ಕಾಯಕ ದಾಸೋಹ ಮೌಲ್ಯನಿಡಿದ ವಿಶ್ವಗುರು ಬಸವಣ್ಣ

ಬಸವಕಲ್ಯಾಣ: ವಿಶ್ವಗುರು ಬಸವಣ್ಣನವರು ಹನ್ನೆರಡನೇ ಶತಮಾನದಲ್ಲಿ ಅನುಭವ ಮಂಟಪ ಸ್ಥಾಪಿಸುವ ಮೂಲಕ ಮೊಟ್ಟಮೊದಲು ಪ್ರಜಾ ಸಂಸತ ನೀಡಿದರು. ಅನುಭವ ಮಂಟಪದ ಮೂಲಕ ಕಾಯಕ ದಾಸೋಹ ಮೌಲ್ಯಗಳನ್ನು ನೀಡಿದರು. ನಮ್ಮ ವಿರಕ್ತಮಠಗಳಿಗೆ ವೇದಿಕೆಯಾಗಿ ಅನುಭವ ಮಂಟಪದ ಶೂನ್ಯಪಿಠವನ್ನು ಸ್ಥಾಪಿಸಿದರು ಎಂದು ಒಳಬಳ್ಳಾರಿಯ ಸುವರ್ಣಗಿರಿ ವಿರಕ್ತಮಠ ಶ್ರೀ ಸಿದ್ಧಲಿಂಗ ಮಹಾಸ್ವಾಮೀಜಿ ನುಡಿದರು.

ನಗರದ ಅನುಭವ ಮಂಟಪಕ್ಕೆ ಶುಕ್ರವಾರ ಭೇಟಿ ನೀಡಿದ ಪೂಜ್ಯರು, ಕಲ್ಯಾಣ ಕ್ರಾಂತಿಯ ನಂತರ ಯಡಿಯೂರ ಸಿದ್ಧಲಿಂಗೇಶ್ವರರು ಅನುಭವ ಮಂಟಪ ಪರಂಪರೆ ಜಂಗಮಗೊಳಿಸಿದರು. ಭಾಲ್ಕಿ ಹಿರೇಮಠದ ಲಿಂಗೈಕ್ಯ ಪೂ ಡಾ.ಚನ್ನಬಸವ ಪಟ್ಟದ್ದೇವರು ಕಲ್ಯಾಣ ನೆಲದಲ್ಲಿ ಅನುಭವ ಮಂಟಪಕ್ಕೆ ಮರುಜೀವ ನೀಡಿದವರು. ಸ್ವತ@ ಕಲ್ಲು ಮಣ್ಣು ಹೊತ್ತಿ ಅನುಭವ ಮಂಟಪ ಕಟ್ಟಿದರು. ಅವರ ಕರಕಮಲ ಸಂಜಾತರಾದ ಶ್ರೀ ನಾಡೋಜ ಡಾ.ಬಸವಲಿಂಗ ಪಟ್ಟದ್ದೇವರು ಅನುಭವ ಮಂಟಪ ಮತ್ತು ಬಸವಕಲ್ಯಾಣ ಅಭಿವೃದ್ಧಿಗಾಗಿ ನಿರಂತರ ಶ್ರಮಿಸುತ್ತಿದ್ದಾರೆ ಎಂದು ಬಣ್ಣಿಸಿದರು.

ಭಾಲ್ಕಿಯ ಹಿರೇಮಠದ ಶ್ರೀ ಗುರುಬಸವ ಪಟ್ಟದ್ದೇವರು ಎಲ್ಲ ಪೂಜ್ಯರನ್ನು ಸ್ವಾಗತಿಸಿ ಮಾತನಾಡಿ, ಒಳಬಳ್ಳಾರಿಯ ಪೂಜ್ಯರು ಅನುಭವ ಮಂಟಪಕ್ಕೆ ನೂರಾರು ಭಕ್ತಾದಿಗಳನ್ನು ಕರೆದುಕೊಂಡು ಬಂದಿರುವುದು ನಮಗೆ ಸಾಸಿವೆ ಸಾಗರ ಹರಿದಷ್ಟು ಖುಷಿ ತಂದುಕೊಟ್ಟಿದೆ ಎಂದು ಸಂತಸ ವ್ಯಕ್ತಪಡಿಸಿದರು.

ಪೂಜ್ಯರ ತ್ರಿಕಾಲ ಲಿಂಗಪೂಜೆ ನಿಷ್ಠೆ, ಬಸವತತ್ವ ನಿಷ್ಠಾವಂತರು ಆಗಿದ್ದಾರೆ. ಅವರ ಬಸವಭಕ್ತಿ ಯುವ ಮಠಾಧೀಶರಿಗೆ ಮಾದರಿಯಾದದ್ದು. ಇಳಿವಯಸ್ಸಿನಲ್ಲಿ ಪೂಜ್ಯರು ಕಲ್ಯಾಣಕ್ಕೆ ಆಗಮಿಸಿರುವುದು ನಮಗೆ ನಿಜಕ್ಕೂ ಆನಂದವಾಗಿದೆ. ಅವರ ಕೃಪಾಶೀರ್ವಾದ ನಮ್ಮ ಶ್ರೀಮಠದ ಮೇಲೆ ಇರಲೆಂದು ಪ್ರಾರ್ಥಿಸುತ್ತೇವೆ ಎಂದರು.

ಶ್ರೀ ಪಂಚಮಸಿದ್ಧಲಿಂಗ ಸ್ವಾಮೀಜಿ ನೇರಡಗಂ, ಖೇಳಗಿಯ ಶ್ರೀ ಶಿವಲಿಂಗ ಮಹಾಸ್ವಾಮೀಜಿ, ಮಂಠಾಳ ಶ್ರೀ ಅಭಿನವ ಚನ್ನಬಸವ ಮಹಾಸ್ವಾಮೀಜಿ, ಒಳಬಳ್ಳಾರಿಯ ಶ್ರೀ ಬಸವಲಿಂಗ ಮಹಾಸ್ವಾಮೀಜಿ, ಕರೆಗುಡ್ಡದ ಶ್ರೀ ಮಹಾಂತಲಿಂಗ ಶಿವಾಚಾರ್ಯ, ಅಡವಿ ಅಮರೇಶ್ವರದ ಶ್ರೀ ತೋಂಟದಾರ್ಯ ಸ್ವಾಮೀಜಿ, ಮೈಸೂರಿನ ಶ್ರೀ ನಿರಂಜನ ಸ್ವಾಮೀಜಿ, ರಾಯಚೂರಿನ ಶ್ರೀ ಸಿದ್ಧಲಿಂಗ ಸ್ವಾಮೀಜಿ, ಕಲಬುರಗಿಯ ಶ್ರೀ ಶಶಿಕುಮಾರ ಸ್ವಾಮೀಜಿ, ಹುಬ್ಬಳ್ಳಿಯ ಶ್ರೀ ನಲಿಂಗದೇವರು, ಶ್ರೀ ನಿರುಪಾದ ದೇವರು, ಅನುಭವ ಮಂಟಪದ ಶ್ರೀ ಶಿವಾನಂದ ಸ್ವಾಮೀಜಿ, ಮಕ್ಕಳ ಹಕ್ಕುಗಳ ಹಕ್ಕುಗಳ ರಕ್ಷಣಾ ಆಯೋಗದ ಮಾಜಿ ಅಧ್ಯಕ್ಷ ಶಶಿಧರ ಕೋಸಂಬೆ ಇತರರಿದ್ದರು.