ಎರಡು ಜಿಲ್ಲೆಯಲ್ಲಿ ಪ್ರತಿ ವಷರ್ ಬೇಸಿಗೆ ಸಂದರ್ಭದಲ್ಲಿ ನಾನಾ ಕಡೆ ಅಗ್ನಿ ಅನಾಹುತಗಳು ಸಂಭವಿಸುತ್ತಲೇ ಇರುತ್ತವೆ. ವಿಶೇಷವಾಗಿ ಭತ್ತದ ಬಣಿವೆಗಳಿಗೆ ಆಕಸ್ಮಿಕವಾಗಿ ಬೆಂಕಿ ಅವಘಡ ಸಂಭವಿಸುತ್ತದೆ. ಆದರೆ ವಾಹನದ ಸಮಸ್ಯೆಯಿಂದ ವಾಹನ ಬರುವುದರೊಳಗಾಗಿ ಭಾಗಶಃ ಸುಟ್ಟು ಕರಕರಲಾಗಿರುವಂತ ಸ್ಥಿತಿ ನಿರ್ಮಾಣವಾಗಿದೆ.

ರಾಯಚೂರು ಜಿಲ್ಲೆಯ 6 ಠಾಣೆಗಳ ವ್ಯಾಪ್ತಿಯಲ್ಲಿ ಕೇವಲ 13 ವಾಹನಗಳಿದ್ದು, ರಾಯಚೂರು ಜಿಲ್ಲಾ ಕೇಂದ್ರದಲ್ಲಿ 4 2 ಜಲ ವಾಹನ, 1 ವಾಟರ್ ಬ್ರೂಜಾರ್,1 ತುರ್ತ ಸ್ಪಂದನ ವಾಹನ,1 ಕ್ಯೂವಾವೆ,1 ರಕ್ಷಣಾ ವಾಹನ,1 ವಾಟರ ಮೀಷನ ಬುಲೇಟ್ ಇದ್ದು, ಮಾನ್ವಿಯಲ್ಲಿ 1 ಸಣ್ಣ ಜಲವಾಹನ,1 ರಕ್ಷಣಾ ವಾಹನ ಇದ್ದು,ಸಿಂಧನೂರಿನಲ್ಲಿ ಒಂದು ಜಲವಾಹನ, ಒಂದು ರಕ್ಷಣಾ ವಾಹನ ಇದ್ದು, ದೇವದುರ್ಗ,ಅರಕೇರಾ ಲಿಂಗಸುಗೂರಿನಲ್ಲಿ ತಲಾ ಒಂದೇ ಜಲ ವಾಹನ ಇದೆ.

ಅದರಂತೆ ಕೊಪ್ಪಳ ಜಿಲ್ಲೆಯಲ್ಲಿಯೂ 6 ಠಾಣೆಗಳು ಇದ್ದು, ಜಿಲ್ಲಾ ಕೇಂದ್ರದಲ್ಲಿ ಒಂದು ಜಲ ವಾಹನ, ಒಂದು ಜೀಪ್,ಬುಲೇಟ್,ಅಗ್ನಿ ಬುಲೇಟ್ ಇವೆ. ಗಂಗಾವತಿ ತಾಲೂಕಿನಲ್ಲಿ ಕೇವಲ ಒಂದೇ ರಕ್ಷಣಾ ವಾಹನ, ಬುಲೇಟ್ ಇದೆ.ಕುಷ್ಟಗಿಯಲ್ಲಿ ಎರಡು ಬೈಕ್ ಒಂದು ಜಲ ವಾಹನ,ಕಾರಟಗಿಯಲ್ಲಿ ಎರಡು ಜಲ ವಾಹನ ಹಾಗೂ ಒಂದು ಬುಲೇಟ್, ಕುಕನೂರಿನಲ್ಲಿ ಒಂದು ಬೈಕ್, ಒಂದು ಜಿಲವಾಹನ ಮತ್ತು ಯಲಬುರ್ಗದಲ್ಲಿಯು ಸಹ ಕೇವಲ ಒಂದೇ ಜಲವಾಹನ ಹಾಗೂ ಬೈಕ್ ಕಾರ್ಯ ನಿರ್ವಹಣೆ ಮಾಡುತ್ತಿದ್ದು, ಒಂದೇ ಸಾರಿ ಸಾಕಷ್ಟು ಕರೆ ಬಂದರೆ ಸಮಸ್ಯೆ ಎದುರಾಗಿವೆ.

