ರೂ. 2.34ರಿಂದ 1986ಕ್ಕೆ ಜಿಗಿದ ಷೇರು ಬೆಲೆ: ಹೂಡಿಕೆದಾರರಿಗೆ 84000% ಲಾಭ

ಮುಂಬೈ: ಸೋಲಾರ್ ಪವರ್ ವ್ಯವಹಾರದಲ್ಲಿ ತೊಡಗಿರುವ ವಾರಿ ರಿನ್ಯೂವಬಲ್ ಟೆಕ್ನಾಲಜೀಸ್‌ನ ಷೇರುಗಳು ಕಳೆದ 10 ವರ್ಷಗಳಲ್ಲಿ ಅಪಾರ ಲಾಭವನ್ನು ನೀಡಿವೆ. ಈ ಷೇರುಗಳ ಬೆಲೆ 10 ವರ್ಷಗಳಲ್ಲಿ 2 ರಿಂದ 1900 ರೂ. ಆಗಿದೆ. ಈ ಅವಧಿಯಲ್ಲಿ ಕಂಪನಿಯ ಷೇರುಗಳು ಹೂಡಿಕೆದಾರರಿಗೆ ಶೇಕಡಾ 84000 ಕ್ಕಿಂತ ಹೆಚ್ಚು ಲಾಭವನ್ನು ನೀಡಿವೆ. ಕಂಪನಿಯು ಹೂಡಿಕೆದಾರರಿಗೆ 57 ಬೋನಸ್ ಷೇರುಗಳನ್ನು ಸಹ ನೀಡಿದೆ.

ಈ ಷೇರುಗಳು 10 ವರ್ಷಗಳಲ್ಲಿ ಹೂಡಿಕೆದಾರರಿಗೆ 84775% ನಷ್ಟು ಲಾಭವನ್ನು ನೀಡಿವೆ. ಕಂಪನಿಯ ಷೇರುಗಳ ಬೆಲೆ ಜೂನ್ 19, 2014 ರಂದು 2.34 ರೂ. ಇತ್ತು. ಈಗ ಜೂನ್ 25, 2024 ರಂದು ಈ ಷೇರುಗಳ ಬೆಲೆ ರೂ 1986.10 ಕ್ಕೆ ಮುಟ್ಟಿದೆ.

ಕಳೆದ 5 ವರ್ಷಗಳಲ್ಲಿ ಸೋಲಾರ್ ಕಂಪನಿಯ ಷೇರುಗಳ ಬೆಲೆ 62950% ಹೆಚ್ಚಾಗಿದೆ. ಈ ಅವಧಿಯಲ್ಲಿ ಈ ಷೇರುಗಳ ಬೆಲೆ ರೂ.3.15 ರಿಂದ ರೂ. 1900ಕ್ಕೆ ಏರಿಕೆಯಾಗಿದೆ. ಈ ಷೇರುಗಳ 52 ವಾರಗಳ ಗರಿಷ್ಠ ಬೆಲೆ 3037.75 ರೂ. ಹಾಗೂ ಕನಿಷ್ಠ ಬೆಲೆ ರೂ 213.01 ಆಗಿದೆ.

ಈ ಷೇರುಗಳ ಬೆಲೆ ಕಳೆದ ಒಂದು ವರ್ಷದಲ್ಲಿ 789% ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. ಕಂಪನಿಯ ಷೇರುಗಳ ಬೆಲೆ ಒಂದು ವರ್ಷದಲ್ಲಿ 223.24 ರೂ.ನಿಂದ 1986.10 ರೂ.ಗೆ ಏರಿಕೆಯಾಗಿದೆ. ಕಳೆದ 6 ತಿಂಗಳುಗಳಲ್ಲಿ, ಈ ಸ್ಮಾಲ್‌ಕ್ಯಾಪ್ ಕಂಪನಿಯ ಷೇರುಗಳ ಬೆಲೆ 445% ರಷ್ಟು ಹೆಚ್ಚಾಗಿದೆ. 6 ತಿಂಗಳಲ್ಲಿ ಕಂಪನಿಯ ಷೇರುಗಳ ಬೆಲೆ 363.83 ರೂ.ನಿಂದ 1900 ರೂ. ಮುಟ್ಟಿದೆ. ಈ ವರ್ಷ ಇಲ್ಲಿಯವರೆಗೆ ಕಂಪನಿಯ ಷೇರುಗಳ ಬೆಲೆ 353% ರಷ್ಟು ಏರಿಕೆಯಾಗಿದೆ.

ತನ್ನ ಹೂಡಿಕೆದಾರರಿಗೆ ಈ ಕಂಪನಿಯು 10 ವರ್ಷಗಳ ಹಿಂದೆ 57:100 ಅನುಪಾತದಲ್ಲಿ ಬೋನಸ್ ಷೇರುಗಳನ್ನು ನೀಡಿತ್ತು. ಅಂದರೆ, ಕಂಪನಿಯು ಪ್ರತಿ 100 ಷೇರುಗಳಿಗೆ 57 ಬೋನಸ್ ಷೇರುಗಳನ್ನು ನೀಡಿತ್ತು. ಕಂಪನಿಯು ತನ್ನ ಷೇರುಗಳನ್ನು ಮಾರ್ಚ್ 2024 ರಲ್ಲಿ ವಿಂಗಡಿಸಿದೆ. ಕಂಪನಿಯು 10 ರೂಪಾಯಿ ಮುಖಬೆಲೆಯ ಷೇರುಗಳನ್ನು 2 ರೂಪಾಯಿ ಮುಖಬೆಲೆಯ ಷೇರುಗಳಾಗಿ ವಿಂಗಡಿಸಿದೆ.

https://www.vijayavani.net/richest-man-elon-musk-is-now-the-father-of-12th-child

https://www.vijayavani.net/historic-record-in-the-stock-market-bse-index-crosses-78000-mark-for-the-first-time

https://www.vijayavani.net/planning-to-extend-pli-scheme-to-garments-sector-textiles-minister-giriraj-singh