ರಿಯಾಲಿಟಿ ಶೋ 'ಏಸ್ ಆಫ್ ಸ್ಪೇಸ್' ನಲ್ಲಿ ಭಾಗವಹಿಸಿದ ನಂತರ ಖ್ಯಾತಿಯ ಉತ್ತುಂಗಕ್ಕೇರಿದ, ಹಚ್ಚೆ ಕಲಾವಿದ ಕಮಲ್ಜಿತ್ ಸಿಂಗ್ ಮಂಗನನ್ನು ಸೆರೆಹಿಡಿದು, ಅದಕ್ಕೆ ವೈನ್ ಎಂದು ಹೇಳಲಾಗುವ ಕೆಂಪು ಮಿಶ್ರಣ ಕುಡಿಸುತ್ತಿದ್ದಾಗಲೇ ಆತ ಮತ್ತು ಆತನ ವ್ಯವಸ್ಥಾಪಕನನ್ನು ಪೊಲೀಸರು ಬಂಧಿಸಿದ್ದಾರೆ.
ಆದರೆ ಈ ಅಪವಾದವನ್ನು ತಳ್ಳಿಹಾಕಿದ ಕಮಲ್ಜಿತ್, ಹಿಮಾಚಲ ಪ್ರದೇಶದ ಕಸೌಲಿಯಲ್ಲಿ ಗಾಯಗೊಂಡಿದ್ದ ಕೋತಿಯನ್ನು ರಕ್ಷಿಸಿದ್ದು, ತಾನು ಮಂಗನಿಗೆ ಸೇಬು ಮತ್ತು ದಾಳಿಂಬೆ ರಸದ ಮಿಶ್ರಣವನ್ನು ಕುಡಿಸುತ್ತಿದ್ದೇನೆ ಎಂದಿದ್ದಾನೆ. ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ಕೋತಿಯನ್ನು ಬಂಧಿಸುವುದು ಅಪರಾಧ ಎಂದು ತಿಳಿದಾಗ ತಾನು ಮಂಗನನ್ನು ಬಿಡುಗಡೆ ಮಾಡಿದೆ ಎಂದು ಸಿಂಗ್ ಹೇಳಿದ್ದಾನೆ.
