ಯುವಜನರ ಆರೋಗ್ಯವೇ ರಾಷ್ಟ್ರದ ಸಂಪತ್ತು

ಸರ್ಕಾರಿ ಆಯುರ್ವೇದ ಸಂಶೋಧನಾ ಕೇಂದ್ರ, ಆಹಾರ ವಿಜ್ಞಾನ ಮತ್ತು ಪೌಷ್ಟಿಕತೆ ವಿಭಾಗ, ನ್ಯೂಟ್ರಿಷಿಯನ್ ಸೊಸೈಟಿ ಆಫ್ ಇಂಡಿಯಾ ಮೈಸೂರು ಚಾಪ್ಟರ್ ಸಹಯೋಗದಲ್ಲಿ ನಗರದ ಯುವರಾಜ ಕಾಲೇಜಿನ ಅಮೃತ ಮಹೋತ್ಸವ ಸಭಾಂಗಣದಲ್ಲಿ ಮಂಗಳವಾರ ಆಯೋಜಿಸಿದ್ದ ಯೋಗ, ಆಯುರ್ವೇದ, ಆಹಾರ ಪೋಷಣಾ ತ್ರಯೋತ್ಸವನ್ನು ಉದ್ಘಾಟಿಸಿ ಮಾತನಾಡಿದರು.

ಯೋಗ, ಆಯುರ್ವೇದ, ಪೋಷಣಾ ಈ ಸಮ್ಮಿಳಿತ ವಿಧಾನ ಅಳವಡಿಸಿಕೊಳ್ಳುವುದು ಮುಂದಿನ ಪೀಳಿಗೆಗೆ ಆಜೀವ ಸೌಖ್ಯ, ಬೌದ್ಧಿಕ ಯಶಸ್ಸು ಮತ್ತು ಸಮತೋಲಿತ ಹಾಗೂ ಆರೋಗ್ಯಕರ ಆಹಾರಕ್ಕಾಗಿ ಬುನಾದಿ ಒದಗಿಸುತ್ತದೆ ಎಂದರು. 

ವೇಗವಾಗಿ ಓಡುತ್ತಿರುವ ಶೈಕ್ಷಣಿಕ ಒತ್ತಡಗಳ ಇಂದಿನ ಜಗತ್ತಿನಲ್ಲಿ ಆಧುನಿಕ ವೈಜ್ಞಾನಿಕ ಉಪಕರಣ ಮತ್ತು ಜ್ಞಾನ ಬಳಸಿಕೊಳ್ಳಬೇಕು. ಇದರೊಂದಿಗೆ ಪೋಷಕಾಂಶಯುಕ್ತ ಆಹಾರ, ಆಯುರ್ವೇದದ ಪ್ರಜ್ಞೆ ಮತ್ತು ನಿಯಮಿತ ಯೋಗ ಅಭ್ಯಾಸ ಸಂಯೋಜಿಸಬೇಕು. ಇದು ವಿದ್ಯಾರ್ಥಿಗಳಿಗೆ ಸುಸ್ಥಿರ ಆರೋಗ್ಯ, ತೀಕ್ಷ್ಣ ಗಮನ ಮತ್ತು ಸೂಕ್ತವಾದ ದೈನಂದಿನ ಶಕ್ತಿ ಪಡೆಯಲು ನೆರವಾಗುತ್ತದೆ ಎಂದು ಹೇಳಿದರು.

ಸಾಮಾನ್ಯ ಆಹಾರ ಪದ್ಧತಿಯ ಟ್ರೆಂಡ್ ನೆಚ್ಚಿಕೊಳ್ಳುವ ಬದಲು, ಪ್ರತಿಯೊಬ್ಬರ ವಿಶಿಷ್ಟ ಜೈವಿಕ ಪ್ರಕೃತಿಗೆ ತಕ್ಕಂತೆ ಆಯ್ಕೆ ಮಾಡುವ ವೈಯಕ್ತಿಕಗೊಳಿಸಿದ ಆಹಾರವೇ ಶ್ರೇಷ್ಠ. ಇದು ಮಾನಸಿಕ ಆಯಾಸವನ್ನು ನಿವಾರಿಸುತ್ತದೆ. ಆಧುನಿಕ ಪೋಷಕಾಂಶ ವಿಜ್ಞಾನವು, ಶೈಕ್ಷಣಿಕ ಜೀವನದ ಪ್ರಮುಖ ವರ್ಷಗಳಲ್ಲಿ ಮೆದುಳಿನ ಕಾರ್ಯಕ್ಷಮತೆ ಹೆಚ್ಚಿಸಲು ಮತ್ತು ದೀರ್ಘಕಾಲೀನ ಮಾನಸಿಕ ಸ್ಥಿರತೆ ಪಾಲನೆಗೆ ನೆರವಾಗುತ್ತದೆ ಎಂದು ಹೇಳಿದರು.

