ಸಿಲಿಕಾನ್ ಸಿಟಿಯಲ್ಲಿ 500 ರೂ. ಚಾಲೆಂಜ್: ಪಶ್ಚಿಮ ಬಂಗಾಳದ ಮಹಿಳೆಯ ಸಾಹಸಕ್ಕೆ ನೆಟ್ಟಿಗರು ಫಿದಾ! Budget Travel

ಬೆಂಗಳೂರಿನ ಬಂಗಾಳಿ ನಿವಾಸಿ ಪ್ರಿಯಾಂಕಾ ಮಂಡಲ್, ಸೀಮಿತ ಹಣದಿಂದ ಸಿಟಿಯಲ್ಲಿ ಕಾಲ ಕಳೆಯಲು ನಿರ್ಧರಿಸಿ, 500 ರೂಗಳಲ್ಲಿ ಆಹಾರ, ಪ್ರಯಾಣ ಮತ್ತು ಸಣ್ಣ ವಿರಾಮಗಳನ್ನು ನಿರ್ವಹಿಸಬಹುದೇ ಎಂಬುದನ್ನು ನೋಡಲು ಬಯಸಿದ್ದರು. ಆದಾಗ್ಯೂ, ಆಕೆ ಮೊದಲು ತನ್ನ ದಿನವನ್ನು ಇಡ್ಲಿಯೊಂದಿಗೆ ಪ್ರಾರಂಭಿಸಿ ತೃಪ್ತರಾದರು. ಜೊತೆಗೆ ಪ್ರಯಾಣಕ್ಕಾಗಿ ಕ್ಯಾಬ್​ಗಳನ್ನು ಬಳಸುವ ಬದಲಿಗೆ ಮೆಟ್ರೋ ಪ್ರಯಾಣವನ್ನು ಆರಿಸಿಕೊಂಡರು. ಆದಾಗ್ಯೂ, ಹಗಲಿನಲ್ಲಿ ಪ್ರಯಾಣ ನಡೆಸಲು ಒಂದು ಚಹಾದೊಂದಿಗೆ ಸಣ್ಣ ವಿರಾಮವನ್ನು ತೆಗೆದುಕೊಂಡರು.

ಪ್ರಿಯಾಂಕ ಹೇಳುವ ಪ್ರಕಾರ, ಅವರಿಗೆ ಊಟದ ಸಮಯ ಅತ್ಯಂತ ಸವಾಲಾಗಿತ್ತು. ಏಕೆಂದರೆ, ಆಹಾರದ ಬೆಲೆಗಳು ತುಂಬಾ ಹೆಚ್ಚಾಗಿದ್ದವು. ಇದನ್ನು ಅರಿತುಕೊಂಡ ಅವರು 120 ರೂ. ಬಜೆಟ್​ನೊಳಗೆ ಊಟವನ್ನು ಮಾಡಲು ನಿರ್ಧರಿಸಿದರು ಎಂದು ತಿಳಿಸಿದರು.

ಸಮಯ ಕಳೆದಂತೆ ಪ್ರಿಯಾಂಕ ತನ್ನ ಖರ್ಚನ್ನು ನಿಯಂತ್ರಿಸುತ್ತಲೇ ಇದ್ದಳು. ಸಂಜೆಯ ಆಹಾರಕ್ಕಾಗಿ ಅವರು ವಡಾ ಪಾವ್ ಮತ್ತು ಒಂದು ಕಪ್ ಚಹಾ ಸೇವಿಸಿದಳು. ನಂತರ, ತನ್ನ ಬಜೆಟ್ ಬಹುತೇಕ ಖಾಲಿಯಾಗಿದೆ ಎಂದು ಅರಿತುಕೊಂಡು ಮನೆಗೆ ತೆರಳಲು ನಿರ್ಧರಿಸಿದಳು. ಆದಾಗ್ಯೂ, ಸೀಮಿತ ಹಣದ ಹೊರತಾಗಿಯೂ ದಿನವನ್ನು ಮುಗಿಸುವಲ್ಲಿ ಆಕೆ ಯಶಸ್ವಿಯಾಗಿದ್ದು, 200 ರೂಗಳನ್ನು ಉಳಿಸಿರುವುದಾಗಿ ತಿಳಿಸಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಕಾಮೆಂಟ್​ ಮಾಡಿದ್ದು, ನೀವು ಬೆಂಗಳೂರು ಇಂದಿರಾ ಕ್ಯಾಂಟೀನ್‌ಗೆ ಭೇಟಿ ನೀಡಿ 30 ರೂಪಾಯಿಯಲ್ಲಿ ಊಟ ಮಾಡಬಹುದು" ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಬಳಕೆದಾರರು "ಇದು ಕೇವಲ ಒಂದು ದಿನಕ್ಕೆ ಸಾಧ್ಯ, ಕುಟುಂಬದೊಂದಿಗೆ ವಾಸಿಸುವವರಿಗೆ ಬೆಂಗಳೂರು ಅತಿ ಹೆಚ್ಚು ಹೊರೆಯಾಗಿದೆ" ಎಂದು ಅಭಿಪ್ರಾಯಪಟ್ಟಿದ್ದಾರೆ (ಏಜೆನ್ಸೀಸ್​).