ಕಾಬುಲ್ ಗುರುದ್ವಾರದಲ್ಲಿ 260ಕ್ಕೂ ಹೆಚ್ಚು ಸಿಖ್ಖರಿದ್ದಾರೆ. ಅವರನ್ನು ಅಲ್ಲಿಂದ ಸ್ಥಳಾಂತರಿಸುವುದಕ್ಕೆ ನೆರವು ಬೇಕಾಗಿದೆ ಎಂದು ಅಮೆರಿಕದ ಯುನೈಟೆಡ್ ಸಿಖ್ಸ್ ಸಂಘಟನೆ ಹೇಳಿದೆ. ಕಾಬುಲ್ನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ 10 ಕಿ.ಮೀ. ದೂರದಲ್ಲಿರುವ ಕಾರ್ತೆ ಪರ್ವಾನ್ ಗುರುದ್ವಾರದಲ್ಲಿ 260ಕ್ಕೂ ಹೆಚ್ಚು ಸಿಖ್ಖರಿದ್ದಾರೆ. ಅವರಲ್ಲಿ ಮಹಿಳೆಯರು ಮತ್ತು 50ಕ್ಕೂ ಹೆಚ್ಚು ಮಕ್ಕಳಿದ್ದಾರೆ. ನಾಲ್ಕು ನವಜಾತ ಶಿಶುಗಳಿವೆ. ತಾಲಿಬಾನ್ ವಶಕ್ಕೆ ಅಫ್ಘನ್ ಹೋದ ನಂತರ ಸಿಖ್ಖರನ್ನು ಅಲ್ಲಿಂದ ಸ್ಥಳಾಂತರಿಸುವ ಕೆಲಸದಲ್ಲಿ ಭಾರತ ಮಾತ್ರವೇ ನೆರವು ನೀಡಿದೆ. ಅಮೆರಿಕ, ಪಾಕಿಸ್ತಾನ, ಕೆನಡಾ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ತಜಕಿಸ್ತಾನ್, ಇರಾನ್ ಸರ್ಕಾರಗಳಿಗೂ ಈ ಬಗ್ಗೆ ಮನವಿ ಮಾಡಲಾಗಿದೆ ಎಂದು ಸಂಘಟನೆ ಹೇಳಿದೆ.
