, ಬಡತನ ಎಂಬ ಭೇದ-ಭಾವಗಳು ಅಳಿಸಿ ಸಹೋದರತ್ವದ ಚಿಂತನೆಯು ಜಾಗೃತವಾಗುತ್ತದೆ ಎಂದ ಅವರು, ಕ್ರೀಡೆಯಲ್ಲಿ ಭಾಗವಹಿಸಿದ ಎಲ್ಲ ಕ್ರೀಡಾ ಪಟುಗಳಿಗೆ ಶುಭ ಕೋರಿದರು.
