ಜಲ್ಲಿ ಹಾಕಿ ಮರೆತೇ ಬಿಟ್ಟರು!

ಸುಮಾರು 80 ಹಳ್ಳಿಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆ ಇದಾಗಿದ್ದು, ಎಲ್ಲ ಕಡೆ ಡಾಂಬರ್​ ಹಾಕಿ ಈ ಎರಡೂ ಗ್ರಾಮಗಳ ಮಧ್ಯೆ 1 ಕಿ.ಮೀ.ಉದ್ದದ ರಸ್ತೆಗೆ ಜಲ್ಲಿ ಹಾಕಿ ಹಾಗೇ ಬಿಡಲಾಗಿದೆ. ಲೋಕೋಪಯೋಗಿ ಇಲಾಖೆಯಿಂದ ಸುಮಾರು 3.40 ಕೋಟಿ ರೂ. ವೆಚ್ಚದಲ್ಲಿ ಕಾಮಗಾರಿ ಕೈಗೆತ್ತಿಕೊಂಡಿದ್ದು, ಗುತ್ತಿಗೆದಾರರು ಇತ್ತ ಸುಳಿದೇ ಇಲ್ಲ.

ಕೊಲ್ಲಿ ರಾಷ್ಟ್ರಗಳಲ್ಲಿ ಯುದ್ಧ ಶುರುವಾದಾಗಿನಿಂದ ಡಾಂಬರ್​ ಸರಬರಾಜು ಆಗುವುದು ವಿಳಂಬವಾಗಿದೆ. ಜತೆಗೆ ಬೆಲೆಯೂ ಗಗನಕ್ಕೇರಿದೆ. ವಾಹನಗಳ ಸಂಚಾರದಿಂದ ಧೂಳು ಹಬ್ಬುವುದನ್ನು ಕಡಿಮೆ ಮಾಡಲು ನಿತ್ಯ ಟ್ಯಾಂಕರ್​ ಮೂಲಕ ನೀರು ಹರಿಸುತ್ತಿದ್ದೇವೆ. ಮುಂದಿನ 15 ದಿನದ ಒಳಗೆ ರಸ್ತೆ ಅಭಿವೃದ್ಧಿಪಡಿಸಲಾಗುವುದು.

— ಮಂಜುನಾಥ್​, ಎಇಇ, ಲೋಕೋಪಯೋಗಿ ಇಲಾಖೆ

ಈ ಮಾರ್ಗವು ರೋಣೂರು ಹೋಬಳಿಯ ಪಂಚಾಯಿತಿ ಕೇಂದ್ರ ಸ್ಥಾನದಿಂದ ಲಕ್ಷಿ$್ಮಪುರ ಗ್ರಾಮಕ್ಕೆ ಸಂಪರ್ಕ ಕಲ್ಪಿಸುತ್ತದೆ. ದ್ವಿಚಕ್ರವಾಹನದಲ್ಲಿ ಹೋಗುವವರು ಜಲ್ಲಿಕಲ್ಲುಗಳನ್ನು ದಾಟಿ ಹೋಗಲು ಹರಸಾಹಸ ಪಡಬೇಕಿದೆ. ಹೋಗುವಾಗ ಎದುರಿನಿಂದ ಯಾವುದಾರರೂ ಬೃಹತ್​ ವಾಹನ ಬಂದಾಗ ಜಲ್ಲಿಕಲ್ಲು ತಾಗುತ್ತಿವೆ. ರೋಗಿಗಳು ಆಸ್ಪತ್ರೆಗೆ ಹೋಗಲು ಹೆಣಗಾಡಬೇಕಿದೆ. ಇನ್ನೂ ಮಕ್ಕಳು ಸೈಕಲ್​ನಲ್ಲಿ ಹೋಗಲು ಆಗುವುದೇ ಇಲ್ಲ.

ಮತ್ತೊಂದೆಡೆ ಆಗಾಗ ಎದುರಾಗು ಧೂಳಿನ ಸಮಸ್ಯೆಯಿಂದ ಅನೇಕರು ಮುಖಕ್ಕೆ ಬಟ್ಟೆ ಕಟ್ಟಿಕೊಂಡೇ ಓಡಾಡಬೇಕಿದೆ. ಪ್ರತಿನಿತ್ಯ ಕೆಎಸ್​ಆರ್​ಟಿಸಿ ಬಸ್​ಗಳು, ಟ್ರಾ$್ಯಕ್ಟರ್​ಗಳು, ಇತರೆ ವಾಹನಗಳು ಹೆಚ್ಚಾಗಿ ಓಡಾಡುತ್ತವೆ.

ಕೂಡಲೇ ಸಂಬಂಧಪಟ್ಟ ಮೇಲಧಿಕಾರಿಗಳು ಗಮನಿಸಿ ರಸ್ತೆಗೆ ಡಾಂಬರ್​ ಹಾಕಿ ವಾಹನ ಸಂಚಾರಕ್ಕೆ ಅನುವು ಮಾಡಿಕೊಡಬೇಕು ಎಂದು ಸ್ಥಳಿಯರು ಒತ್ತಾಯಿಸಿದ್ದಾರೆ.