ಈ ಯೋಜನೆಯು ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ ಮತ್ತು ಕಾಸರಗೋಡಿನ ಫಲವತ್ತಾದ ಕೃಷಿ ಪ್ರದೇಶಗಳ ಮೂಲಕ ಹಾದುಹೋಗಲಿದೆ. ಸುಸ್ಥಿರ ಅಭಿವೃದ್ಧಿ ಹೊಂದಲು ಮತ್ತು ಕೃಷಿ ಮುಂದುವರಿಸಲು ಅನುವು ಮಾಡಿಕೊಡುವ ಕಾರಿಡಾರ್ ಮಾದರಿ ಅನುಸರಿಸಲಾಗುತ್ತದೆ. ಸುರಕ್ಷತಾ ಕಾರಣಗಳಿಂದ ಎತ್ತರದ ಮರವನ್ನು ಪ್ರಸರಣ ಮಾರ್ಗದ ಅಡಿ ಬೆಳೆಸಲಾಗುವುದಿಲ್ಲ. ಆದರೆ, ರೈತರು ಕಾರಿಡಾರ್ನಲ್ಲಿ ಅಲ್ಪಾವಧಿಯ ಬೆಳೆ ಬೆಳೆಯಲು ಅನುಮತಿ ಕೊಡಲಾಗಿದೆ. ಇದೇ ರೀತಿಯ ಪ್ರಸರಣ ಕಾರಿಡಾರ್ಗಳನ್ನು ಹೊಂದಿರುವ ಶಿವಮೊಗ್ಗ ಸೇರಿ ಇತರ ಪ್ರದೇಶಗಳಲ್ಲಿ ರೈತರು ತರಕಾರಿ, ಶುಂಠಿ ಮತ್ತು ಜೋಳ ಬೆಳೆಯುತ್ತಿದ್ದಾರೆ. ಯೋಜನೆಯು ರೈತ ಸಮುದಾಯದ ಜೀವನೋಪಾಯಕ್ಕೆ ಅಡ್ಡಿಪಡಿಸುತ್ತಿಲ್ಲ. ಬೆಳೆ ವೈವಿಧ್ಯೀಕರಣ, ಪ್ರದೇಶದ ಮೂಲಸೌಕರ್ಯ ನವೀಕರಣ ಮತ್ತು ಆಧುನೀಕರಿಸಲು ಅವಕಾಶ ನೀಡಲಾಗುತ್ತಿದೆ.
