Ratan Tata | ವಜ್ರದಲ್ಲಿ ಮೂಡಿಬಂದ ಧೀಮಂತ​ ನಾಯಕನ ಭಾವಚಿತ್ರ; ವಿಡಿಯೋಗೆ 5 ಮಿಲಿಯನ್​ಗೂ ಹೆಚ್ಚು ಜನರ ಮೆಚ್ಚುಗೆ

ಗಾಂಧಿನಗರ: ದೇಶದ ಅಭಿವೃದ್ಧಿಯಲ್ಲಿ ಸದಾ ಮುಂಚೂಣಿಯಲ್ಲಿರುತ್ತಿದ್ದ ಭಾರತದ ಧೀಮಂತ ನಾಯಕ ರತನ್​​ ಟಾಟಾ ಇಹಲೋಕ ತ್ಯಜಿಸಿರುವುದು ಭರಿಸಲಾಗದ ನಷ್ಟ ಎಂದರೆ ತಪ್ಪಗಲಾರದು. ರತನ್​ ಟಾಟಾ(Ratan Tata) ಅವರ ನಿಧನಕ್ಕೆ ದೇಶಾದ್ಯಂತ ಜನರು ಕಣ್ಣೀರಿಟ್ಟರು. ಸಾಮಾಜಿಕ ಜಾಲತಾಣಗಳ ಮೂಲಕ ರತನ್ ಟಾಟಾ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಪ್ರಧಾನಿ ನರೇಂದ್ರ ಮೋದಿಯವರಿಂದ ಹಿಡಿದು ಸಾಮಾನ್ಯ ಭಾರತೀಯರು ಕೂಡ ಅವರ ನೆನಪಿಗಾಗಿ ಕಂಬನಿ ಮಿಡಿದಿದ್ದಾರೆ.

ಇದನ್ನು ಓದಿ: Baba Siddique| ಹತ್ಯೆಗೂ ಮುನ್ನ ಎನ್‌ಸಿಪಿ ನಾಯಕ ಮಾಡಿದ ಪೋಸ್ಟ್​; ಕೊನೆಯದಾಗಿ ಹಂಚಿಕೊಂಡ ವಿಚಾರ ಏನು?

ಜಗತ್ತಿನಲ್ಲಿ ಅತಿ ಹೆಚ್ಚು ದೇಣಿಗೆ ನೀಡುವ ಕೈಗಾರಿಕೋದ್ಯಮಿ ಎಂದರೆ ತಕ್ಷಣ ನೆನಪಿಗೆ ಬರುವುದು ರತನ್​ ಟಾಟಾ ಅವರ ಹೆಸರು. ಅವರ ಸರಳತೆ ಮತ್ತು ಅವರ ವ್ಯಕ್ತಿತ್ವದಿಂದಾಗಿ ಅವರು ಶಾಶ್ವತವಾಗಿ ಅಮರರಾಗಿದ್ದಾರೆ. ರತನ್ ಟಾಟಾ ಅವರ ವ್ಯಕ್ತಿತ್ವದಿಂದಾಗಿ ಪ್ರಪಂಚದಾದ್ಯಂತ ಅವರ ಅಭಿಮಾನಿಗಳಿಗೆ ಕೊರತೆಯಿಲ್ಲ.

ಇದೀಗ ಅವರ ನಿಧನದ ಮೂರನೇ ದಿನ ರತನ್ ಟಾಟಾ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಗುತ್ತಿದೆ. ಗುಜರಾತ್​ನ ಉದ್ಯಮಿಯೊಬ್ಬರು ರತನ್ ಟಾಟಾ ಅವರ ಭಾವಚಿತ್ರವನ್ನು ತಯಾರಿಸುವ ಮೂಲಕ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ. ವಿಶೇಷವೆಂದರೆ ಈ ಭಾವಚಿತ್ರವನ್ನು ವಜ್ರದಿಂದ ರಚಿಸಲಾಗಿದೆ. 1100 ವಜ್ರಗಳನ್ನು ಬಳಸಿ ಮಾಡಲಾಗಿದೆ. ಸದ್ಯ ಈ ಭಾವಚಿತ್ರದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ.

ವಜ್ರದಿಂದ ಭಾವಚಿತ್ರ ಮಾಡಿದ ಉದ್ಯಮಿಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ವಿಡಿಯೋ ವೈರಲ್​ ಆದ ಬಳಿಕ 5 ಮಿಲಿಯನ್​ಗೂ ಹೆಚ್ಚು ಮಂದಿ ವೀಕ್ಷಿಸಿದ್ದು ಭಾವನಾತ್ಮಕವಾಗಿ ಪ್ರತಿಕ್ರಿಯಿಸುತ್ತಿದ್ದಾರೆ. ರತನ್ ಟಾಟಾ ಅವರು ಕೇವಲ ಒಬ್ಬ ಉದ್ಯಮಿಯಾಗಿರಲಿಲ್ಲ, ಅವರು ಅನೇಕರಿಗೆ ಭರವಸೆಯ ದಾರಿದೀಪವಾಗಿದ್ದರು. ರತನ್​ ಟಾಟಾ ಅವರು ಯಾವಾಗಲೂ ಜನರಿಗೆ ಮೊದಲ ಸ್ಥಾನ ಕೊಡುತ್ತಾರೆ, ಪ್ರತಿಯೊಂದು ದತ್ತಿ ಕಾರ್ಯದಲ್ಲಿ ಅವರ ಆತ್ಮವು ಜೀವಂತವಾಗಿರುತ್ತದೆ. ಲೆಜೆಂಡ್​​​​ ವ್ಯಕ್ತಿಗೆ ಈ ಭಾವಚಿತ್ರವು ಸೂಕ್ತವಾಗಿದೆ ಎಂದು ಕಾಮೆಂಟ್​ ಮಾಡಿದ್ದಾರೆ.

ಬ್ರೀಚ್‌ಕ್ಯಾಂಡಿ ಆಸ್ಪತ್ರೆಯಲ್ಲಿ ರತನ್​ ಟಾಟಾ ಅವರು ನಿಧನರಾದ ಬಳಿಕ ಅಂತಿಮ ವಿಧಿಗಳಿಗಾಗಿ ಬೆಳಗ್ಗೆ 10 ರಿಂದ ಸಂಜೆ 4ರವರೆಗೆ ಅವರ ಎನ್‌ಸಿಪಿಎಯಲ್ಲಿ ಇರಿಸಲಾಗಿತ್ತು. ಈ ಸಮಯದಲ್ಲಿ ವಿವಿಧ ಧರ್ಮಗಳ ಧಾರ್ಮಿಕ ಮುಖಂಡರು ರತನ್ ಟಾಟಾ ಅವರಿಗೆ ಅಂತಿಮ ನಮನ ಸಲ್ಲಿಸಿದರು. ರತನ್ ಟಾಟಾ ಅವರ ಅಂತ್ಯಕ್ರಿಯೆಯನ್ನು ವರ್ಲಿಯಲ್ಲಿರುವ ಸ್ಮಶಾನದಲ್ಲಿ ಮಾಡಲಾಯಿತು.(ಏಜೆನ್ಸೀಸ್​)

https://www.vijayavani.net/tata-family-tree-from-jamshedji-to-rratan-tata