ಭಯೋತ್ಪಾದನೆ ಮತ್ತು ಸ್ನೇಹ ಒಟ್ಟಿಗೆ ಇರಲು ಸಾಧ್ಯವಿಲ್ಲ: ವಿಶ್ವಸಂಸ್ಥೆಯಲ್ಲಿ ಪಾಕ್​ ವಿರುದ್ಧ ಭಾರತ ವಾಗ್ದಾಳಿ| India

India: ಭಾರತ ಮತ್ತು ಪಾಕಿಸ್ತಾನ ನಡುವಿನ ಸಿಂಧೂ ಜಲ ಒಪ್ಪಂದದ (IWT) ಕುರಿತು ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯಲ್ಲಿ (UNHRC) ಭಾರತ ಪಾಕಿಸ್ತಾನವನ್ನು ತರಾಟೆಗೆ ತೆಗೆದುಕೊಂಡಿತು. ಅಲ್ಲದೆ, ಪಾಕಿಸ್ತಾನವು ಇದನ್ನು ರಾಜಕೀಯಗೊಳಿಸುತ್ತಿದೆ ಎಂದು ಭಾರತ ಆರೋಪಿಸಿದೆ.

ಈ ಬಗ್ಗೆ ಮಾತನಾಡಿದ UNHRCಯ ಅಧಿಕಾರಿ, ಈ ಮಂಡಳಿಯ ಪ್ರಕ್ರಿಯೆಗಳನ್ನು ರಾಜಕೀಯಗೊಳಿಸಲು ವಿಶೇಷ ನಿಯೋಗದಿಂದ ಉದ್ದೇಶಪೂರ್ವಕ ಪ್ರಯತ್ನವನ್ನು ಭಾರತ ಎದುರಿಸುತ್ತಿದೆ. ಇದು ವೇದಿಕೆಯ ಸಮಗ್ರತೆಯನ್ನು ದುರ್ಬಲಗೊಳಿಸುತ್ತದೆ. ಅಲ್ಲದೆ, ಪ್ರಮುಖ ಸಮಸ್ಯೆಗಳಿಂದ ಗಮನವನ್ನು ಬೇರೆಡೆ ಸೆಳೆಯುತ್ತದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: Chanakya Niti: ಈ 7 ರೀತಿಯ ಜನರಿಗೆ ಎಂದಿಗೂ ಸಲಹೆ ನೀಡಬೇಡಿ, ನೀವು ನಷ್ಟ ಅನುಭವಿಸುತ್ತಿರಿ..!

1960ರ ಸಿಂಧೂ ಜಲ ಒಪ್ಪಂದವನ್ನು ಉಲ್ಲೇಖಿಸಿದ ಅನುಪಮಾ ಸಿಂಗ್, ಈ ಒಪ್ಪಂದವನ್ನು ಸೌಹಾರ್ದತೆ ಮತ್ತು ಸ್ನೇಹದ ಮನೋಭಾವದಿಂದ ತೀರ್ಮಾನಿಸಲಾಗಿದೆ. ಆದರೆ, 1960ರ ಜಗತ್ತು ಇಂದಿನಂತೆಯೇ ಇಲ್ಲ. ಪಾಕಿಸ್ತಾನವು ಗಡಿಯಾಚೆಯಿಂದ ಭಾರತದ ವಿರುದ್ಧ ಪಿತೂರಿ ನಡೆಸುತ್ತಿದೆ. ಅಲ್ಲದೆ, ಭಾರತದ ವಿರುದ್ಧ ಭಯೋತ್ಪಾದನೆ ತನ್ನ ನೆಲದಲ್ಲಿ ಬೆಳೆಯಲು ಸಹಾಯ ಮಾಡುತ್ತಿದೆ ಎಂದು ಅನುಪಮಾ ಸ್ಪಷ್ಟವಾಗಿ ಹೇಳಿದ್ದಾರೆ. ಭಯೋತ್ಪಾದನೆಗೆ ಪಾಕಿಸ್ತಾನದ ಬೆಂಬಲದ ಕಠೋರ ವಾಸ್ತವವು ಈ ಒಪ್ಪಂದದ ಅನುಷ್ಠಾನಕ್ಕೆ ಅಗತ್ಯವಾದ ವಾತಾವರಣವನ್ನು ಸ್ವಯಂಚಾಲಿತವಾಗಿ ನಾಶಪಡಿಸುತ್ತದೆ ಎಂದು ಪಾಕ್​ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ನಂಬಿಕೆ ಮತ್ತು ಭಯೋತ್ಪಾದನೆ ಒಟ್ಟಿಗೆ ಹೋಗುವುದಿಲ್ಲ

ಇಂಡೋ-ಪಾಕ್​ ನಡುವಿನ ಶಾಶ್ವತ ಸಹಕಾರವು ಭಯೋತ್ಪಾದನೆಯಲ್ಲ, ನಂಬಿಕೆಯ ಮೇಲೆ ನಿಂತಿದೆ. ಈ ಒಪ್ಪಂದದ ಮೂಲಭೂತ ತತ್ವಗಳನ್ನು ಉದ್ದೇಶಪೂರ್ವಕವಾಗಿ ಉಲ್ಲಂಘಿಸಿದ್ದಕ್ಕಾಗಿ ಪಾಕ್​ನ್ನು ತೀವ್ರವಾಗಿ ಟೀಕಿಸಿದ್ದಾರೆ. ಪಾಕ್​ ಶಾಶ್ವತ ಸಹಕಾರವು ಭಯೋತ್ಪಾದನೆಯಲ್ಲ, ನಂಬಿಕೆಯ ಮೇಲೆ ನಿಂತಿದೆ ಎಂದು ಇದು ಗುರುತಿಸುವ ವಿಷಯ ಎಂದು ಸಿಂಗ್​ ಹೇಳಿದ್ದಾರೆ.

ಪಾಕ್​ ​ಭಯೋತ್ಪಾದನೆ ಕೊನೆಗೊಂಡ ನಂತರವೇ ಸ್ನೇಹ ಸಾಧ್ಯ

ಪಾಕ್​ ಗಡಿಯಾಚೆಗಿನ ಭಯೋತ್ಪಾದನೆಗೆ ಬೆಂಬಲ ನೀಡುವುದನ್ನು ನಿಲ್ಲಿಸುವವರೆಗೆ ಒಪ್ಪಂದದ ಅಡಿಯಲ್ಲಿ ತನ್ನ ಬಾಧ್ಯತೆಗಳನ್ನು ಸ್ಥಗಿತಗೊಳಿಸಲು ಭಾರತ ನಿರ್ಧರಿಸಿದೆ. ಈ ನಿಟ್ಟಿನಲ್ಲಿ ಪಾಕ್​ಗೆ ಔಪಚಾರಿಕ ಟಿಪ್ಪಣಿಯನ್ನು ಕಳುಹಿಸಲಾಗಿದೆ. ಈ ಅಮಾನತು ಜಾರಿಯಲ್ಲಿರುವವರೆಗೆ ಸಿಂಧೂ ಜಲ ಆಯುಕ್ತರ ಸಭೆಗಳು, ದತ್ತಾಂಶ ಅಡಿಯಲ್ಲಿ ಇತರ ನಿಯಮಿತ ಬಾಧ್ಯತೆಗಳನ್ನು ಭಾರತ ನಿರ್ವಹಿಸಲಾಗುವುದಿಲ್ಲ. (ಏಜೆನ್ಸೀಸ್)

https://www.vijayavani.net/our-biggest-enemy-is-dependency-self-reliant-india-needed-to-face-the-world-says-pm-modi