ಭಾರತಕ್ಕೆ ಸುಂಕ ವಿಧಿಸುವುದರಿಂದ ಪುಟಿನ್ ಯುದ್ದ ನಿಲ್ಲಿಸುವುದಿಲ್ಲ: ಯುಎಸ್ ಡೆಮೋಕ್ರಾಟ್ ಸಮಿತಿ| America

America: ರಷ್ಯಾದ ತೈಲ ಖರೀದಿಯನ್ನು ಮುಂದುವರೆಸಿದ್ದಕ್ಕಾಗಿ ಭಾರತೀಯ ಸರಕುಗಳ ಮೇಲೆ ಶೇ.50 ರಷ್ಟು ಸುಂಕ ವಿಧಿಸುವ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಿರ್ಧಾರವನ್ನು ಯುಎಸ್ ಹೌಸ್ ವಿದೇಶಾಂಗ ವ್ಯವಹಾರಗಳ ಸಮಿತಿಯ ಡೆಮಾಕ್ರಟಿಕ್ ಸಮಿತಿ ಟೀಕಿಸಿದೆ.

ಈ ಬಗ್ಗೆ ಮಾತನಾಡಿದ ಅಮೆರಿಕದ ಖಜಾನೆ ಕಾರ್ಯದರ್ಶಿ ಸ್ಕಾಟ್ ಬೆಸೆಂಟ್, ಭಾರತಕ್ಕೆ ಸುಂಕ ವಿಧಿಸುವುದರಿಂದ ಪುಟಿನ್ ಯುದ್ದ ನಿಲ್ಲಿಸುವುದಿಲ್ಲ. ಯುಕ್ರೇನ್ ಮೇಲಿನ ರಷ್ಯಾದ ಆಕ್ರಮಣವನ್ನು ಟ್ರಂಪ್ ನಿಜವಾಗಿಯೂ ಎದುರಿಸಲು ಬಯಸಿದರೆ, ಪುಟಿನ್ ಅವರನ್ನು ನೇರವಾಗಿ ಶಿಕ್ಷಿಸಬೇಕು ಮತ್ತು ಯುಕ್ರೇನ್‌ಗೆ ಅಗತ್ಯವಿರುವ ಮಿಲಿಟರಿ ಸಹಾಯವನ್ನು ಒದಗಿಸಬೇಕು ಎಂದು ಹೇಳಿದ್ದಾರೆ.

ಅಲ್ಲದೆ, ಭಾರತದ ಮೇಲಿನ ಭವಿಷ್ಯದ ಸುಂಕ ಹೆಚ್ಚಳವು ಟ್ರಂಪ್ ಮತ್ತು ಪುಟಿನ್ ನಡುವೆ ಅಲಾಸ್ಕಾದಲ್ಲಿ ನಡೆಯಲಿರುವ ಸಭೆಯ ಫಲಿತಾಂಶವನ್ನು ಅವಲಂಬಿಸಿರುತ್ತದೆ ಎಂದು ಬೆಸೆಂಟ್ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಶ್ರೀಲಂಕಾದ ಮಾಜಿ ಕ್ರಿಕೆಟಿಗನಿಗೆ ಐದು ವರ್ಷಗಳ ನಿಷೇಧ ಹೇರಿದ ಐಸಿಸಿ! ಕಾರಣವೇನು ಗೊತ್ತಾ? Saliya Saman

ಮುಂದುವರೆದು ಮಾತನಾಡಿದ ಬೆಸೆಂಟ್​, ರಷ್ಯಾದ ತೈಲವನ್ನು ಖರೀದಿಸುವುದಕ್ಕಾಗಿ ಭಾರತೀಯರ ಮೇಲೆ ನಾವು ಎರಡೆರಡು ಬಾರಿ ಸುಂಕಗಳನ್ನು ವಿಧಿಸಿದ್ದೇವೆ. ಸಭೆ ಸರಿಯಾಗಿ ನಡೆಯದಿದ್ದರೆ, ಸುಂಕ ಹೆಚ್ಚಾಗಬಹುದು ಎಂದು ಸ್ಪಷ್ಟಪಡಿಸಿದ್ದಾರೆ.

