ಹುಣಸಗಿಯಲ್ಲಿ ಸೂಫಿ ಸಂತರ ಸಂಭ್ರಮದ ಉರುಸ್​

ಹುಣಸಗಿ: ಪಟ್ಟಣದ ಸೂಫಿ ಸಂತ ಹಜರತ್​ ಸೈಯ್ಯದ್​ ಶಹಾ ಹಬೀಬುಲ್ಲಾ ಖಾದ್ರಿ ಅವರ ಉರುಸ್​ ಎಲ್ಲ ಧರ್ಮದವರು ಭಾಗವಹಿಸುವ ಮೂಲಕ ಸಂಭ್ರಮದಿಂದ ಜರುಗಿತು.

ಸೈಯ್ಯದ್​ ಮಹ್ಮದ್​ ಅಲಿ ಬೆಣ್ಣೂರ್​ ಮನೆಯಿಂದ ಮುಖ್ಯ ರಸ್ತೆ ಮೂಲಕ ಸಂತರ ಸಮಾಧಿ ಸ್ಥಳವಾದ ಖಾನ್ಕಾಹ್​ ಖಾದ್ರಿವರೆಗೆ ಮಂಗಳವಾದ್ಯಗಳ ಮೆರವಣಿಗೆಯೊಂದಿಗೆ ಸಂದಲ್​(ಗಂಧ)ನ್ನು ತರಲಾಯಿತು. ನಂತರ ಇಸ್ಲಾಂನ ಸೂಫಿ ಪಂಥದ ಖಾದ್ರಿಯಾ ಸಂಪ್ರದಾಯದಂತೆ ಸಂದಲ್​, ಗಲೀಫ್​, ಚಾದರ್​ನ್ನು ಸಮರ್ಪಣೆ ಮಾಡಿ ಪ್ರಾರ್ಥಿಸಲಾಯಿತು. ಬಳಿಕ ಉರುಸ್​ನಲ್ಲಿ ಭಾಗವಹಿಸಿದ್ದ ಭಕ್ತರಿಗೆ ಪ್ರಸಾದ ವಿತರಣೆ ನಡೆಯಿತು.

ಈ ವೇಳೆ ಸಜ್ಜಾದ್​ ಹಜರತ್​ ಸೈಯ್ಯದ್​ ಶಹಾ ಸುಲ್ತಾನ್​ ಅಹ್ಮದ್​ ಖಾದ್ರಿ ಕಣಕಲ್​, ಜಾಯೆ ನಶೀನ್​ ಸೈಯ್ಯದ್​ ಅಬ್ದುಲ್​ ಖಾದರ್​, ಸೈಯ್ಯದ್​ ಬಂದೆ ಅಲಿ ಮೊಯೊನುದ್ದೀನ್​ ಖಾದ್ರಿ, ದಸ್ತಗಿರ್​ ಶಾನಿ, ಅಲ್ಲಾಭ್​ ಹೊಳಿ, ಸೈಯ್ಯದ್​ ಮುಹ್ಮದ ಹನೀಫ್​, ಪ್ರಮುಖರಾದ ಬಸಲಿಂಗಯ್ಯ ಸ್ವಾಮಿ ಹಿರೇಮಠ, ಬಸವರಾಜ ಸಾಹು ಮಲಗಲದಿನ್ನಿ, ವೀರೇಶ ಬಿ.ಚಿಂಚೋಳಿ, ಚಂದ್ರಶೇಖರ ಸಾಹು ದಂಡಿನ್​, ತಿಪ್ಪಣ್ಣ ಸಾಹು ಚಂದಾ, ಸಿದ್ರಾಮಪ್ಪ ಸಾಹು ಮುದಗಲ್​, ಶಿವಲಿಂಗಸ್ವಾಮಿ ವಿರಕ್ತಮಠ, ಎಂ.ಎಸ್​ ಚಂದಾ ಹುಣಸಗಿ, ವಜ್ಜಲ್​ ಮಾಳನೂರ್​, ದ್ಯಾಮನಹಾಳ, ಪೇಠ ಅಮ್ಮಾಪುರ, ಸುರಪುರ, ಕಲಬುರಗಿ ಸೇರಿ ವಿವಿಧೆಡೆಯಿಂದ ಸಂತರು ಹಾಗೂ ಭಕ್ತರು ಭಾಗವಹಿಸಿದ್ದರು.