ತಾಂತ್ರಿಕ ದೋಷ; ಪಾಟ್ನಾಗೆ ತೆರಳುತ್ತಿದ್ದ ಸ್ಪೈಸ್​ಜೆಟ್ ವಿಮಾನ ಟೇಕ್​ ಆಫ್ ಸ್ವಲ್ಪ ಸಮಯದಲ್ಲೇ ದೆಹಲಿಗೆ ವಾಪಸ್| SpiceJet flight

ನವದೆಹಲಿ: ಛಠ್ ಹಬ್ಬದ ಶುಭ ಸಂದರ್ಭಕ್ಕೆ ಮುನ್ನವೇ ಗುರುವಾರ(ಅ. 23) ಬೆಳಿಗ್ಗೆ ದೆಹಲಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಪಾಟ್ನಾಗೆ ಹೊರಟಿದ್ದ ಸ್ಪೈಸ್‌ಜೆಟ್ ವಿಮಾನವು(SpiceJet flight) ತಾಂತ್ರಿಕ ದೋಷದಿಂದಾಗಿ ಟೇಕ್ ಆಫ್ ಆದ ಸ್ವಲ್ಪ ಸಮಯದಲ್ಲೇ ದೆಹಲಿಗೆ ವಾಪಸ್​ ಆಗಿದೆ ಎಂದು ವರದಿಯಾಗಿದೆ.

ಸ್ಪೈಸ್‌ಜೆಟ್ ವಿಮಾನಯಾನ ಸಂಸ್ಥೆ ಮಾಹಿತಿ ಪ್ರಕಾರ, ದೆಹಲಿಯಿಂದ ಪಾಟ್ನಾಗೆ ತೆರಳುತ್ತಿದ್ದ ಎಸ್‌ಜಿ 497 ವಿಮಾನವು ತಾಂತ್ರಿಕ ದೋಷದಿಂದಾಗಿ ದೆಹಲಿ ವಿಮಾನ ನಿಲ್ದಾಣದಲ್ಲಿ ಸಾಮಾನ್ಯ ಲ್ಯಾಂಡಿಂಗ್ ಮಾಡಿತು. ಎಲ್ಲಾ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಕೆಳಗಿಳಿಸಲಾಯಿತು ಎಂದು ಹೇಳಿದೆ. ಆದರೆ ವಿಮಾನದಲ್ಲಿದ್ದ ಪ್ರಯಾಣಿಕರ ಸಂಖ್ಯೆಯ ಬಗ್ಗೆ ಯಾವುದೇ ವಿವರಗಳನ್ನು ಹಂಚಿಕೊಂಡಿಲ್ಲ.

ಇದನ್ನೂ ಓದಿ: ಇದು ತುಂಬಾ ರಿಸ್ಕ್​… ಸಮಂತಾ ಪ್ರೊಟೀನ್​ ಚಾಲೆಂಜ್​ಗೆ ತಜ್ಞರು ಹೇಳೋದೇನು? Samantha Prabhu

ಎಕ್ಸ್​​​ನಲ್ಲಿ ಪೋಸ್ಟ್ ಹಾಕಿರುವ ಸ್ಪೈಸ್​ಜೆಟ್ ಸಂಸ್ಥೆ, ಅಕ್ಟೋಬರ್ 23ರಂದು ದೆಹಲಿಯಿಂದ ಪಾಟ್ನಾಗೆ ಕಾರ್ಯನಿರ್ವಹಿಸುತ್ತಿದ್ದ ಸ್ಪೈಸ್‌ಜೆಟ್ ವಿಮಾನ SG 497 ತಾಂತ್ರಿಕ ದೋಷದಿಂದಾಗಿ ಟೇಕ್ ಆಫ್ ಆದ ನಂತರ ದೆಹಲಿಗೆ ಹಿಂತಿರುಗಿತು. ವಿಮಾನವು ಸಾಮಾನ್ಯವಾಗಿ ಇಳಿಯಿತು. ಮತ್ತು ಪ್ರಯಾಣಿಕರನ್ನು ಸುರಕ್ಷಿತವಾಗಿ ಕೆಳಗಿಳಿಸಲಾಯಿತು. ಪ್ರಯಾಣಿಕರಿಗೆ ಪರ್ಯಾಯ ವಿಮಾನವನ್ನು ವ್ಯವಸ್ಥೆ ಮಾಡಲಾಗಿದ್ದು, ಅದು ಈಗ ಪಾಟ್ನಾಗೆ ತೆರಳುತ್ತಿದೆ ಎಂದು ತಿಳಿಸಿದೆ. (ಏಜೆನ್ಸೀಸ್)

https://www.vijayavani.net/immoral-relationship-husband-killed-wife-buried-her-body-in-bedroom-slept-on-it-for-12-days