ಶ್ರೀ ಶೆಟ್ಟಿ ಸಂಗಪ್ಪ ಸ್ಮಾರಕ ಶಾಲೆಗೆ ಎಸ್ ಎಸ್ ಎಲ್ ಸಿ ಶೇಕಡ 99.8ರಷ್ಟು ಫಲಿತಾಂಶ

ಕಲಬುರಗಿ: ನಗರದ ಅಳಂದ ರಸ್ತೆಯಲ್ಲಿರುವ ಶ್ರೀ ಶೆಟ್ಟಿ ಸಂಗಪ್ಪ ಸ್ಮಾರಕ ಶಾಲೆ ಈ ಬಾರಿಯ ಎಸ್ ಎಸ್ ಎಲ್ ಸಿ ಯಲ್ಲಿ ಶೇ. 99.8 ಫಲಿತಾಂಶ ಪಡೆದು ಉತ್ತಮ ಸಾಧನೆ ಮಾಡಿದೆ.

ಶಾಲೆಯು ವರ್ಷದಿಂದ ವರ್ಷಕ್ಕೆ ಎಸ್ ಎಸ್ ಎಲ್ ಸಿ ಯಲ್ಲಿ ಉತ್ತಮ ಸಾಧನೆಯನ್ನು ಮಾಡುತ್ತಿದ್ದು ಈ ಬಾರಿ ಶೇ. 99.8ರಷ್ಟು ಫಲಿತಾಂಶ ದಾಖಲಿಸಿ ಶಾಲೆಗೆ ಕೀರ್ತಿ ತಂದಿದೆ ಎಂದು ಆಡಳಿತ ಮಂಡಳಿಯ ಅಧ್ಯಕ್ಷರಾದ ನ್ಯಾಯವಾದಿ ಮತ್ತು ಗೃಹ ರಕ್ಷಕ ದಳದ ಮಾಜಿ ಸಮಾದೇಷ್ಟರಾದ ಗಿರಿಜಾ ಶಂಕರ ಶೆಟ್ಟಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಶಾಲೆಯಲ್ಲಿ ಶೇ. 95.36 ಅಂಕ ಪಡೆದ ರುಚಿ ಅಗ್ರಸ್ಥಾನ ಪಡೆದು ಕೀರ್ತಿ ತಂದಿದ್ದಾಳೆ. ಸ್ವಾತಿ ಶೇ. 91.36, ವೈಷ್ಣವಿ ಶೇಕಡ 90.72 ಆನಂದ್ ಶೇ. 89.60, ವಿನಯ್ ಕುಮಾರ್ ಶೇ. 88, ಐಶ್ವರ್ಯ ಶೇ. 86.56, ನೀರಜ್ ಶೇ. 85.92, ಸೌಂದರ್ಯ ಶೇ.85.28, ಸುಬ್ರಹ್ಮಣ್ಯ ಶೇ. 82.72 ಹಾಗೂ ಸಾಗರ್ ಶೇ.81.28 ಅಂಕ ಪಡೆದು ಶಾಲೆಯ ಗೌರವ ಹೆಚ್ಚಿಸಿದ್ದಾರೆ.