ಹೆಲ್ಮೆಟ್​ ಧರಿಸಿ ಬೈಕ್​ ಚಲಾಯಿಸಿ helmet

ಬಾಗೇಪಲ್ಲಿ ತಾಲೂಕಿನ ಪಾತಪಾಳ್ಯ ಗ್ರಾಮದಲ್ಲಿ ಹರಿನಾಥರೆಡ್ಡಿ ಚಾರಿಟಬಲ್​ ಟ್ರಸ್ಟ್​ಯಿಂದ ಆಯೋಜಿಸಿದ್ದ ತೊಳ್ಳಪಲ್ಲಿ ಮತ್ತು ಪಾತಪಾಳ್ಯ ಗ್ರಾಪಂ ಸವಾರರಿಗೆ ಉಚಿತ ಹೆಲ್ಮೆಟ್​ ವಿತರಣೆ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿ, ಪೋಲಿಸರು ದಂಡ ವಿಧಿಸುತ್ತಾರೆಂಬ ಕಾರಣಕ್ಕೆ ಹೆಲ್ಮೆಟ್​ ಧರಿಸುವ ಚಾಳಿ ಬಿಟ್ಟು ಪ್ರಾಣ ಉಳಿಸಿಕೊಳ್ಳುವುದಕ್ಕಾಗಿ ಹೆಲ್ಮೆಟ್​ ಧರಿಸಬೇಕು. ಗುಡಿಬಂಡೆ, ಬಾಗೇಪಲ್ಲಿ, ಚೇಳೂರು ತಾಲೂಕಿನಲ್ಲಿ 40 ಸಾವಿರ ಹೆಲ್ಮೆಟ್​ ವಿತರಿಸಲಿದ್ದೇವೆ, ಟ್ರಸ್ಟ್​ಯಿಂದ ವಿತರಿಸಿರುವ ಹೆಲ್ಮೆಟ್​ ಧರಿಸುವುದರಿಂದ ಕನಿಷ್ಠ 10 ಪ್ರಾಣಗಳು ಉಳಿದರೂ ನಮ್ಮ ಸಮಾಜ ಸೇವೆಗೆ ಸಾರ್ಥಕತೆ ಸಿಗುತ್ತದೆ ಎಂದರು.

ಬಿಜೆಪಿ ಮಾಜಿ ಜಿಲ್ಲಾಧ್ಯಕ್ಷ ರಾಮಲಿಂಗಪ್ಪ ಮಾತನಾಡಿ, ಹೆಲ್ಮೆಟ್​ ಧರಿಸವುದನ್ನು ಪೊಲೀಸ್​ ಇಲಾಖೆ ಕಡ್ಡಾಯ ಮಾಡಿದ್ದರೂ ಬೈಕ್​ ಸವಾರರು ರ್ನಿಲಕ್ಷ$್ಯ ತೋರುತ್ತಿರುವುದು ಒಳ್ಳೆಯದಲ್ಲ. ಹೆಲ್ಮೆಟ್​ಗಳನ್ನು ಧರಿಸಿ ಪ್ರಾಣ ಉಳಿಸಿಕೊಂಡಾಗ ಮಾತ್ರ ಸೇವೆಗೆ ತಕ್ಕ ಪ್ರತಿಫಲ ನೀಡಿದಂತಾಗುತ್ತದೆ ಎಂದರು.

ತೊಳ್ಳಪಲ್ಲಿ ಮತ್ತು ಪಾತಪಾಳ್ಯ ಗ್ರಾಪಂ ವ್ಯಾಪ್ತಿಯಲ್ಲಿರುವ 4 ಸಾವಿರ ಬೈಕ್​ ಸವಾರರಿಗೆ ಚಾರಿಟಬಲ್​ ಟ್ರಸ್ಟ್​ಯಿಂದ ಹೆಲ್ಮೆಟ್​ ವಿತರಿಸಿದರು.ತಾಪಂ ಮಾಜಿ ಸದಸ್ಯ ಗುಜ್ಜೇಪಲ್ಲಿ ಸುಧಾಕರರೆಡ್ಡಿ, ಗ್ರಾಪಂ ಅಧ್ಯಕ್ಷ ಮಂಜುನಾಥ, ಮುಖಂಡರಾದ ಜೆ.ಪಿ.ಚಂದ್ರಶೇಖರರೆಡ್ಡಿ, ಸುದರ್ಶನ್​ನಾಯ್ಡು, ವಕೀಲ ಸತೀಶ್​ ಕುಮಾರ್​, ಮಹೇಶ್​ ಸ್ವಾಮಿ, ಬೈರಾರೆಡ್ಡಿ, ರಾಮಪ್ಪ, ಚಿನ್ನಪ್ಪಯ್ಯ, ವೆಂಕಟ್​ ಇದ್ದರು.