ಭಾರತದಲ್ಲಿ ಸಾಂಕ್ರಾಮಿಕತೆಯ ಅವಧಿಯಲ್ಲಿ ಅಮೆರಿಕದ ಮಿಷನ್ ಬಹುತೇಕ ಸಮಯ ತೆರೆದಿತ್ತು. ಆದರೆ, ಕರೊನಾ ಲಾಕ್ಡೌನ್, ಸಾಮಾಜಿಕ ಅಂತರ ಮೊದಲಾದವು ಬ್ಯಾಕ್ಲಾಗ್ಗೆ ಕಾರಣ ಎಂದು ಅಮೆರಿಕ ರಾಯಭಾರ ಕಚೇರಿಯ ವಕ್ತಾರ ಕ್ರಿಸ್ ಎಲ್ಮಸ್ ಹೇಳಿದ್ದಾರೆ. ವಲಸೆ ಮತ್ತು ವಲಸೆಯೇತರ ವೀಸಾಗಳ ಎಲ್ಲ ವಿಧಗಳ ಅರ್ಜಿಗಳ ಪರಿಷ್ಕರಣೆ ಕೆಲಸ ಪುನರಾರಂಭವಾಗಿದೆ. ಸಕಾಲದಲ್ಲಿ ತರಗತಿಗಳಿಗೆ ಹಾಜರಾಗುವುದನ್ನು ಖಾತರಿಪಡಿಸಲು 82,000ಕ್ಕೂ ಹೆಚ್ಚು ವಿದ್ಯಾರ್ಥಿ ವೀಸಾ ನೀಡಲಾಗಿದೆ. ಇದರಿಂದಾಗಿ ಬೇರೆಲ್ಲ ದೇಶಗಳಿಗಿಂತ ಹೆಚ್ಚಾಗಿ ಭಾರತದ ಅಧಿಕ ವಿದ್ಯಾರ್ಥಿಗಳು ಅಮೆರಿಕದತ್ತ ಹೊರಟಿದ್ದಾರೆ ಎಂದು ಕ್ರಿಸ್ ವಿವರಿಸಿದ್ದಾರೆ. ರಾಯಭಾರ ಕಚೇರಿಯ ಎಲ್ಲ ಖಾಲಿ ಹುದ್ದೆಗಳನ್ನು ತುಂಬಲು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ ಎಂದಿದ್ದಾರೆ.
