ಜೀವವೈವಿಧ್ಯತೆ ಕಾಪಾಡುವಲ್ಲಿ ಆನೆಗಳ ಪಾತ್ರ ಅನನ್ಯ

ರಾಮನಗರ:

ಅರಣ್ಯ ಮತ್ತು ಆನೆಗಳು ಸುರತವಾಗಿದ್ದರೆ ಮಾತ್ರ ನಮಗೆ ಅಗತ್ಯವಿರುವ ನೀರು ಉತ್ತಮ ವಾತಾವರಣ ಸಿಗುತ್ತದೆ. ಜೀವವೈವಿಧ್ಯತೆ ಕಾಪಾಡುವಲ್ಲಿ ಆನೆಗಳ ಪಾತ್ರ ಅನನ್ಯ ಎಂದು ರಾಮನಗರ ಪ್ರಾದೇಶಿಕ ವಿಭಾಗದ ಮುಖ್ಯಸ್ಥ ಎಂ. ರಾಮಕೃಷ್ಣಪ್ಪ ತಿಳಿಸಿದರು.

ಆನೆಗಳ ರಕ್ಷಣೆ ಹಾಗೂ ಜಾಗೃತಿಗಾಗಿ ವಿಶ್ವ ಆನೆ ದಿನ ಆಚರಿಸಲಾಗುತ್ತಿದೆ. ದೇಶದಲ್ಲೇ ಅತ್ಯಂತ ಹೆಚ್ಚು ಆನೆಗಳನ್ನು ಹೊಂದಿರುವ ಹೆಗ್ಗಳಿಕೆ ಕರ್ನಾಟಕಕ್ಕಿದೆ. ಆದರೆ, ಮತ್ತೊಂದೆಡೆ ಜಿಲ್ಲೆಯಲ್ಲಿ ಆನೆ&ಮಾನವ ಸಂರ್ಷ ಇದ್ದು, ಗಜಪಡೆ ಉಳಿವು ಮತ್ತು ಜನರ ಜೀವ&ಜೀವನೋಪಾಯದ ನಡುವೆ ಅರಣ್ಯ ಇಲಾಖೆಗೆ ಸವಾಲು ಎದುರಾಗಿದೆ.

— ಎಂ. ರಾಮಕೃಷ್ಣಪ್ಪ, ರಾಮನಗರ ಪ್ರಾದೇಶಿಕ ವಿಭಾಗದ ಮುಖ್ಯಸ್ಥ

ಆನೆಗಳಿಗೆ ಇಲಾಖೆ ಬ್ರೇಕ್​

ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಪುಟ್ಟಮ್ಮ ಮಾತನಾಡಿ, ಆನೆ ಮಾನವ ಸಂರ್ಷ ಕಡಿಮೆ ಮಾಡಲು ಅರಣ್ಯ ಇಲಾಖೆ ಜಿಲ್ಲೆಯ ಅರಣ್ಯ ವಲಯಗಳಲ್ಲಿ ರೈಲ್ವೇ ಬ್ಯಾರಿಕೇಡ್​ಗಳು, ಆನೆ ನಿರೋಧಕ ಕಂದಕಗಳು ಮತ್ತು ಸೌರಶಕ್ತಿ ಬೇಲಿಗಳನ್ನು ನಿರ್ಮಿಸಲಾಗಿದೆ. ಶಾಶ್ವತ ಪರಿಹಾರಕ್ಕೆ ಆಧುನಿಕ ತಂತ್ರಜ್ಞಾನ ಅಳವಡಿಸಿಕೊಳ್ಳಲಾಗುತ್ತಿದೆ. ಡ್ರೋನ್​ ಕ್ಯಾಮರಾಗಳನ್ನು ಬಳಸಿ ಆನೆಗಳು ನಾಡಿಗೆ ಬರುವುದನ್ನು ಮುಂಚಿತವಾಗಿ ಪತ್ತೆ ಹಚ್ಚಿ ಅರಣ್ಯದಂಚಿನ ಗ್ರಾಮಸ್ಥರಿಗೆ ಎಚ್ಚರಿಕೆ ನೀಡುವುದು. ಆನೆಗಳನ್ನು ಮತ್ತೆ ಸ್ವಸ್ಥಾನ ಸೇರಿಸುವ ಕೆಲಸ ಇಲಾಖೆ ಮಾಡುತ್ತಿದೆ. ನಿರಂತರವಾಗಿ ಜಿಲ್ಲೆಯ ಅರಣ್ಯ ಪ್ರದೇಶಕ್ಕೆ ಬರುತ್ತಿದ್ದ ಹಿಂಡು ಹಿಂಡು ಆನೆಗಳಿಗೆ ಇಲಾಖೆ ಬ್ರೇಕ್​ ನೀಡಿದೆ ಎಂದರು.