ಯೋಗಾಭ್ಯಾಸ ದೇಹದ ಚಯಾಪಚಯ ಸಾಮರ್ಥ್ಯ ಮತ್ತು ಒಟ್ಟಾರೆ ಜೀರ್ಣಕ್ರಿಯೆಯ ದಕ್ಷತೆ ಸುಧಾರಿಸುತ್ತದೆ. ಆಯುರ್ವೇದವು ಜಾಗರೂಕತೆಯಿಂದ ಕೂಡಿರುವ ಆಹಾರ ಸೇವನೆಗೆ ಪೂರಕವಾಗಿದೆ ಎಂದರು. 

ಜೀರ್ಣಾಂಗ ವ್ಯವಸ್ಥೆಯ ಆರೋಗ್ಯವನ್ನು ರಕ್ಷಿಸುವುದು ಅತ್ಯಂತ ಮುಖ್ಯ. ಉತ್ತಮವಾದ ಜೀಣಾರ್ಂಗ ಪ್ರಕ್ರಿಯೆಯು ಮನಸ್ಥಿತಿ, ಮಾನಸಿಕ ಸ್ಪಷ್ಟತೆ, ರೋಗನಿರೋಧಕ ಶಕ್ತಿ ನೇರವಾಗಿ ನಿಯಂತ್ರಿಸುತ್ತದೆ. 

ನಮಗೆ ಸೂಕ್ತವಾದ ಆಹಾರ, ದೈಹಿಕ ಚಟುವಟಿಕೆ ಮತ್ತು ಜಾಗರೂಕತೆಯ ದೈನಂದಿನ ನಿಯಮಗಳು ಸಾಮರಸ್ಯದಿಂದ ಕಾರ್ಯನಿರ್ವಹಿಸಿದಾಗ, ನಿತ್ಯದ ಊಟವು ಕೇವಲ ಮಾಮೂಲಿ ಆಹಾರವಾಗದೆ ಶೈಕ್ಷಣಿಕ ಸಾಧನೆಯ ಪ್ರಬಲ ಸಾಧನವಾಗಿ ಮಾರ್ಪಡುತ್ತದೆ. ಕಾಯಿಲೆ ಬಂದಾಗ ಚಿಕಿತ್ಸೆ ಪಡೆಯುವ ಅಥವಾ ತಕ್ಷಣ ಉಪಶಮನಗಳ ಮಾರ್ಗಗಳಿಂದ ಹೊರಬರಬೇಕು.  ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಜವಾಬ್ದಾರಿಯನ್ನು  ಸ್ವತಃ ವಹಿಸಿಕೊಳ್ಳಲು ಯುವಜನರು ಮುಂದಾಗಬೇಕು ಪ್ರಕಾಶ್ ಎಂದರು. 

ಪ್ರಾಂಶುಪಾಲ ಡಾ.ಕೆ.ಅಜಯ್‌ಕುಮಾರ್, ನಿವೃತ್ತ ಪ್ರಾಧ್ಯಾಪಕಿ ಡಾ. ಜಮುನಾ ಪ್ರಕಾಶ್, ಪತ್ರಕರ್ತ ಅಂಶಿ ಪ್ರಸನ್ನಕುಮಾರ್, ಕಾಲೇಜಿನ ಆಡಳಿತಾಧಿಕಾರಿ ಡಾ.ಕೆ.ಬಿ. ಉಮೇಶ್, ನ್ಯೂಟ್ರೀಷಿಯನ್ ಸೊಸೈಟಿಯ ಸಂಯೋಜಕಿ ಡಾ.ಸಿ. ಅನಿತಾ, ಕಾರ್ಯದರ್ಶಿ ಮಹೇಶ್, ಆಹಾರ ವಿಜ್ಞಾನ ವಿಭಾಗದ ಮುಖ್ಯಸ್ಥ ಪ್ರೊ.ಆರ್. ಶೇಖರನಾಯಕ, ನಟರಾಜ ನರ್ಸಿಂಗ್ ಕಾಲೇಜಿನ ಪ್ರಾಂಶುಪಾಲ ಡಾ.ರಾಜೇಶ್, ಆಯುರ್ವೇದ ತಜ್ಞ ಡಾ.ಎ.ಎಸ್. ಚಂದ್ರಶೇಖರ್, ಸರ್ಕಾರಿ ಆಯುರ್ವೇದ ಸಂಶೋಧನಾ ಕೇಂದ್ರದ ಸಹಾಯಕ ನಿರ್ದೇಶಕ ಡಾ.ಬಿ. ಲಕ್ಷ್ಮೀನಾರಾಯಣ ಶಣೈ,  ಛಾಯಾದೇವಿ ಬಿ.ಇಡಿ ಕಾಲೇಜಿನ ಪ್ರಾಂಶುಪಾಲ ಡಾ.ಅಂಥೋಣಿ ಪೌಲ್ ರಾಜ್ ಪಾಲ್ಗೊಂಡಿದ್ದರು.