ಉಚಿತ ನೇತ್ರ ಚಿಕಿತ್ಸಾ ಶಿಬಿರದ ಲಾಭ ಪಡೆಯಿರಿ

ಕೆಂಭಾವಿ: ಮಾಳಹಳ್ಳಿಯ ಮಾಳಿಂಗರಾಯ ದೇವಸ್ಥಾನದ ಪೂಜಾರಿ ಶ್ರೀ ಕೆಂಚರಾಯ ಮಹಾರಾಯ ಅವರ ಜನ್ಮದಿನ ನಿಮಿತ್ತ ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಗುರುವಾರ ಹಮ್ಮಿಕೊಂಡ ಉಚಿತ ನೇತ್ರ ಚಿಕಿತ್ಸಾ ಶಿಬಿರದ ಲಾಭ ಪಡೆದುಕೊಳ್ಳಬೇಕು ಎಂದು ಯುವ ಮುಖಂಡ ಮಲ್ಲು ದಂಡಿನ್​ ಹೇಳಿದರು.

ಈ ಶಿಬಿರದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಪ್ರತಿವರ್ಷ ಮಾಳಹಳ್ಳಿ ಪೂಜ್ಯರ ಜನ್ಮದಿನವನ್ನು ಭಕ್ತರು ಸೇರಿ ಆಚರಿಸಿಕೊಂಡು ಬುರತ್ತಿದ್ದಾರೆ. ಅಲ್ಲದೆ ಈ ವರ್ಷ ಉಚಿತ ನೇತ್ರ ಚಿಕಿತ್ಸಾ ಶಿಬಿರವನ್ನು ಹಮ್ಮಿಕೊಂಡು ನೂರಾರು ಜನರಿಗೆ ಅನುಕೂಲ ಮಾಡಿಕೊಡುತ್ತಿದ್ದಾರೆ ಎಂದು ಹೇಳಿದರು. ಕಣ್ಣಿನ ಶಸಚಿಕಿತ್ಸೆಗಾಗಿ ಬೆಂಗಳೂರಿನ ಶಂಕರ ಕಣ್ಣಿನ ಆಸ್ಪತ್ರೆಯಲ್ಲಿ ಮಾಡಿಸಲಾಗುತ್ತದೆ. ರೋಗಿಗಳಿಗೆ ಹೋಗಿ ಬರಲು ಬಸ್​ನ ವ್ಯವಸ್ಥೆ ಸಹ ಮಾಡಲಾಗುವುದು ಎಂದರು ಹೇಳಿದರು.

ಶ್ರೀ ಚನ್ನಬಸವ ಶಿವಾಚಾರ್ಯರು ಸಾನ್ನಿಧ್ಯ ವಹಿಸಿದ್ದರು. ಶ್ರೀ ಕೆಂಚರಾಯ ಮಹಾರಾಯ, ಶಿವರಾಜ ಪೂಜಾರಿ ನರಗಡ್ಡಿ, ವೈದ್ಯಾಧಿಕಾರಿ ಡಾ.ಗಿರೀಶ್​ ಕುಲಕರ್ಣಿ, ಶ್ರೀನಿವಾಸ ರೆಡ್ಡಿ ಯಾಳಗಿ, ಬೆಂಗಳೂರಿನ ಶಂಕರ್​ ಕಣ್ಣಿನ ಆಸ್ಪತ್ರೆ ಡಾ.ಅಮಿತ್​, ಡಾ.ರಾಕೇಶ್​, ಡಾ.ದೀಪಾ, ಡಾ.ಸುವರ್ಣ ಅಂಗಡಿ, ಕಾಳಪ್ಪ ಕವತಿ, ಮಹಿಪಾಲರೆಡ್ಡಿ ಡಿಗ್ಗಾವಿ, ಶರಣಪ್ಪ ಯಾಳಗಿ, ಸಂಗಣ್ಣ ತುಂಬಿಗಿ, ವಿಜಯಕುಮಾರ ಮಂಗ್ಯಾಳ, ಭೀಮನಗೌಡ ಪಾಟೀಲ್​, ಕೆಂಜೋಡ್ಯಪ್ಪ ಹೊಂಬಳಕಲ್​, ಮುತ್ತಪ್ಪ ಪೂಜಾರಿ, ಹಳ್ಳಪ್ಪ ಕವಲ್ದಾರ್​, ಅಜಯ್​ ಪಾಟೀಲ್​ ಇತರರಿದ್ದರು. ಸುಮಾರು 350ಕ್ಕೂ ಹೆಚ್ಚು ಜನರನ್ನು ಪರೀಸಲಾಯಿತು. ಅದರಲ್ಲಿ 150ಕ್ಕೂ ಹೆಚ್ಚು ಜನರನ್ನು ನೇತ್ರ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಕರೆದೊಯ್ಯಲಾಯಿತು.