ಇದರಲ್ಲಿ ಪೂಜಾ ಶೈನ್ ಎಂಬಾಕೆ ಟೆಕ್ಕಿಗೆ ಕರೆ ಮಾಡಿ, ‘ಷೇರು ಮಾರ್ಕೆಟ್ನಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭಾಂಶ ಸಿಗಲಿದೆ. ನಿಮಗೊಂದು ಲಿಂಕ್ ಕಳುಹಿಸುತ್ತೇನೆ. ಅದರನ್ನು ಬಳಸಿಕೊಂಡು ಅಪ್ಲಿಕೇಷನ್ ಡೌನ್ಲೋಡ್ ಮಾಡಿಕೊಂಡು ಹೂಡಿಕೆ ಮಾಡಿ’ ಎಂದು ಒತ್ತಾಯ ಮಾಡಿದ್ದ. ಇದನ್ನು ನಂಬಿದ ಟೆಕ್ಕಿ, ಲಿಂಕ್ ಬಳಸಿ ಅಪ್ಲಿಕೇಷನ್ ಡೌನ್ಲೋಡ್ ಮಾಡಿಕೊಂಡು ಮೊದಲು 50 ಸಾವಿರ ರೂ. ಹೂಡಿಕೆ ಮಾಡಿದ್ದು, ಅದಕ್ಕೆ ಲಾಭಾಂಶ ಸಹ ಪಡೆದುಕೊಂಡಿದ್ದ. ಹೆಚ್ಚಿನ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಕಮಿಷನ್ ಸಿಗಲಿದೆ ಎಂದು ಆಮಿಷವನ್ನು ನಂಬಿ , ವಂಚಕರು ಕೊಟ್ಟ ವಿವಿಧ ಬ್ಯಾಂಕ್ ಖಾತೆಗಳಿಗೆ ನೇರವಾಗಿ ಹಂತ ಹಂತವಾಗಿ ಹಣ ವರ್ಗಾವಣೆ ಮಾಡಿದ್ದ. ಪ್ರತಿಯಾಗಿ ಅಪ್ಲಿಕೇಷನ್ನಲ್ಲಿ ಲಾಭಾಂಶ ಗಳಿಸಿರುವ ಬಗ್ಗೆ ತೋರಿಸಲಾಗಿತ್ತು.
