‘ಯುದ್ಧರಂಗದಲ್ಲಿ ಹರಿಯುತ್ತಿರುವ ನೂರಾರು ರಕ್ತದ ನದಿಗಳ ದೃಶ್ಯ ತುಂಬಾ ಭಯಾನಕವಾಗಿದೆ. ಆ ನದಿಗಳಲ್ಲಿ ತೇಲಿಹೋಗುತ್ತಿರುವ ಕೇಶ ಸಮೂಹಗಳೇ ಶೈವಾಲಗಳು. (ನೀರಿನಲ್ಲಿ ಬೆಳೆಯುವ ಪಾಚಿಗಳನ್ನು ಸಂಸ್ಕೃತದಲ್ಲಿ ಶೈವಾಲಗಳೆಂದು ಕರೆಯುತ್ತಾರೆ) ತೇಲುತ್ತಿರುವ ರುಂಡಗಳ ಮುಖಗಳೇ ಆ ನದಿಯಲ್ಲಿರುವ ಕಮಲಗಳು. ತೇಲಿಹೋಗುತ್ತಿರುವ ಚಕ್ರಾಯುಧಗಳೇ ಆ ನದಿಯ ಚಕ್ರಾವರ್ತಗಳು. (ಚಕ್ರಾಕಾರದ ನೀರಿನ ಸುಳಿಗಳು) ಎತ್ತರದ ತರಂಗಗಳಿಂದ ಕೂಡಿದ ದೊಡ್ಡದಾದ ರಕ್ತನದಗಳು ಹರಿಯುತ್ತಿವೆ.’ (ಈ ಶ್ಲೋಕದ ಪೂರ್ವಾ ರ್ಧದಲ್ಲಿ ನದಿ ಎಂಬ ಶಬ್ದದ ಪ್ರಯೋಗವಾಗಿದೆ, ಉತ್ತರಾರ್ಧದಲ್ಲಿ ನದ ಎಂಬ ಶಬ್ದ ಪ್ರಯೋಗವಾಗಿದೆ. ಸಂಸ್ಕೃತ ದಲ್ಲಿ ಪೂರ್ವಾಭಿಮುಖವಾಗಿ ಹರಿಯುವ ಹೊಳೆಗಳನ್ನು ನದಿ ಎಂಬುದಾಗಿ ಕರೆಯುತ್ತಾರೆ, ಪಶ್ಚಿಮಾಭಿಮುಖವಾಗಿ ಹರಿಯುವ ಹೊಳೆಗಳನ್ನು ನದ ಎಂಬುದಾಗಿ ಕರೆಯುತ್ತಾರೆ. ಯುದ್ಧರಂಗದಲ್ಲಿ ಕೆಲವು ರಕ್ತ ಪ್ರವಾಹಗಳು ಪೂರ್ವಾಭಿಮುಖವಾಗಿ ಹರಿಯುತ್ತಿದ್ದರೆ, ಮತ್ತೆ ಕೆಲವು ರಕ್ತ ಪ್ರವಾಹಗಳು ಪಶ್ಚಿಮಾಭಿಮುಖವಾಗಿ ಹರಿಯುತ್ತಿವೆ ಎಂಬುದು ಈ ಎರಡು ಶಬ್ದಗಳ ಸ್ವಾರಸ್ಯದಿಂದ ಗೊತ್ತಾಗುತ್ತದೆ.)
