ಬದುಕಿನಲ್ಲಿ ಮೊದಲ ಯತ್ನಕ್ಕೆ ಫಲ ಸಿಗದಿದ್ದರೂ ಮತ್ತೆಮತ್ತೆ ಪ್ರಯತ್ನ ಮಾಡುವುದರಿಂದ ಗೆಲುವನ್ನು ಸಿದ್ಧಿಸಿಕೊಳ್ಳಬಹುದು ಎಂದು ವಿಆರ್ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಕಿವಿಮಾತು ಹೇಳಿದರು. ಕಥಾ ಸ್ಪರ್ಧೆಗೆ 1,200ಕ್ಕೂ ಹೆಚ್ಚು ಪ್ರವೇಶಗಳು ಬಂದಿವೆ. ಇವುಗಳಲ್ಲಿ ಉತ್ತಮ ಕಥೆ ಆಯ್ಕೆ ಮಾಡುವುದು ಅತೀ ಸವಾಲಿನ ಕೆಲಸ. ಬಹಳ ಕಷ್ಟಪಟ್ಟು 3-4 ತಿಂಗಳಲ್ಲಿ ತೀರ್ಪಗಾರರು ಕಥೆ ಆಯ್ಕೆ ಮಾಡಿಕೊಡುತ್ತಾರೆ. ಆದರೆ, ಯಾರಿಗೆ ಪ್ರಶಸ್ತಿ ಬಂದಿಲ್ಲ, ಲೇಖನ ಪ್ರಕಟವಾಗಿಲ್ಲ, ಅವರ್ಯಾರೂ ಬೇಸರ ಪಡಬೇಕಿಲ್ಲ. ಮತ್ತೆಮತ್ತೆ ಪ್ರಯತ್ನಿಸುತ್ತಿರಬೇಕು. ಅಮಿತಾಬ್ ಬಚ್ಚನ್ ನಟನಾಗಬೇಕೆಂಬ ಉದ್ದೇಶದಿಂದ ನಿರ್ದೇಶಕ, ನಿರ್ವಪಕರ ಬಳಿ ಚಾನ್ಸ್ ಕೇಳಿದರೂ ಫೇಲಾಗುತ್ತಿದ್ದರು. ಏಕೆಂದು ಕಾರಣ ಕೇಳಿದಾಗ ನೀನೊಬ್ಬ ಉತ್ತಮ ನಟ, ಆದರೆ ಧ್ವನಿ ಸರಿಯಿಲ್ಲ ಎಂಬ ಉತ್ತರ ಸಿಗುತ್ತಿತ್ತು. 15ನೇ ಬಾರಿಯೂ ಸಫಲತೆ ಹೊಂದಲಿಲ್ಲ. ಕೊನೆಗೆ 16ನೇ ನಿರ್ವಪಕ ಇವರೊಂದಿಗೆ ಸಿನಿಮಾ ಮಾಡಲು ಒಪ್ಪಿದಾಗ, ತನ್ನನ್ನು ಏಕೆ ಆಯ್ಕೆ ಮಾಡಿದ್ದೀರೆಂದು ಅಮಿತಾಬ್ ಪ್ರಶ್ನಿಸಿದರು. ಅದಕ್ಕೆ ಆ ನಿರ್ವಪಕ ‘ನೀನೊಬ್ಬ ಉತ್ತಮ ನಟನಲ್ಲ, ಆದರೆ ನಿನ್ನ ಧ್ವನಿ ಅದ್ಭುತ’ ಎಂದರಂತೆ. ಈಗಲೂ ಅಮಿತಾಬ್ ಡೈಲಾಗ್ಗೆ ಆಯಸ್ಕಾಂತೀಯ ಗುಣವಿದೆ. ಎಲ್ಲಿಯಾದರೂ ದಾರಿಯಲ್ಲಿ ಹೋಗುವಾಗ ಬಚ್ಚನ್ ದನಿ ಕೇಳಿದರೆ ನಮ್ಮ ಕಾಲುಗಳು ಅಲ್ಲೇ ನಿಂತುಬಿಡುತ್ತವೆ. ಒಮ್ಮೆ ಆಲಿಸಿ ಮುಂದೆ ಸಾಗೋಣ ಎನಿಸುತ್ತದೆ. ಹಾಗಾಗಿ ಛಲ ಬಿಡದೆ ಪ್ರಯತ್ನ ಮುಂದುವರಿಸಬೇಕು ಎಂದು ಪ್ರಸಂಗವನ್ನು ಸ್ಮರಿಸಿದರು.
