ಉತ್ತರಪ್ರದೇಶ ಷಹರನ್ಪುರ ಜಿಲ್ಲೆಯ ಪಂಡೌಲಿ ಗ್ರಾಮದ ಮೊಹಮ್ಮದ್ ನವೆದ್ ಮತ್ತು ಇಮ್ರಾನಾ ಬೇಗಂ ಅವರ ಏಕೈಕ ಪುತ್ರ ಷಹಜೇಜ್ ಅಲಂ. 2019ರಲ್ಲಿ ಈತನ ತಂದೆ ದೀರ್ಘಕಾಲದ ಅನಾರೋಗ್ಯದಿಂದ ತೀರಿಹೋಗಿದ್ದರು. ಅದಕ್ಕೂ ಸ್ವಲ್ಪ ಸಮಯ ಮುಂಚೆ ತಾಯಿ ತನ್ನ ಪತಿಯನ್ನು ಬಿಟ್ಟು ಪುತ್ರನನ್ನು ಕರೆದುಕೊಂಡು ಬಂದು ಯಮುನಾನಗರದಲ್ಲಿರುವ ತಂದೆಯ ಮನೆಯಲ್ಲಿ ನೆಲೆಸಿದ್ದಳು. ನಂತರ ಅಲ್ಲಿಂದ ಈಕೆ ಪಿರನ್ ಕಲಿಯರ್ ಪವಿತ್ರ ಕ್ಷೇತ್ರದ ಬಳಿ ಬಂದು ಪುತ್ರನೊಂದಿಗೆ ನೆಲೆಸಿ, ಜೀವನೋಪಾಯಕ್ಕಾಗಿ ಅದು ಇದು ಎಂದು ಸಿಕ್ಕ ಕೆಲಸಗಳನ್ನು ಮಾಡುತ್ತಿದ್ದಳು. ಆದರೆ 2021ರಲ್ಲಿ ತಾಯಿ ಕೋವಿಡ್ನಿಂದಾಗಿ ತೀರಿಹೋದ ಬಳಿಕ ಅಕ್ಷರಶಃ ಅನಾಥನಂತಾದ ಷಹಜೇಜ್ ಅದೇ ಪವಿತ್ರ ಕ್ಷೇತ್ರದಲ್ಲಿ ಭಿಕ್ಷೆ ಬೇಡಲಾರಂಭಿಸುತ್ತಾನೆ.
