ಐರೋಪ್ಯ ರಾಷ್ಟ್ರಗಳಲ್ಲಿ ವಯಸ್ಸಾದವರಲ್ಲಿ ವಿಟಮಿನ್-ಡಿ ಕೊರತೆ ಸಾಮಾನ್ಯ. ವಿಟಮಿನ್-ಡಿ ಕೊರತೆ ಇರುವವರಲ್ಲಿ ಹೃದ್ರೋಗ, ಕ್ಯಾನ್ಸರ್ ಹಾಗೂ ಆಸ್ಟಿಯೋಪೋರೋಸಿಸ್ ಸಾಧ್ಯತೆ ಹೆಚ್ಚು. ಅಲ್ಲದೆ ಡಿ ಜೀವಸತ್ವ ದೇಹದಲ್ಲಿ ನಾನಾ ರೂಪದಲ್ಲಿ ಇರುತ್ತದೆ. ಆದರೆ ರಕ್ತಪರಿಚಲನೆಯಲ್ಲಿ ಕಂಡುಬರುವ ವಿಟಮಿನ್-ಡಿ ಪರೀಕ್ಷೆಯಿಂದ ಸಾಕಷ್ಟು ಅನಾರೋಗ್ಯಗಳ ಕುರಿತು ಮುನ್ಸೂಚನೆ ಪಡೆಯಬಹುದು ಎಂಬುದನ್ನು ಬೆಲ್ಜಿಯಮ್ನ ಯುನಿವರ್ಸಿಟಿ ಹಾಸ್ಪಿಟಲ್ಸ್ ಲ್ಯೂವನ್ನ ಡಾ. ಲೀನ್ ಆಂಟೋನಿಯೊ ಕಂಡುಕೊಂಡಿದ್ದಾರೆ. ಯುರೋಪಿಯನ್ ಮೇಲ್ ಏಜಿಂಗ್ ಸ್ಟಡಿ ಡೇಟಾ ಆಧರಿತ ಅಧ್ಯಯನ ಮೂಲಕ ಅವರು ಇದನ್ನು ಅರಿತುಕೊಂಡಿದ್ದು, ಈ ಕುರಿತು ಮತ್ತಷ್ಟು ಅಧ್ಯಯನದಲ್ಲಿ ತೊಡಗಿದ್ದಾರಂತೆ. (ಏಜೆನ್ಸೀಸ್)
