ಆದರೆ ಕೆಲವು ದಿನಗಳಿಂದ ಮೌನ ವಹಿಸಿದ್ದ ಅರಣ್ಯ ಇಲಾಖೆಯವರು ಬುಧವಾರ ಏಕಾಏಕಿ ದೊಡಮಲದೊಡ್ಡಿ ಬಳಿ ರೈತರ ಜಮೀನುಗಳು ಅರಣ್ಯ ಇಲಾಖೆಗೆ ಸೇರುತ್ತವೆ ಎಂದು ಗಡಿ ಗುರ್ತಿಸುವ ಕೆಲಸಕ್ಕೆ ಮುಂದಾಗುವ ಸಂದರ್ಭದಲ್ಲಿ ರೈತರ ಮತ್ತು ಅರಣ್ಯ ಇಲಾಖಾಧಿಕಾರಿಗಳ ನಡುವೆ ಸಂಘರ್ಷ ನಡೆದು ಪೊಲೀಸರು ಮಧ್ಯಪ್ರವೇಶದ ನಂತರ ವಾತಾವರಣ ತಿಳಿಗೊಳಿಸಿದ್ದಾರೆ. ಅರಣ್ಯ ಇಲಾಖೆಯವರು ತಾಲ್ಲೂಕಿನ ಕೆಲವು ಗ್ರಾಮಗಳ ಬಳಿ ಸರ್ವೆ ಮತ್ತು ಗಡಿ ಗುರ್ತಿಸುವ ಕೆಲಸಕ್ಕೆ ಮುಂದಾಗಿದ್ದಾರೆ, ಶ್ರೀನಿವಾಸಪುರ ತಾಲ್ಲೂಕಿನ ಶಿವಪುರ ಗ್ರಾಮದ ಬಳಿ ಸರ್ವೇ ಕಾರ್ಯ ಮುಂದುವರೆಸಿದ್ದು ಗ್ರಾಮದ ಅಂಚಿನವರೆಗೂ ಅರಣ್ಯ ಇಲಾಖೆಯವರು ಗಡಿ ಗುರ್ತಿಸಿರುವುದರಿಂದ ಗ್ರಾಮಸ್ಥರು ಆತಂಕಕ್ಕೆ ಒಳಗಾಗಿದ್ದಾರೆ.
