ನವದೆಹಲಿ: ಆರ್ಥಿಕ ಸಂಕಷ್ಟದ ಕಾಲದಲ್ಲಿ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಖಾಸಗಿ ವಲಯದ ಭಾಗವಹಿಸುವಿಕೆ ಹೆಚ್ಚಿಸುವ ದೃಷ್ಟಿಯಿಂದ ದೊಡ್ಡ ಕೈಗಾರಿಕೋದ್ಯಮ ಮತ್ತು ಕಾರ್ಪೆರೇಟ್ ಕಂಪನಿಗಳಿಗೆ ಪೇಮೆಂಟ್ ಬ್ಯಾಂಕ್ ತೆರೆಯಲು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಅವಕಾಶ ಕಲ್ಪಿಸಿದೆ. ದೇಶದ ಪ್ರತಿಷ್ಠಿತ ಟಾಟಾ, ಬಿರ್ಲಾ, ಅಂಬಾನಿ ಇನ್ನಿತರ ಸಮೂಹಗಳಿಗೆ ಬ್ಯಾಂಕ್ ನಡೆಸಲು ಅನುಮತಿ ನೀಡಬಹುದು ಎಂದು ಶಿಫಾರಸು ಮಾಡಿದೆ. ಎನ್ಬಿಎಫ್ಸಿ(ಬ್ಯಾಂಕೇತರ ಹಣಕಾಸು ಸಂಸ್ಥೆ)ಗಳನ್ನು ಬ್ಯಾಂಕ್ ಆಗಿ ಪರಿವರ್ತಿಸಲು ಅವಕಾಶ ನೀಡಬಹುದೆಂದು ಆರ್ಬಿಐ ಸಲಹೆ ನೀಡಿದೆ. ರಿಲಯನ್ಸ್ ಇಂಡಸ್ಟ್ರೀಸ್, ಅದಿತ್ಯ ಬಿರ್ಲಾ ನುವೊ, ಟೆಕ್ ಮಹೀಂದ್ರಾ, ಟಾಟಾ ಸನ್ಸ್, ಸನ್ ಫರ್ವ ಇನ್ನಿತರ ಕಂಪನಿಗಳು ಬ್ಯಾಂಕ್ ತೆರೆಯಲು ಅರ್ಜಿ ಹಾಕಿವೆ. ಈ ಪೈಕಿ ಕೆಲವು ಕಂಪನಿಗಳು ಕಾರ್ಯಸಾಧ್ಯತೆಯ ಅಂಜಿಕೆಯಿಂದ ಅರ್ಜಿ ವಾಪಸ್ ಪಡೆದಿವೆ.
