Telangana: ರೈತರಿಗೆ ಗುಡ್ ನ್ಯೂಸ್..2ತಿಂಗಳಲ್ಲೇ ಬ್ಯಾಂಕ್​ ಖಾತೆಗೆ ಬೆಳೆ ಪರಿಹಾರ!

ಹೈದರಾಬಾದ್​: ದಸರಾ ಸಂದರ್ಭದಲ್ಲಿ ತೆಲಂಗಾಣದ ರೇವಂತ್ ರೆಡ್ಡಿ ಸರ್ಕಾರ ರೈತರಿಗೆ ಸಿಹಿ ಸುದ್ದಿ ನೀಡಿದೆ. ಅತಿವೃಷ್ಟಿಯಿಂದ ಬೆಳೆ ಹಾನಿಯಾಗಿ ಸಂಕಷ್ಟದಲ್ಲಿದ್ದ ರೈತರ ಖಾತೆಗಳಿಗೆ 10 ಸಾವಿರ ರೂ.ಜಮಾ ಮಾಡುವುದಾಗಿ ಘೋಷಿಸಿದ್ದಾರೆ.

ಇದನ್ನೂ ಓದಿ: Vettaiyan: ಜೈಲರ್‌ಗಿಂತ ವೆಟ್ಟೈಯನ್ ಸೂಪರ್​..ಅಮಿತಾಬ್ ಬಚ್ಚನ್, ರಜನಿ ಅಭಿನಯಕ್ಕೆ ಪ್ರೇಕ್ಷಕ ಫಿದಾ..

ಉಭಯ ತೆಲುಗು ರಾಜ್ಯಗಳಲ್ಲಿ ಇತ್ತೀಚೆಗೆ ಸುರಿದ ಭಾರಿ ಮಳೆಯಿಂದ ಅನ್ನಧಾತರು ಬೆಳೆ ಕಳೆದುಕೊಂಡು ಭಾರಿ ನಷ್ಟ ಅನುಭವಿಸಿದ್ದರು. ಈ ಹಿನ್ನೆಲೆಯಲ್ಲಿ ತೆಲಂಗಾಣದ ಸರ್ಕಾರ ಬೆಳೆ ನಷ್ಟ ಪರಿಹಾರವಾಗಿ ಎಕರೆಗೆ 10 ಸಾವಿರ ರೂ. ನೀಡುವುದಾಗಿ ರೇವಂತ್​ರೆಡ್ಡಿ ಘೋಷಿಸಿದ್ದರು, ಎಲ್ಲ ರೈತರಿಗೆ ಎಕರೆಗೆ 10 ಸಾವಿರ ರೂ.ಬ್ಯಾಂಕ್​ ಖಾತೆಗಳಿಗೆ ಹಾಕುವುದಾಗಿ ಘೋಷಿಸಿದ್ದಾರೆ.

ರೇವಂತ್ ರೆಡ್ಡಿ ಸರ್ಕಾರ ಈಗಾಗಲೇ ಸಂತ್ರಸ್ತ ರೈತರ ಪಟ್ಟಿಯನ್ನು ಸಿದ್ಧಪಡಿಸಿದೆ. ಅವರಿಗೆ ಪರಿಹಾರ ನೀಡಲು ಹಣವನ್ನೂ ಬಿಡುಗಡೆ ಮಾಡಿದೆ. 79.57 ಕೋಟಿಗೂ ಹೆಚ್ಚು ವೆಚ್ಚವಾಗಿದೆ. ಈ ಕುರಿತು ಆದೇಶವನ್ನೂ ಹೊರಡಿಸಲಾಗಿದೆ.

ಆಗಸ್ಟ್ ತಿಂಗಳಲ್ಲಿ ಸುರಿದ ಭಾರಿ ಮಳೆಗೆ ಮಹಬೂಬ್​ನಗರ, ಸೂರ್ಯಪೇಟ ಮತ್ತಿತರ ಪ್ರದೇಶಗಳಲ್ಲಿ ಅಪಾರ ಪ್ರಮಾಣದ ಬೆಳೆ ಹಾನಿಯಾಗಿತ್ತು. ಪರಿಹಾರವನ್ನು ನೇರ ರೈತರ ಖಾತೆಗೆ ಜಮಾ ಮಾಡಲು ಅಧಿಕಾರಿಗಳು ವ್ಯವಸ್ಥೆ ಮಾಡಿದ್ದಾರೆ ಎನ್ನಲಾಗಿದೆ. ಬೆಳೆ ನಷ್ಟವಾದ ಎರಡು ತಿಂಗಳಲ್ಲೇ ಸರ್ಕಾರ ನಷ್ಟಪರಿಹಾರ ಒದಗಿಸುತ್ತಿದೆ.

https://www.vijayavani.net/ratan-tata-passes-away-what-impact-on-tata-group-shares