ಖಾದ್ಯ ತೈಲದ ಮೇಲಿನ ತೆರಿಗೆ ಇಳಿಕೆ?

ನವದೆಹಲಿ: ಯೂಕ್ರೇನ್​ ಮೇಲೆ ರಷ್ಯಾ ದಾಳಿ ಮತ್ತು ಇಂಡೋನೇಷ್ಯಾ ತಾಳೆ ಎಣ್ಣೆ ರ್ತು ನಿಷೇಧಿಸಿದ್ದರಿಂದ ಖಾದ್ಯ ತೈಲ ಬೆಲೆ ಗಗನಮುಖಿ ಆಗಿದೆ. ಖಾದ್ಯ ತೈಲಗಳ ಬೆಲೆ ಏರಿಕೆ ತಡೆಯುವ ಸಲುವಾಗಿ ಅವುಗಳ ಮೇಲಿನ ತೆರಿಗೆ ಇಳಿಸಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ.

ಭಾರತವು ತನ್ನ ಖಾದ್ಯ ತೈಲ ಬೇಡಿಕೆ ಈಡೇರಿಸಿಕೊಳ್ಳಲು ಶೇಕಡ 60ರಷ್ಟನ್ನು ಯೂಕ್ರೇನ್​, ಇಂಡೋನೇಷ್ಯಾ ಮತ್ತು ಇತರೆ ರಾಷ್ಟ್ರಗಳಿಂದ ಆಮದು ಮಾಡಿಕೊಳ್ಳುತ್ತದೆ. ಜಗತ್ತಿನ ಅತಿಹೆಚ್ಚು ವೆಜಿಟೆಬಲ್​ ಆಯಿಲ್​ ಆಮದು ಮಾಡಿಕೊಳ್ಳುವ ದೇಶ ಭಾರತ. ಖಾದ್ಯ ತೈಲದ ಮೇಲಿನ ಒತ್ತಡ ಕಡಿಮೆ ಮಾಡಲು ಮತ್ತು ಬೆಲೆ ಏರಿಕೆ ತಡೆಯಲು ಕಚ್ಚಾತಾಳೆ ಎಣ್ಣೆ ಮೇಲಿನ ಆಮದು ಮೇಲ್ತೆರಿಗೆ ಶೇಕಡ 5 ಇಳಿಸಲು ಚಿಂತನೆ ನಡೆದಿದೆ. ಕೆಲವು ಉತ್ಪನ್ನಗಳ ಮೇಲಿನ ಮೂಲ ತೆರಿಗೆ ದರ ಮತ್ತು ಸೆಸ್​ ಇಳಿಸುವ ಚಿಂತನೆಯೂ ಇದೆ. ಕಚ್ಚಾ ತಾಳೆ ಎಣ್ಣೆಯ ಮೇಲಿನ ಆಮದು ಸುಂಕವನ್ನು ಈಗಾಗಲೇ ರದ್ದುಗೊಳಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.