ಸಮೀೆಗೆ ತೊಡಕಾದ ತಾಂತ್ರಿಕ ಸಮಸ್ಯೆ ಬಗೆಹರಿಸಲು ಆಗ್ರಹ

ರಾಣೆಬೆನ್ನೂರ: ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ಕಾರ್ಯಕ್ಕೆ ತೊಡಕಾಗಿರುವ ತಾಂತ್ರಿಕ ಹಾಗೂ ಸರ್ವರ್​ ಸಮಸ್ಯೆಗಳನ್ನು ಸರಿಪಡಿಸುವಂತೆ ಆಗ್ರಹಿಸಿ ತಾಲೂಕು ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ ಹಾಗೂ ತಾಲೂಕ ಸರ್ಕಾರಿ ನೌಕರರ ಸಂಘಗಳ ವತಿಯಿಂದ ಗುರುವಾರ ತಹಸೀಲ್ದಾರ್​ ಆರ್​.ಎಚ್​. ಭಾಗವಾನ್​ ಮೂಲಕ ರಾಜ್ಯ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಯಿತು.

ಸಮೀಕ್ಷೆ ಮಾಡುವಾಗ ಸರ್ವರ್​ ಲಭಿಸಿದ ಕಾರಣ ಗಣತಿ ಮಾಡುವ ನೌಕರರು ಹಲವಾರು ಸಮಸ್ಯೆಗಳನ್ನು ಎದುರಿಸುವಂತಾಗಿದೆ. ಪ್ರಮುಖವಾಗಿ ಲಾಗಿನ್​ ಸಮಸ್ಯೆ, ವೆಬ್​ ಲಿಸ್ಟನಲ್ಲಿ ಸೇರದವರು, ಅಸಮರ್ಪಕ ಲೊಕೇಶನ್​, ಬಾರದ ಓಟಿಪಿ, ಪೃಥ ಆ್ಯಪ್​ ನ್ಯಾವಿಗೇಶನ್​ ಸರಿಯಾಗಿ ಕಾರ್ಯನಿರ್ವಹಿಸದಿರುವುದು, ಮನೆ ಪಟ್ಟಿ ನೀಡದಿರುವುದು ನೌಕರರಿಗೆ ಸಮೀಕ್ಷೆ ನಡೆಸಲು ತೊಂದರೆ ಉಂಟು ಮಾಡುತ್ತಿದೆ. ಆದ್ದರಿಂದ ಸಂಬಂಧಿಸಿದ ಅಧಿಕಾರಿಗಳು ಈ ಎಲ್ಲ ಸಮಸ್ಯೆಗಳನ್ನು ಪರಿಹರಿಸಿ ಸುಗಮವಾಗಿ ಸಮೀಕ್ಷೆ ಕಾರ್ಯ ನಡೆಸಲು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.

ಸಂಘದ ಅಧ್ಯಕ್ಷ ಕೆ.ವಿ. ಕಾಟಣ್ಣನವರ, ಎಚ್​.ಎಂ. ಸುತಾರ, ಮಂಜುನಾಥ ಕೆಂಚರೆಡ್ಡಿ, ಎಸ್​.ಜಿ. ಮಾಕಾಳ, ಎಸ್​.ವಿ. ದೊಡ್ಮನಿ, ವಿ.ಎಚ್​. ಕೆಂಚರೆಡ್ಡಿ, ಸಲ್ಮಾಬಾನು, ಎಸ್​.ಬಿ. ಪುಟ್ಟನಗೌಡ, ಎಂ.ಎಸ್​. ದೊಡ್ಡನಾಗಳ್ಳಿ ಮತ್ತಿತರರು ಉಪಸ್ಥಿತರಿದ್ದರು.