ಆಂಧ್ರಪ್ರದೇಶದಲ್ಲಿ ಪಿಯುಸಿ ಮುಗಿಸಿ ಅಲ್ಲಿನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಇನ್ಫಾರ್ಮೆಷನ್ ಟೆಕ್ನಾಲಜಿ (ಐಐಐಟಿ)ಯಲ್ಲಿ ಇಂಜಿನಿಯರಿಂಗ್ ಪದವಿ ಪೂರೈಸಿದ್ದ ಲಕ್ಷ್ಮೀಪತಿ, ಬೆಂಗಳೂರು ಮತ್ತು ದುಬೈನಲ್ಲಿ ಖಾಸಗಿ ಕಂಪನಿಗಳಲ್ಲಿ ಕೆಲಕಾಲ ಕೆಲಸ ಮಾಡಿದ್ದ. ಎಥಿಕಲ್ ಹ್ಯಾಕಿಂಗ್ ಕಲಿತು ಕ್ರಿಪ್ಟೋ ಕರೆನ್ಸಿಯಲ್ಲಿ ಕೆಲಕಾಲ ಹೂಡಿಕೆ ಮಾಡಿದ್ದ. ಇದಾದ ಮೇಲೆ ಸುಲಭವಾಗಿ ಹಣ ಸಂಪಾದನೆ ಮಾಡಿ ವಿದೇಶದಲ್ಲಿ ವಾಸ್ತವ್ಯ ಹೂಡಲು ಪ್ಲ್ಯಾನ್ ಮಾಡಿ ಹ್ಯಾಕಿಂಗ್ ಶುರು ಮಾಡಿದ್ದ. ರಿವಾರ್ಡ್ಸ್-360 ಕಂಪನಿ ವೆಬ್ಸೈಟ್ ಹ್ಯಾಕ್ ಮಾಡಿ ಗ್ರಾಹಕರಿಗೆ ವಿತರಿಸಲು ಮೀಸಲಿಟ್ಟಿದ್ದ ವೋಚರ್ಗಳನ್ನು ಕದ್ದು ಅದನ್ನೇ ಬಳಸಿಕೊಂಡು ಲಕ್ಷ್ಮೀಪತಿ, ಇ-ಕಾಮರ್ಸ್ನಲ್ಲಿ ಚಿನ್ನಾಭರಣ, ದ್ವಿಚಕ್ರ ವಾಹನಗಳು, ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಖರೀದಿಸಿದ್ದ.
