ಕೊನೆಗೂ ಪತ್ತೆಯಾಯ್ತು ಕಾಣೆಯಾಗಿದ್ದ 'ಶಬರಿಮಲೆ ದ್ವಾರಪಾಲಕ ಪೀಠ' | kerala

ಪತ್ತನಂತಿಟ್ಟ: ಶಬರಿಮಲೆ ದೇವಸ್ಥಾನದಿಂದ ಕಾಣೆಯಾದ ದ್ವಾರಪಾಲಕ ವಿಗ್ರಹಗಳ ಪೀಠವನ್ನು ತಿರುವಾಂಕೂರು ದೇವಸ್ವಂ ಮಂಡಳಿಯ ಜಾಗೃತ ವಿಭಾಗವು ಯಶಸ್ವಿಯಾಗಿ ವಶಪಡಿಸಿಕೊಂಡಿದೆ. ತಿರುವಾಂಕೂರು ದೇವಸ್ವಂ ಮಂಡಳಿಯ (ಟಿಡಿಬಿ) ವಿಜಿಲೆನ್ಸ್‌ ವಿಭಾಗವು ಶಬರಿಮಲೆ ದೇವಸ್ಥಾನದಲ್ಲಿರುವ ದ್ವಾರಪಾಲಕ (ರಕ್ಷಕ ದೇವರು) ಮೂರ್ತಿಯ ಪೀಠವನ್ನು ತಿರುವನಂತಪುರಂನಲ್ಲಿರುವ ಪ್ರಾಯೋಜಕರ ಸಂಬಂಧಿಕರ ನಿವಾಸದಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ಇಂದು (ಸೆ.28) ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: I Love Muhammad | ಉತ್ತರ ಪ್ರದೇಶದ ಬರೇಲಿಯಲ್ಲಿ ಹಿಂಸಾಚಾರ; 48 ಗಂಟೆಗಳ ಇಂಟರ್ನೆಟ್ ಸ್ಥಗಿತ!

2019 ರಲ್ಲಿ ಉನ್ನಿಕೃಷ್ಣನ್ ಅವರು ದೇವಸ್ಥಾನಕ್ಕೆ ದಾನ ಮಾಡಿದ ಹೆಚ್ಚುವರಿ ಪೀಠವು ನಂತರ ಕಾಣೆಯಾಗಿದೆ ಎಂದು ಹೇಳಿಕೊಂಡಾಗ, ಹೆಚ್ಚುವರಿ ಚಿನ್ನ ಲೇಪಿತ ಪೀಠದ ಅಸ್ತಿತ್ವ ಬೆಳಕಿಗೆ ಬಂದಿದೆ. ಟಿಡಿಬಿ ವಿಜಿಲೆನ್ಸ್ ಮತ್ತು ಭದ್ರತಾ ಪೊಲೀಸ್ ವರಿಷ್ಠಾಧಿಕಾರಿ ಸುನಿಲ್ ಕುಮಾರ್ ವಿ ನೇತೃತ್ವದ ತಂಡವು ಶನಿವಾರ ವೆಂಜಾರಮೂಡಿನಲ್ಲಿರುವ ಪ್ರಾಯೋಜಕ ಉನ್ನಿಕೃಷ್ಣನ್ ಪೊಟ್ಟಿ ಅವರ ಸಂಬಂಧಿಕರ ಮನೆಯಲ್ಲಿ ಈ ಪೀಠವನ್ನು ಪತ್ತೆ ಹಚ್ಚಿದೆ. ದ್ವಾರಪಾಲಕ ಚಿನ್ನದ ಹೊದಿಕೆಯ ತಾಮ್ರದ ತಟ್ಟೆಗಳ ತೂಕದಲ್ಲಿ ಇಳಿಕೆ ಕಂಡುಬಂದಿರುವುದನ್ನು ಗಮನಿಸಿದ ಕೇರಳ ಹೈಕೋರ್ಟ್ ಇತ್ತೀಚೆಗೆ ತನಿಖೆ ನಡೆಸುವಂತೆ ಆದೇಶ ಹೊರಡಿಸಿತ್ತು. ಇದಾದ ಬಳಿಕ ಈ ಪೀಠ ಕಾಣೆಯಾಗಿತ್ತು.

ಇದನ್ನೂ ಓದಿ: ವಿಜಯ್​ ರ‍್ಯಾಲಿ ವೇಳೆ ಕಾಲ್ತುಳಿತ, ಸಾವು-ನೋವು! ನಿಜವಾಯ್ತು ಆತ ನುಡಿದ ಭವಿಷ್ಯ; ಹಳೆಯ ವಿಡಿಯೋ ವೈರಲ್ | ​Karur Stampede

(ಏಜೆನ್ಸೀಸ್)

ಇನ್ನೂ ಈ ಬೆಳವಣಿಗೆಯ ಬಗ್ಗೆ ಎಸ್​ಪಿ ಸುನಿಲ್ ಕುಮಾರ್ ಮಾತನಾಡಿದ್ದು, ಪೀಠವನ್ನು ವಶಪಡಿಸಿಕೊಂಡಿದ್ದೇವೆ ಮತ್ತು ಅದನ್ನು ಶಬರಿಮಲೆಗೆ ಸ್ಥಳಾಂತರಿಸಿದ್ದೇವೆ. ನಾಳೆ ಪ್ರಕರಣವನ್ನು ಪರಿಗಣಿಸುವಾಗ ಕೇರಳ ಹೈಕೋರ್ಟ್ ಮುಂದೆ ವಿವರವಾದ ವರದಿಯನ್ನು ಸಲ್ಲಿಸಲಾಗುವುದು ಎಂದು ಹೇಳಿದ್ದಾರೆ.

ಪೀಠವನ್ನು ವಾಸ್ತವವಾಗಿ ಕೆಲಸಗಾರರೊಬ್ಬರ ಮನೆಯಲ್ಲಿ ಇರಿಸಲಾಗಿತ್ತು. ಕಾಣೆಯಾದ ಪೀಠದ ಬಗ್ಗೆ ಮಾಧ್ಯಮ ವರದಿಗಳ ನಂತರ, ಕೆಲಸಗಾರ ಅದು ತನ್ನ ವಶದಲ್ಲಿದೆ ಎಂದು ತಿಳಿಸಿದನು. ನಂತರ ಅದನ್ನು ವೆಂಜರಮೂಡಿನಲ್ಲಿರುವ ಪೊಟ್ಟಿಯ ಸಂಬಂಧಿಯ ಮನೆಗೆ ವರ್ಗಾಯಿಸಲಾಯಿತು ಎಂದು ಮೂಲಗಳು ತಿಳಿಸಿವೆ. ಇತ್ತೀಚಿನ ವಿಚಾರಣೆಯ ಸಮಯದಲ್ಲಿ, ಕೆಲಸಗಾರನು ಈ ಸತ್ಯ ಒಪ್ಪಿಕೊಂಡಿದ್ದಾನೆ.

https://www.vijayavani.net/karur-stampede-old-video-goes-viral-now