ಭಾಷೆ ಕಡೆಗಣನೆಗೆ ವಿಶ್ವವಿದ್ಯಾನಿಲಯಗಳು ಕಾರಣ-language

ಉದ್ಘಾಟನಾ ಗೋಷ್ಠಿಯಲ್ಲಿ ಸಾಹಿತ್ಯದ ಮುಖಾಂತರ ಮೌಲ್ಯಗಳ ಅನ್ವೇಷಣೆ ಎಂಬ ವಿಷಯದ ಕುರಿತು ಅಜಕ್ಕಳ ಗಿರೀಶ್‌ ಭಟ್‌ ಹಾಗೂ ಶತಾವಧಾನಿ ಆರ್‌ ಗಣೇಶ್‌ ಸಂವಾದ ನಡೆಸಿದರು. ಮೌಲ್ಯಗಳ ಬಗ್ಗೆ ಮಾತನಾಡಿದ ಆರ್.‌ ಗಣೇಶ್‌, ‘ಅಖಂಡ ಭಾರತದ ಸಂವೇದನೆಯಲ್ಲಿ ಮೌಲ್ಯ ಎನ್ನುವಂಥದ್ದು ಸಾಹಿತ್ಯ ಮಾತ್ರವಲ್ಲದೆ ಎಲ್ಲಾ ಕಲೆಗಳಲ್ಲೂ ಇದೆ. ಸಾಹಿತ್ಯದ ಮುಖಾಂತರ ಬರುವ ಮೌಲ್ಯಗಳು ಧ್ವನಿ ಹಾಗೂ ರಸ ಮಾರ್ಗದಲ್ಲಿ ಇರುತ್ತದೆ.ಸಂವೇದನೆಯನ್ನು ಬುದ್ಧಿ ಮೂಲಕ ಹೆಚ್ಚು ಮಾಡಲು ಆಗವುದಿಲ್ಲ, ಅದಕ್ಕೆ ಭಾವ ಬೇಕು ಎಂದು ಹೇಳಿದರು. ಸಮಸ್ಯೆಯನ್ನೇ ಕೇಂದ್ರವಾಗಿಟ್ಟುಕೊಂಡು ರಚಿಸಿರುವ ಯಾವ ಸಾಹಿತ್ಯವೂ ನಿಲ್ಲುವುದಿಲ್ಲ. ಸಮಸ್ಯೆಯ ಆಳದಲ್ಲಿರುವ ಮಾನವನ ಮನಸ್ಥಿತಿಯನ್ನು ಗಮನಿಸಬೇಕುʼ ಎಂದು ಶತಾವಧಾನಿ ಆರ್‌ ಗಣೇಶ್‌ ಸಲಹೆ ನೀಡಿದರು.

ಮಿಥಿಕ್ ಸೊಸೈಟಿಯ ಗೌರವ ಕಾರ್ಯದರ್ಶಿ ಎಸ್​.ರವಿ ಎಸ್. ಮಾತನಾಡಿ, ʼಸಮಾಜವನ್ನು ರೂಪಿಸುವಲ್ಲಿ ಸಾಹಿತ್ಯ ಮಹತ್ವ ಪಾತ್ರವಹಿಸಲಿದೆ. ಓದು ಮತ್ತು ಚಿಂತನೆಯ ಮೂಲಕ ವ್ಯಕ್ತಿಯ ಬೌದ್ಧಿಕ ಬೆಳವಣಿಗೆ ಸಾಧ್ಯವಾಗುತ್ತದೆ. ಯುವಜನರಲ್ಲಿ ವಿಮರ್ಶಾತ್ಮಕ ಚಿಂತನೆ, ಸೃಜನಶೀಲತೆ ಬೆಳೆಸುವಲ್ಲಿ ಲಿಟ್ ಫೆಸ್ಟ್‌ಗಳ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ ಎಂದರು.