ಬಾಲ್ಯವಿವಾಹಕ್ಕೆ ಸಾಮಾಜಿಕ, ಸಾಂಸ್ಕೃತಿಕ ಅಜ್ಞಾನ ಕಾರಣ| High court

ಪ್ರಮುಖ ಮುಖ್ಯಾಂಶಗಳು

• ತಡೆಗೆ ಜಾಗೃತಿ ಮೂಡಿಸಿ
• ರಾಯಚೂರು ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರಕ್ಕೆ ಹೈಕೋರ್ಟ್​ ನಿರ್ದೇಶನ
• ಹೆಚ್ಚುತ್ತಿರುವ ಪ್ರಕರಣಗಳ ಬಗ್ಗೆ ನ್ಯಾಯಾಲಯದ ಕಳವಳ

ಪ್ರಾಯೋಗಿಕ ದೃಷ್ಟಿಕೋನ ಅಗತ್ಯ

ಈ ಪ್ರಕರಣದಲ್ಲಿ ಅರ್ಜಿದಾರ ಮತ್ತು ಸಂತ್ರಸ್ತೆ ಇಬ್ಬರೂ ದುರ್ಬಲ, ಹಿಂದುಳಿದ ವರ್ಗಕ್ಕೆ ಸೇರಿದ್ದು, ಸಂತ್ರಸ್ತೆಯ ವಯಸ್ಸಿನ ಬಗ್ಗೆಯೂ ವಿವಾದವಿದೆ. ಆದ್ದರಿಂದ ಅರ್ಜಿದಾರರ ಬಂಧನ ಮುಂದುವರಿಸಿದರೆ ಸಂವಿಧಾನದ 21ನೇ ವಿಧಿ ಅವರಿಗೆ ಕಲ್ಪಿಸಿರುವ ಹಕ್ಕುಗಳಿಗೆ ಧಕ್ಕೆಯಾಗಬಹುದು. ಆದ್ದರಿಂದ, ಈ ಪ್ರಕರಣದಲ್ಲಿ ಪ್ರಾಯೋಗಿಕ ಮತ್ತು ಸಂವೇದನಾಶೀಲ ದೃಷ್ಟಿಕೋನದ ಅಗತ್ಯವಿದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ.

ವೈವಾಹಿಕ ಹಕ್ಕು ಚಲಾಯಿಸಬಾರದು

ಸಂತ್ರಸ್ತೆ ಪ್ರಾಪ್ತ ವಯಸ್ಕಳಾಗುವ ತನಕ ತನ್ನೊಂದಿಗೆ ಇರಿಸಿಕೊಳ್ಳುತ್ತೇನೆ. ಅರ್ಜಿದಾರ ಮತ್ತು ಸಂತ್ರಸ್ತೆಯ ನಡುವೆ ಯಾವುದೇ ಸಂಬಂಧ ಏರ್ಪಡದಂತೆ ಖಚಿತಪಡಿಸಿಕೊಳ್ಳುತ್ತೇನೆ ಎಂದು ಸಂತ್ರಸ್ತೆಯ ತಾಯಿ ನ್ಯಾಯಾಲಯಕ್ಕೆ ತಿಳಿಸಿದ್ದರು. ಇದನ್ನು ಪರಿಗಣಿಸಿದ ನ್ಯಾಯಪೀಠ, ಬಾಲಕಿಯು ಪ್ರಾಪ್ತ ವಯಸ್ಕಳಾಗುವವರೆಗೆ ಮತ್ತು ಆಕೆಯ ಸಾಕ್ಷ್ಯ ದಾಖಲಿಸುವ ತನಕ ಸಹಬಾಳ್ವೆ ಆರಂಭಿಸುವುದಿಲ್ಲ ಎಂದು ಅರ್ಜಿದಾರ ಮತ್ತು ಸಂತ್ರಸ್ತೆಯ ತಾಯಿ ನ್ಯಾಯಾಲಯಕ್ಕೆ ಮುಚ್ಚಳಿಕೆ ಸಲ್ಲಿಸಬೇಕು. ಸಾಗೆ ಯಾವುದೇ ಬೆದರಿಕೆ ಅಥವಾ ಆಮೀಷ ಒಡ್ಡಬಾರದು ಎಂದು ನಿರ್ದೇಶನ ನೀಡಿದೆ.