ಸರ್ಕಾರಿ ಹಾಗೂ ಖಾಸಗಿ ಸೇರಿ ದೇಶದಲ್ಲಿ ಎಂಬಿಬಿಎಸ್ ಶಿಕ್ಷಣ ನೀಡಲು 595 ಸಂಸ್ಥೆಗಳಿದ್ದು, ಅಂದಾಜು 83 ಸಾವಿರ ಸೀಟುಗಳಿವೆ. ಕರ್ನಾಟಕದಲ್ಲಿ 19 ಸರ್ಕಾರಿ, 30 ಖಾಸಗಿ ಮತ್ತು 12 ಡೀಮ್್ಡ ವಿವಿಗಳಿವೆ. ಇವುಗಳಲ್ಲಿ 2,900 ಸರ್ಕಾರಿ, 6,595 ಖಾಸಗಿ ಸೇರಿ ಒಟ್ಟು 9,345 ಎಂಬಿಬಿಎಸ್ ಸೀಟುಗಳಿವೆ. ದೇಶದಲ್ಲಿ ಲಭ್ಯವಿರುವ ಅಂದಾಜು 83 ಸಾವಿರ ಸೀಟುಗಳಿಗೆ 15-16 ಲಕ್ಷ ಆಕಾಂಕ್ಷಿಗಳು ನೀಟ್ ಪರೀಕ್ಷೆಗೆ ನೋಂದಾಯಿಸಿಕೊಳ್ಳುತ್ತಾರೆ! ಅದೇ ರೀತಿ ಕರ್ನಾಟಕದ 9,345 ಸೀಟುಗಳಿಗೆ ದಾಖಲಾಗಲು 1 ಲಕ್ಷಕ್ಕಿಂತ ಹೆಚ್ಚಿನ ಆಕಾಂಕ್ಷಿಗಳಿರುತ್ತಾರೆ. ಇಷ್ಟು ಸ್ಪರ್ಧಾತ್ಮಕತೆಯಲ್ಲಿ ಉನ್ನತ ರ್ಯಾಂಕಿಂಗ್ ಪಡೆದವರಿಗೆ ಮಾತ್ರವೇ ಸರ್ಕಾರಿ ಕಾಲೇಜುಗಳಲ್ಲಿ ಸೀಟು ಸಿಗುತ್ತವೆ. ಖಾಸಗಿ ಕಾಲೇಜುಗಳಲ್ಲಿ ಮ್ಯಾನೇಜ್ವೆುಂಟ್ ಕೋಟಾದಡಿ ಪ್ರವೇಶ ಪಡೆದು, ಎಂಬಿಬಿಎಸ್ ಮುಗಿಸಲು 50-60 ಲಕ್ಷ ರೂ., ಕೆಲವೊಮ್ಮೆ ಇದಕ್ಕಿಂತಲೂ ಅಧಿಕ ಮೊತ್ತ ಖರ್ಚಾಗುತ್ತದೆ.