ರಷ್ಯಾದ ಕಚ್ಚಾ ತೈಲದ ಅತಿದೊಡ್ಡ ಖರೀದಿದಾರನಾಗಿ ಚೀನಾದ ಸ್ಥಾನದ ಬಗ್ಗೆ ಕೇಳಿದಾಗ, ಬೆಸೆಂಟ್, ನಾನು ಅಧ್ಯಕ್ಷರನ್ನು ಹಿಂದಿಕ್ಕುವುದಿಲ್ಲ. ಟ್ರಂಪ್​ ಸ್ವತಃ ಹತೋಟಿ ತಗೆದುಕೊಳ್ಳುವಲ್ಲಿ ಅತ್ಯುತ್ತಮರು, ಮತ್ತು ಎಲ್ಲಾ ಆಯ್ಕೆಗಳು ಪುಟಿನ್​ ಮೇಜಿನ ಮೇಲಿವೆ ಎಂದು ಬ್ಲೂಮ್‌ಬರ್ಗ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಅಮೆರಿಕದ ನಿರ್ಧಾರವನ್ನು ಟೀಕಿಸಿದ್ದ ಭಾರತ

ಭಾರತವು ಈ ನಿರ್ಧಾರವನ್ನು ಬಲವಾಗಿ ಖಂಡಿಸಿದ್ದು, ಇದನ್ನು ನ್ಯಾಯಸಮ್ಮತವಲ್ಲ ಎಂದು ಕರೆದಿದೆ. ಸುಂಕ ಹೆಚ್ಚಳವು ಜವಳಿ ಮತ್ತು ಸಮುದ್ರ ಉತ್ಪನ್ನಗಳಂತಹ ಪ್ರಮುಖ ರಫ್ತು ವಲಯಗಳಿಗೆ ಹಾನಿ ಮಾಡುತ್ತದೆ ಎಂದು ಅಧಿಕಾರಿಗಳು ಎಚ್ಚರಿಸಿದ್ದಾರೆ.

ರಾಜಕೀಯವಾಗಿ ಬೆಲೆ ತೆರಬೇಕಾದರೂ ಸಹ, ಭಾರತ ತನ್ನ ರೈತರು ಮತ್ತು ಮೀನುಗಾರರ ಹಿತಾಸಕ್ತಿಗಳ ಬಗ್ಗೆ ಎಂದಿಗೂ ರಾಜಿ ಮಾಡಿಕೊಳ್ಳುವುದಿಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿ ಪ್ರತಿಕ್ರಿಯಿಸಿದರು.

ರೈತರ ಹಿತಾಸಕ್ತಿ ನಮ್ಮ ಪ್ರಮುಖ ಆದ್ಯತೆಯಾಗಿದೆ. ಭಾರತ ತನ್ನ ರೈತರು, ಜಾನುವಾರು ಮಾಲೀಕರು ಮತ್ತು ಮೀನುಗಾರರ ಹಿತಾಸಕ್ತಿಗಳೊಂದಿಗೆ ಎಂದಿಗೂ ರಾಜಿ ಮಾಡಿಕೊಳ್ಳುವುದಿಲ್ಲ. ನಾನು ವೈಯಕ್ತಿಕವಾಗಿ ಭಾರಿ ಬೆಲೆ ತೆರಬೇಕಾಗುತ್ತದೆ ಎಂದು ನನಗೆ ತಿಳಿದಿದೆ, ಆದರೆ ನಾನು ಹಾಗೆ ಮಾಡಲು ಸಿದ್ಧನಿದ್ದೇನೆ. ದೇಶದ ರೈತರು, ಮೀನುಗಾರರು ಮತ್ತು ಜಾನುವಾರು ಮಾಲೀಕರ ಹಿತದೃಷ್ಟಿಯಿಂದ ಭಾರತ ಸಿದ್ಧವಾಗಿದೆ ಎಂದು ಮೋದಿ ಘೋಷಿಸಿದರು.(ಏಜೆನ್ಸೀಸ್​)

https://www.vijayavani.net/us-man-dies-during-trip-to-meet-ai-chatbot-he-loved