Stock Market: ಷೇರುಪೇಟೆಲಿ ಕರಡಿ ಅಬ್ಬರ: ಸೆನ್ಸೆಕ್ಸ್ 466, ನಿಫ್ಟಿ 125 ಪಾಯಿಂಟ್​ ಕುಸಿತ

Stock Market: ದೇಶೀಯ ಷೇರು ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ವಾರದ ಆರಂಭಿಕ ದಿನವಾದ ಸೋಮವಾರ(ಸೆ.22) ಭಾರೀ ಕುಸಿತ ಕಂಡಿದೆ.

ನಿಫ್ಟಿ 50 ಸೂಚ್ಯಂಕವು 0.49% ಅಥವಾ 125 ಪಾಯಿಂಟ್‌ಗಳ ಕುಸಿತದೊಂದಿಗೆ 25,202 ಕ್ಕೆ ಕೊನೆಗೊಂಡಿತು, ಆದರೆ, ಅದರ ಬಿಎಸ್‌ಇ ಪ್ರತಿರೂಪ ಸೆನ್ಸೆಕ್ಸ್ ಶೇ.0.56ರಷ್ಟು ಅಂದರೆ 466 ಪಾಯಿಂಟ್‌ಗಳ ಕುಸಿತದೊಂದಿಗೆ 82,160 ಕ್ಕೆ ಸ್ಥಿರವಾಯಿತು. ಕಳೆದ ವಾರ ಏರಿಕೆಯಲ್ಲಿದ್ದ ಷೇರುಪೇಟೆ ಈ ಬಾರಿ ವಾರದ ಆರಂಭದಲ್ಲೇ ಹೊಡೆತ ಬಿದ್ದಿದೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ H-1B ವೀಸಾ ಮೇಲಿನ ಶುಲ್ಕವನ್ನು ಗಣನೀಯವಾಗಿ ಹೆಚ್ಚಳ ಮಾಡಿರುವುದು ಭಾರತೀಯ ಐಟಿ ಷೇರುಗಳ ಮೇಲೆ ತೀವ್ರ ಪರಿಣಾಮ ಬೀರಿದೆ. ಸೋಮವಾರದ ಆರಂಭಿಕ ವಹಿವಾಟಿನಲ್ಲೇ ಐಟಿ ವಲಯ ತತ್ತರಿಸಿ ಹೋಗಿದೆ.

ಇದನ್ನೂ ಓದಿ:2 ತಿಂಗಳಿನಿಂದ ನಿಲ್ಲದ ವಾಂತಿ… 7 ವರ್ಷದ ಬಾಲಕ ಹೊಟ್ಟೆಯಲ್ಲಿತ್ತು ಕೂದಲು ಉಂಡೆ, ಹುಲ್ಲು, ಶೂ ಲೇಸ್ ದಾರ..Surgery

ಹೌದು, ಸೂಚ್ಯಂಕದ ಪ್ರಮುಖ ಕಂಪನಿಗಳಾದ ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಎಚ್‌ಡಿಎಫ್‌ಸಿ ಬ್ಯಾಂಕ್ ಕೂಡ ಸೂಚ್ಯಂಕಗಳನ್ನು ಕೆಳಕ್ಕೆ ಇಳಿಸಿದಿವೆ. H-1B ವೀಸಾ ಏತನ್ಮಧ್ಯೆ, ಭಾರತೀಯ ಮಾರುಕಟ್ಟೆಗಳ ಮೇಲೆ ನೇರ ಪರಿಣಾಮ ಬೀರಿದೆ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ತತ್ತರಿಸಿದ ಐಟಿ ಷೇರುಗಳು

ನಿಫ್ಟಿ 50 ಷೇರುಗಳ ಪಟ್ಟಿಯಲ್ಲಿ 31 ಷೇರುಗಳು ಕುಸಿತ ಕಂಡಿದ್ದು, ಐಟಿ ಷೇರುಗಳು ನಷ್ಟ ಅನುಭವಿಸಿದ ಷೇರುಗಳಲ್ಲಿ ಮುಂಚೂಣಿಯಲ್ಲಿವೆ. ಟೆಕ್ ಮಹೀಂದ್ರಾ ಶೇ. 3 ರಷ್ಟು ಕುಸಿತ ಕಂಡರೆ, ಟಿಸಿಎಸ್ ಶೇ. 2.96 ರಷ್ಟು ಕುಸಿತ ಕಂಡರೆ, ಇನ್ಫೋಸಿಸ್ ಶೇ. 2.55 ರಷ್ಟು ಕುಸಿತ ಕಂಡಿದೆ. ಅಲ್ಲದೆ, ಸಿಪ್ಲಾ, ವಿಪ್ರೋ, ಎಚ್‌ಸಿಎಲ್ ಟೆಕ್, ಟಾಟಾ ಮೋಟಾರ್ಸ್ ಮತ್ತು ಟ್ರೆಂಟ್ ಇತರ ಪ್ರಮುಖ ನಷ್ಟ ಅನುಭವಿಸಿದವು, 1.5%-2% ನಷ್ಟ ಅನುಭವಿಸಿದೆ.(ಏಜೆನ್ಸೀಸ್​)

https://www.vijayavani.net/donald-trump-h-1b-visa-fee-hikes-hits-it-stocks-tcs-wipro-infosys-shares-tumble-stocks-to-watch-today