ವ್ಯಭಿಚಾರ, ನಿಷಿದ್ಧ ಸಂಪಾದನೆಗಳು ಮನುಷ್ಯನ ಮನಸ್ಸನ್ನು ಆಕರ್ಷಿಸುತ್ತವೆ. ಅಶ್ಲೀಲವಾದ ನುಡಿಗಳನ್ನು ಆಡುವುದು, ಬೈಯ್ಯುವುದು ಕೂಡ ಧರ್ಮ ಮತ್ತು ನೈತಿಕತೆಗೆ ವಿರುದ್ಧವಾದ ನಡೆಯಾಗಿದೆ ಎಂಬುದು ಪೈಗಂಬರರ ದೃಢವಾದ ಅಭಿಪ್ರಾಯವಾಗಿತ್ತು. ಜನರಲ್ಲಿ ವೃಥಾ ತಪ್ಪು-ದೋಷಗಳನ್ನು ಹುಡುಕಬಾರದು. ಅಲ್ಲಿ ಇಲ್ಲಿ ಹೊಂಚು ಹಾಕಬಾರದು. ಹೊಟ್ಟೆಕಿಚ್ಚುಪಡಬಾರದು. ನೀಚ ಗುಮಾನಿಗಳಿಂದ ದೂರವಿರುವುದು ಒಳ್ಳೆಯದು. ದ್ವೇಷಪಡಬಾರದು. ಒಬ್ಬ ವ್ಯಕ್ತಿ ಅನ್ಯಾಯದ ವಿಷಯದಲ್ಲಿ ತನ್ನ ಜನಾಂಗಕ್ಕೆ ಸಹಾಯ ಮಾಡಿದರೆ ಅದು ಪಕ್ಷಪಾತವಾಗುತ್ತದೆ. ಒಬ್ಬ ಮನುಷ್ಯ ಅನ್ಯ ವಿಚಾರ-ವಿಷಯಗಳಲ್ಲಿ ಎಷ್ಟೇ ಧಾರ್ವಿುಕನಾಗಿದ್ದರೂ ವ್ಯಾಪಾರದ ವಿಷಯಗಳಲ್ಲಿ ದೈವಭಯ, ಪ್ರಾಮಾಣಿಕತೆ ಹಾಗೂ ನೈತಿಕತೆಯನ್ನು ಉಲ್ಲಂಘಿಸಿದರೆ ಅವನಿಗೆ ಧರ್ಮಭ್ರಷ್ಟರ ಗತಿಯೇ ಒದಗುತ್ತದೆ. ಅಕ್ರಮ ದಾಸ್ತಾನು ಮಾಡುವವನು ಮಹಾ ಪಾಪಿ ಎನಿಸುತ್ತಾನೆ.
