ಪಾಕಿಸ್ತಾನಿ ಕ್ರಿಕೆಟಿಗನನ್ನು ಮದುವೆಯಾದ ನಟಿ! ವದಂತಿಗೆ 2013 ರಲ್ಲಿಯೇ ಸ್ಪಷ್ಟನೆ ನೀಡಿದ Sushmita Sen

Sushmita Sen :  ನಟಿ ಸುಶ್ಮಿತಾ ಸೇನ್ ಅವರು ರೋಹ್ಮನ್​ ಶಾಲ್​​ ಹಾಗೂ ಲಲಿತ್​​ ಮೋದಿ ಜೊತೆಗಿನ ಸಂಬಂಧದ, ಮದುವೆ ಎನ್ನುವ ಕುರಿತಾಗಿ ಹಲವು ವರ್ಷಗಳ ಹಿಂದೆ ಸುದ್ದಿಯಲ್ಲಿದ್ದರು. 2013 ರಲ್ಲಿ, ರೋಹ್ಮನ್​ ಶಾಲ್ ಅವರನ್ನು ಮದುವೆಯಾಗಿದ್ದಾರೆ ಎನ್ನುವ ಸುದ್ದಿ ಬೆಳಕಿಗೆ ಬಂದಿತ್ತು. ಈ ವೇಳೆ ನಟಿ ಸೋಶಿಯಲ್​​ ಮೀಡಿಯಾದಲ್ಲಿ ಬರೆದುಕೊಳ್ಳುವ ಮೂಲಕವಾಗಿ ಸ್ಪಷ್ಟನೆಯನ್ನು ನೀಡಿದ್ದರು.

2010 ರ ಆರಂಭದಲ್ಲಿ, ಸುಶ್ಮಿತಾ ಅವರ ಹೆಸರು ಪಾಕಿಸ್ತಾನಿ ಕ್ರಿಕೆಟಿಗ ವಾಸಿಮ್ ಅಕ್ರಮ್ ಜೊತೆ ಸಂಬಂಧ ಹೊಂದಿತ್ತು. ಅಷ್ಟೇ ಅಲ್ಲ, ಇಬ್ಬರೂ ಪರಸ್ಪರ ಮದುವೆಯಾಗಲಿದ್ದಾರೆ ಎಂಬ ವದಂತಿಗಳೂ ಇದ್ದವು. ಆದರೆ ಸುಶ್ಮಿತಾ ತಕ್ಷಣ ಅದಕ್ಕೆ ಪ್ರತಿಕ್ರಿಯಿಸಿ ಆ ವದಂತಿಗಳು ಸುಳ್ಳು ಎಂದು ಸ್ಪಷ್ಟಪಡಿಸಿದರು.

ವಾಸಿಮ್ ಸಹ ಪ್ರೇಮ ಸಂಬಂಧದ ವದಂತಿಗಳನ್ನು ನಿರಾಕರಿಸಿದರು ಮತ್ತು ಸುಶ್ಮಿತಾ ತುಂಬಾ ಸುಂದರ ಮತ್ತು ಅತ್ಯಂತ ಸಭ್ಯ ಮಹಿಳೆ ಎಂದು ಹೇಳಿದರು.

ವಾಸಿಮ್ ಮತ್ತು ಸುಶ್ಮಿತಾ 'ಏಕ್ ಖಿಲಾಡಿ ಏಕ್ ಹಸೀನಾ' ನೃತ್ಯ ರಿಯಾಲಿಟಿ ಶೋನಲ್ಲಿ ಒಟ್ಟಿಗೆ ಕಾಣಿಸಿಕೊಂಡರು. ಈ ಕಾರ್ಯಕ್ರಮದಲ್ಲಿ ಇಬ್ಬರೂ ಜಡ್ಜ್​ ಆಗಿದ್ದರು. ಆ ಸಮಯದಲ್ಲಿ, ಅವರ ಸಂಬಂಧದ ವದಂತಿಗಳು ಭುಗಿಲೆದ್ದವು. ನಂತರ 2013 ರಲ್ಲಿ, ಅವರ ಮದುವೆಯ ಸುದ್ದಿ ಬೆಳಕಿಗೆ ಬಂದಿತು. ಆ ಸಮಯದಲ್ಲಿ, ಸುಶ್ಮಿತಾ ಟ್ವಿಟರ್‌ನಲ್ಲಿ ಒಂದು ಪೋಸ್ಟ್ ಬರೆದು, ಮದುವೆಯ ಸುದ್ದಿ ಸುಳ್ಳು ಎಂದು ಹೇಳಿದ್ದಾರೆ.

2013 ರಲ್ಲಿ ಸುಶ್ಮಿತಾ ಟ್ವೀಟ್​​ ಮಾಡಿರುವ ಪ್ರಕಾರ, 'ವಾಸಿಮ್ ಜೊತೆಗಿನ ನನ್ನ ಮದುವೆಯ ಸುದ್ದಿಯನ್ನು ನಾನು ಓದುತ್ತಿದ್ದೇನೆ. ಇದು ನಕಲಿ ಸುದ್ದಿ. ವಾಸಿಮ್ ಅಕ್ರಮ್ ನನ್ನ ಸ್ನೇಹಿತ. ಅವನ ಜೀವನದಲ್ಲಿ ಒಬ್ಬ ಸುಂದರ ಹುಡುಗಿ ಇದ್ದಾಳೆ. ಅಂತಹ ವದಂತಿಗಳು ಅಗೌರವ. ಯಾರಾದರೂ ನನ್ನ ಜೀವನದಲ್ಲಿ ಬಂದರೆ, ನಾನು ಮೊದಲು ನಿಮಗೆ ತಿಳಿಸುತ್ತೇನೆ' ಎಂದು ಅವರು ಬರೆದಿದ್ದಾರೆ.

2009ರಲ್ಲಿ ಅವರ ಪತ್ನಿ ಹುಮಾ ಅವರ ಮರಣದ ನಂತರ, ಅವರ ಹೆಸರು ಅನೇಕ ಮಹಿಳೆಯರೊಂದಿಗೆ ಸಂಬಂಧ ಹೊಂದಿದೆ ಎಂದು ಅವರು ಹೇಳಿದರು, ಮತ್ತು ಅವರಲ್ಲಿ ಸುಷ್ಮಿತಾ ಕೂಡ ಒಬ್ಬರು. ನಂತರ, ವಾಸಿಂ 2013 ರಲ್ಲಿ ಶನೇರಾ ಅಕ್ರಮ್ ಅವರನ್ನು ವಿವಾಹವಾದರು.