ಅಣಬಿ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಿ

ಜಿಪಂ ಇಲಾಖೆ ಅಽಕ್ಷಕ ಈರಯ್ಯ ಎಂಬುವವರನ್ನು ವರ್ಗಾವಣೆ ಮಾಡುವಂತೆ ಅವರ ವಿರುದ್ದ ಪದೇಪದೆ ದೂರು ಸಲ್ಲಿಸುತ್ತಿದ್ದ ಪ್ರದೀಪ ಅಣಬಿ ಎನ್ನುವಾತನಿಗೆ ಸಾಕಷ್ಟು ಹಿಂಬರಹ ನೀಡಲಾಗಿತ್ತು. ಅವರ ವರ್ಗಾವಣೆಗೆ ಸರ್ಕಾರದಿಂದಲ್ಲೇ ಅವಕಾಶವಿಲ್ಲ ಎಂದು ತಿಳಿಸಿದರೂ ಸಹ ನೌಕರರಿಗೆ ಅನಗತ್ಯ ಕಿರುಕುಳ ನೀಡಲು ದೂರು ಸಲ್ಲಿಸುವುದನ್ನು ಮುಂದುವರೆಸಿದ ಕಾರಣ, ಸರ್ಕಾರದ ಆಡಳಿತಾತ್ಮಕ ನಿಯಮಾವಳಿ ತಿಳಿಸುವ ಉದ್ದೇಶದಿಂದ ವಿಚಾರಣೆಗೆ ಕರೆದು ವಿಷಯ ಸ್ಪಷ್ಟಪಡಿಸಲಾಗಿತ್ತು.

ಆದರೆ ಅಣಬಿ ಅವರು ಸರ್ಕಾರದಿಂದ ನೀಡಲಾದ ವಿವರಣೆಯನ್ನು ಪುರಸ್ಕರಿಸದೆ, ದ್ವೇಷಪೂರಿತ ಮನೋಭಾವದಿಂದ ಕರ್ತವ್ಯನಿರತ ಹಿರಿಯ ಅಽಕಾರಿಗಳು ಮತ್ತು ನೌಕರರ ವಿರುದ್ಧ ಪೋಲಿಸ್ ಠಾಣೆಯಲ್ಲಿ ಹಲ್ಲೆ ಮಾಡಲು ಯತ್ನಿಸಿರುತ್ತಾರೆನ್ನುವ ಮತ್ತು ಜಾತಿ ನಿಂದನೆ ದೂರನ್ನು ದಾಖಲಿಸಿದ್ದರೆ. ಶೋಷಿತರ ರಕ್ಷಣೆಗೆ ಇರಬೇಕಾದ ಪವಿತ್ರ ಕಾಯ್ದೆ ವೈಯಕ್ತಿಕ ದ್ವೇಷ ಸಾಧಿಸಲು ಹಾಗೂ ನೌಕರರ ಮೇಲೆ ಕಾನೂನುಬಾಹಿರ ಒತ್ತಡ ಹೇರಲು ದುರುಪಯೋಗಪಡಿಸಿಕೊಂಡಿರುವುದು ಅತ್ಯಂತ ಖಂಡನೀಯ ಎಂದು ಪದಾಧಿಕಾರಿಗಳು ಮನವಿಯಲ್ಲಿ ವಿವರಿಸಿದ್ದಾರೆ.

ಸರ್.ಎಂ.ವಿಶ್ವೇಶ್ವರಯ್ಯ ಕಟ್ಟಡ ಕಾರ್ಮಿಕರ ಸಂಘ ಹಳಿಸಗರ, ಶಹಾಪುರ ಎನ್ನುವ ಸಂಘಟನೆ ಪತ್ರದ ಈತನು ಮೇಲೆ ದೂರು ಸಲ್ಲಿಸುತ್ತಿದ್ದು, ಆತನ ಸಂಘಟನೆ ಮತ್ತು ಬೈಲಾಕ್ಕೂ ಆತ ದೂರು ಸಲ್ಲಿಸುತ್ತಿರುವ ದೂರಿಗೂ ಯಾವುದೇ ಸಂಬAಧ ಇರುವುದಿಲ್ಲ. ಆದರೂ ಸಹ ಇತನ ದೂರುಗಳ ಕಿರುಕುಳದಿಂದ ಜಿಲ್ಲೆಯ ಎಲ್ಲ ಇಲಾಖೆಗಳ ಅಧಿಕಾರಿ ನೌಕರರು ಕಿರುಕುಳ ಅನುಭವಿಸುತ್ತಿದ್ದಾರೆ. ಇಂತಹ ಸುಳ್ಳು ಆರೋಪಗಳಿಂದ ಪ್ರಾಮಾಣಿಕ ನೌಕರರ ಗೌರವಕ್ಕೆ ಧಕ್ಕೆಯಾಗುವುದಲ್ಲದೆ, ಅವರು ತೀವ್ರ ಮಾನಸಿಕ ಆತಂಕ ಹಾಗೂ ಭಯದ ವಾತಾವರಣದಲ್ಲಿ ಕೆಲಸ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.

