ಅಪ್ರಾಪ್ತ ವಿದ್ಯಾರ್ಥಿನಿಯನ್ನು ದುರ್ಬಳಕೆ ಮಾಡಿದ್ದ ಪಾಪಿ ಶಿಕ್ಷಕ ಅಂದರ್…

ರಾಯಚೂರು: ಭಾರತದಲ್ಲಿ ಗುರು ಸ್ಥಾನದಲ್ಲಿ ಇರುವವರು ತಂದೆಗೆ ಸಮಾನ ಎಂಬ ಭಾವನೆ ಇದೆ. ಆದರೆ ಇಲ್ಲೊಬ್ಬ ಶಿಕ್ಷಕ ಮಗಳ ವಯಸ್ಸಿನ ವಿದ್ಯಾರ್ಥಿನಿಯನ್ನೇ ಪುಸಲಾಯಿಸಿ ಕರೆದುಕೊಂಡು ಹೋಗಿದ್ದ.

ರಾಯಚೂರು ಜಿಲ್ಲೆಯ ಸಿರವಾರ ತಾಲೂಕಿನಲ್ಲಿ ಅತಿಥಿ ಶಿಕ್ಷಕ ಪಾಲೇಶ ಎನ್ನುವಾತ ಈ ನೀಚ ಕೃತ್ಯ ಮಾಡಿದ್ದು. ತಾನು ಅತಿಥಿ ಶಿಕ್ಷಕನಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ಶಾಲೆಯ ವಿದ್ಯಾರ್ಥಿನಿಯನ್ನೇ ಈತ ಪುಸಲಾಯಿಸಿ ಕರೆದುಕೊಂಡು ಹೋಗಿದ್ದಾನೆ. ಇದೇ ರೀತಿ ಎರಡು ಮೂರು ದಿನಗಳ ಕಾಲ ಶಿಕ್ಷಕ ಪಾಲೇಶ ವಿದ್ಯಾರ್ಥಿನಿಯನ್ನು ಕರೆದುಕೊಂಡು ಹೋಗಿದ್ದ.

ಇದಾದ ಮೇಲೆ ಸಿರವಾರ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಪ್ರಕರಣ ದಾಖಲು ಮಾಡಲಾಗಿತ್ತು. ಈ ಪ್ರಕರಣದ ಹಿನ್ನೆಲೆ ಆರೋಪಿ ಪಾಲೇಶನನ್ನು ಸಿರವಾರ ಪೊಲೀಸರು ಬಂಧಿಸಿದ್ದಾರೆ. 13 ವರ್ಷ ಪ್ರಾಯದ ಅಪ್ರಾಪ್ತ ವಿದ್ಯಾರ್ಥಿನಿಯನ್ನು ಪುಸಲಾಯಿಸಿ ಕರೆದುಕೊಂಡು ಹೋಗಿದ್ದ ಆರೋಪಿ ಅತಿಥಿ ಶಿಕ್ಷಕ ಇನ್ನು ಜೈಲಿನ ಕಾಯಂ ನಿವಾಸಿ ಆಗಲಿದ್ದಾನೆ.

https://www.vijayavani.net/students-protest-in-favor-of-teacher-against-suspension/

https://www.vijayavani.net/chiefminister-promised-to-start-a-big-automobile-business-in-belagavi/

https://www.vijayavani.net/nia-picks-up-mangalore-blast-case/