ಸರ್ಕಾರದ ಸುತ್ತೋಲೆ ಪ್ರಕಾರ ಪ್ರತಿ 10 ಕೀಮಿ ದೂರದಲ್ಲಿ ಒಂದು ಅಗ್ನಿ ಶಾಮಕ ಠಾಣೆ ಇರಬೇಕು. ಆದರೆ ಜಿಲ್ಲೆಯಲ್ಲಿ 100 ಕೀಮಿ ದೂರದಲ್ಲಿ ಒಂದು ಠಾಣೆ ಇದೆ. ರಾಯಚೂರು ಜಿಲ್ಲಾ ಕೇಂದ್ರದಿಂದ ಮಾನ್ವಿಗೆ 50 ದೂರದಲ್ಲಿ ಒಂದು ಠಾಣೆಯಿದ್ದು,ಅದರಂತೆ ರಾಯಚೂರಿನಿಂದ ಲಿಂಗಸುಗೂರಿಗೆ 100 ಕೀಮಿ ದೂರದಲ್ಲಿ ಯಾವುದೇ ಠಾಣೆಗಳು ಇರುವುದಿರುವುದರಿಂದ ಸಮಸ್ಯೆ ಎದುರಾಗಿದೆ. ಜಿಲ್ಲೆಯ ನಾರಾಯಣಪುರ ಜಲಾಶಯ ಭರ್ತಿಯಾದಾಗ ಹೆಚ್ಚುವರಿ ನೀರನ್ನು ಕಷ್ಣಾ ನದಿಗೆ ಸಾಕಷ್ಟು ಸಲ ಬಿಡಲಾಗುತ್ತದೆ. ಅಂಥಾ ಸಂದರ್ಭದಲ್ಲಿ ನದಿ ಪಾತ್ರದ ಗ್ರಾಮಗಳಾದ ಕರಕಲಗಡ್ಡಿ, ಕಡದರಗಡ್ಡಿ, ಯರಗೋಡಿ, ಜಲದುರ್ಗ, ಶೀಲಹಳ್ಳಿಗಳಲ್ಲಿ ಪ್ರವಾಹ ಉಂಟಾಗಿ ನೆರೆಪೀಡಿತ ಗ್ರಾಮಗಳಾಗಿ ಗುರುತಿಸಿಕೊಳ್ಳುತ್ತವೆ. ಅಂಥ ಸಂದರ್ಭದಲ್ಲಿ ತುರ್ತು ಪರಿಸ್ಥಿತಿ ನಿಭಾಯಿಸಲು ಅಗ್ನಿ ಶಾಮಕ ಠಾಣೆಗೆ ವಾಹನಗಳ ಸಮಸ್ಯೆ ಎದುರಾದಗ ಪಕ್ಕದ ದೇವದುರ್ಗ, ರಾಯಚೂರು ಜಿಲ್ಲಾ ಕೇಂದ್ರದಿಂದ ವಾಹನಗಳನ್ನು ಕರೆಸಿಕೊಳ್ಳಲಾಗುತ್ತದೆ. ಅದರಂತೆ ಕೊಪ್ಪಳ ಜಿಲ್ಲೆಯು ಶೇ.80 ರಷ್ಟು ನೀರಾವರಿ ಪ್ರದೇಶವಾಗಿದ್ದು, ಈ ಭಾಗದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಅಗ್ನಿ ಅವಘಡಗಳು ಸಂಭವಿಸುತ್ತವೆ. ಆದರೆ ಠಾಣೆಗಳು ಹತ್ತಿರ ಇದ್ದರು, ಜಲ ವಾಹನಗಳು ಇಲ್ಲದೆ ಇರುವುದರಿಂದ ಅಗ್ನಿ ನಂದಿಸದಂತಾಗಿದೆ.

ರಾಯಚೂರು ಹಾಗೂ ಕೊಪ್ಪಳ ಸೇರಿ ಒಟ್ಟು 17 ವಾಹನಗಳು ಕಳೆದ 15 ವರ್ಷದಿಂದ ಕಾರ್ಯ ನಿರ್ವಹಣೆ ಮಾಡದೆ ಠಾಣೆಯಲ್ಲಿ ನಿಂತಿವೆ. ಈ ಪೈಕಿ ರಾಯಚೂರಿನಲ್ಲಿ 01,ಮಾನ್ವಿ 02,ಸಿಂಧನೂರು ಹಾಗೂ ದೇವದುರ್ಗಲ್ಲಿ ತಲಾ ಒಂದು ಮತ್ತು ಲಿಂಗಸುಗೂರಿನಲ್ಲಿ 2 ಜಲ ವಾಹನಗಳು ನಿಂತಿದ್ದರಿಂದ ತುರ್ತು ಸಂದರ್ಭದಲ್ಲಿ ಅಗ್ನಿ ನಂದಿಸಲು ಸಮಸ್ಯೆ ಎದುರಾಗಿದೆ.