ಕಾರಣ, ಇದು ಸಾರ್ವಜನಿಕ ಸೇವೆಯ ದಕ್ಷತೆಯ ಮೇಲೆಯೂ ದುಷ್ಪರಿಣಾಮ ಬೀರುತ್ತದೆ. ಹೀಗಾಗಿ ಈ ವಿಷಯ ಗಂಭೀರವಾಗಿ ಪರಿಗಣಿಸಿ, ನೌಕರರನ್ನು ಬೆದರಿಸುವ ದುರುದ್ದೇಶದಿಂದ ಸುಳ್ಳು ದೂರು ನೀಡಿದ ಪ್ರದೀಪ ಅಣಬಿ ಎಂಬಾತನ ಸರ್.ಎಂ.ವಿಶ್ವೇಶ್ವರಯ್ಯ ಕಟ್ಟಡ ಕಾರ್ಮಿಕರ ಸಂಘ ರದ್ದುಪಡಿಸಿ ಆತನ ವಿರುದ್ಧ ಹಾಗೂ ಇಂತಹುದೆ ದೂರು ಸಲ್ಲಿಸುವವರ ವಿರುದ್ಧ ತಕ್ಷಣ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕು ಎಂದು ಮನವಿಯಲ್ಲಿ ಆಗ್ರತಹಿಸಿದ್ದಾರೆ. 

ಅಲ್ಲದೆ ಪೋಲಿಸ್ ಠಾಣೆಯಲ್ಲಿ ದಾಖಲಾಗಿರುವ ಆಧಾರರಹಿತ ಜಾತಿ ನಿಂದನಾ ದೂರು ಕೂಡಲೇ  ವಜಾಗೊಳಿಸಿ, ನೌಕರರು ನಿರ್ಭಯವಾಗಿ ಕರ್ತವ್ಯ ನಿರ್ವಹಿಸಲು ಅಗತ್ಯ ರಕ್ಷಣೆ ನೀಡಬೇಕು ಎಂದು ಅವರು ಮನವಿ ಮಾಡಿದ್ದಾರೆ.

ಜಿಲ್ಲಾಧ್ಯಕ್ಷ ರಾಯಪ್ಪಗೌಡ ಹುಡೇದ್, ಖಜಾಂಚಿ ರಂಗನಾಥ, ಹಿರಿಯ ಉಪಾಧ್ಯಕ್ಷ ಅಶೋಕ ಕಲಾಲ್, ಉಪಾಧ್ಯಕ್ಷ ಮಹೇಶ, ಸದಸ್ಯ ಕಾರ್ಯದರ್ಶಿ ನವೀನ್‌ಕುಮಾರ, ಸಾಂಸ್ಕೃತಿಕ ಕಾರ್ಯದರ್ಶಿ ವೀರಭದ್ರಸ್ವಾಮಿ, ಕ್ರೀಡಾ ಕಾರ್ಯದರ್ಶಿ ರವೀಂದ್ರ, ಸದಸ್ಯರಾದ ಅಮಜಾದ್ ಖಾನ್, ಮಲ್ಲಿಕಾರ್ಜುನ ಬಿ, ಟಿ ಶ್ರೀನಿವಾಸನ್, ಮಲ್ಲಿನಾಥ, ಪ್ರದೀಪ್, ಮಹೇಂದ್ರ, ಬಸಲಿಂಗಪ್ಪ, ಮಂಜುನಾಥ ಬಾರಿ, ನಾಗಪ್ಪ, ಮಂಜುನಾಥ ಬಿ., ವೆಂಕಟೇಶ, ಮೇಘನಾ, ಮರೆಪ್ಪ, ಈರಯ್ಯ, ಗುರುರಾಜ ಸಾಲಿಮಠ, ನೀಲಪ್ಪ ಹರನಟ್ಟಿ, ರಾಜು ಜಾಧವ್, ಮಹ್ಮದ್ ಗೂಡು ಇದ್ದರು.

ನೌಕರರ ವರ್ಗಾವಣೆಯು ಸಂಪೂರ್ಣವಾಗಿ ಸರ್ಕಾರ ಮತ್ತು ಇಲಾಖೆಯ ಸಕ್ಷಮ ಪ್ರಾಧಿಕಾರದ ಆಡಳಿತಾತ್ಮಕ ವ್ಯಾಪ್ತಿಗೆ ಒಳಪಟ್ಟಿರುತ್ತದೆ. ಈ ಪ್ರಕ್ರಿಯೆಯಲ್ಲಿ ಸಾರ್ವಜನಿಕರಿಗೆ ಅಥವಾ ಯಾವುದೇ ಮೂರನೇ ವ್ಯಕ್ತಿಗೆ ಕಾನೂನಾತ್ಮಕ ಹಕ್ಕಿರುವುದಿಲ್ಲ ಎಂದು ಸರ್ವೋಚ್ಚ ನ್ಯಾಯಾಲಯವು ಯುನಿಯನ್ ಆಲ್ ಇಂಡಿಯಾ ವಿರುದ್ಧ ಎಸ್.ಎಲ್.ಅಬ್ಬಾಸ್ ಪ್ರಕರಣ ಸೇರಿ ಹಲವು ಐತಿಹಾಸಿಕ ತೀರ್ಪುಗಳಲ್ಲಿ ಸ್ಪಷ್ಟಪಡಿಸಿದೆ ಎಂದು ಮನವಿಯಲ್ಲಿ ಉಲ್ಲೇಖಿಸಿದ್ದಾರೆ.