ಐಪಿಎಲ್‌ಗೆ ಆಯ್ಕೆ ಟ್ರಯಲ್ಸ್!: ಇಂದಿನಿಂದ ದೇಶೀಯ ಟಿ20 ಹಬ್ಬ, ಕರ್ನಾಟಕಕ್ಕೆ ಉತ್ತರಾಖಂಡ ಮೊದಲ ಎದುರಾಳಿ

80: ಸಯ್ಯದ್ ಮುಷ್ತಾಕ್ ಅಲಿ ಟ್ರೋಫಿಯ ವಿಜೇತ ತಂಡ 80 ಲಕ್ಷ ರೂ. ಬಹುಮಾನ ಪಡೆಯಲಿದೆ. ರನ್ನರ್‌ಅಪ್ ತಂಡ 40 ಲಕ್ಷ ರೂ. ಗಳಿಸಲಿದೆ. ಪ್ರತಿ ಪಂದ್ಯಕ್ಕೆ ಪಂದ್ಯಶ್ರೇಷ್ಠ ಪ್ರಶಸ್ತಿಯೂ ಇರಲಿದೆ.

ಎ: ಮುಂಬೈ, ಕೇರಳ, ಛತ್ತೀಸ್‌ಗಢ, ವಿದರ್ಭ,ರೈಲ್ವೇಸ್, ಓಡಿಶಾ, ಆಂಧ್ರ, ಅಸ್ಸಾಂ

ಬಿ: ಮಧ್ಯಪ್ರದೇಶ, ಜಮ್ಮು ಮತ್ತು ಕಾಶ್ಮೀರ, ಗೋವಾ, ಉತ್ತರ ಪ್ರದೇಶ, ಹೈದರಾಬಾದ್, ಬಿಹಾರ, ಚಂಡೀಗಢ, ಮಹಾರಾಷ್ಟ್ರ.

ಸಿ: ಬರೋಡ, ಪಂಜಾಬ್, ಸರ್ವೀಸಸ್, ಬಂಗಾಳ, ಹರಿಯಾಣ, ಪುದುಚೇರಿ, ಗುಜರಾತ್, ಹಿಮಾಚಲ ಪ್ರದೇಶ.

ಡಿ: ಕರ್ನಾಟಕ, ದೆಹಲಿ, ಜಾರ್ಖಂಡ್, ಉತ್ತರಾಖಂಡ, ಸೌರಾಷ್ಟ್ರ, ತ್ರಿಪುರಾ, ರಾಜಸ್ಥಾನ, ತಮಿಳುನಾಡು.

ಟೂರ್ನಿಯಲ್ಲಿ ಮೊದಲ ಬಾರಿಗೆ ಸೂಪರ್ ಲೀಗ್ ಪರಿಚಯಿಸಲಾಗುತ್ತಿದೆ. ಎಲೀಟ್‌ನಲ್ಲಿ ಆಡಲಿರುವ 32 ತಂಡಗಳನ್ನು ತಲಾ 8ರಂತೆ ಎ,ಬಿ,ಸಿ.ಡಿ ಗುಂಪುಗಳಾಗಿ ವಿಂಗಡಿಸಲಾಗಿದೆ. ಎಲ್ಲ ತಂಡಗಳು ಗುಂಪಿನಲ್ಲಿ ತಲಾ 7 ಪಂದ್ಯ ಆಡಲಿದ್ದು, ಅಗ್ರ 2 ತಂಡಗಳು ಸೂಪರ್ ಲೀಗ್ ಹಂತಕ್ಕೇರಲಿವೆ. ಸೂಪರ್ ಲೀಗ್‌ನಲ್ಲಿ ತಲಾ 4ರಂತೆ ಎ,ಬಿ ವಿಭಾಗಗಳಾಗಿ ಎಲ್ಲ ತಂಡಗಳು ಮೂರು ಪಂದ್ಯಗಳನ್ನಾಡಲಿವೆ. ಎ ಮತ್ತು ಬಿ ಗುಂಪಿನ ಅಗ್ರಸ್ಥಾನಿ ತಂಡಗಳು ಪ್ರಶಸ್ತಿಗಾಗಿ ಸೆಣಸಲಿವೆ. ಪ್ಲೇಟ್‌ನಲ್ಲಿ 6 ತಂಡಗಳಿದ್ದು, ಅಗ್ರ-2ರಲ್ಲಿ ಸ್ಥಾನ ಪಡೆದ ತಂಡಗಳು ಫೈನಲ್‌ನಲ್ಲಿ ಎದುರಾಗಲಿವೆ.

2. ಕರ್ನಾಟಕ ತಂಡ ಇದುವರೆಗೆ ಎರಡು ಬಾರಿ ದೇಶೀಯ ಟಿ20 ಚಾಂಪಿಯನ್ ಎನಿಸಿದೆ. ಮನೀಷ್ ಪಾಂಡೆ ನೇತೃತ್ವದಲ್ಲಿ 2018/19, 2019/20ರಲ್ಲಿ ಸತತವಾಗಿ ಪ್ರಶಸ್ತಿ ಗೆದ್ದಿತ್ತು. ತಮಿಳುನಾಡು ಗರಿಷ್ಠ 3 ಬಾರಿ ಜಯಿಸಿದೆ.

ರಣಜಿ ಟ್ರೋಫಿಯ ಪ್ರದರ್ಶನದೊಂದಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಂಡಿರುವ ಮಯಾಂಕ್ ಅಗರ್ವಾಲ್ ಸಾರಥ್ಯದ ಕರ್ನಾಟಕ ತಂಡ ಡಿ ಗುಂಪಿನಲ್ಲಿ ಸ್ಥಾನ ಪಡೆದಿದ್ದು, ಅಹಮದಾಬಾದ್‌ನಲ್ಲಿ ನಡೆಯಲಿರುವ ತನ್ನ ಮೊದಲ ಲೀಗ್ ಪಂದ್ಯದಲ್ಲಿ ಉತ್ತರಾಖಂಡ ಎದುರು ಅಭಿಯಾನ ಆರಂಭಿಸಲಿವೆ. ಕರುಣ್ ನಾಯರ್,ಆರ್. ಸ್ಮರಣ್, ಮಯಾಂಕ್ ಜತೆಗೆ ಶ್ರೇಯಸ್ ಗೋಪಾಲ್ , ಅನುಭವಿ-ಯುವ ಆಟಗಾರರಿಂದ ಕೂಡಿರುವ ತಂಡ 3ನೇ ಪ್ರಶಸ್ತಿ ನಿರೀಕ್ಷೆಯಲ್ಲಿದೆ.

ಬಲಿಷ್ಠ ಗುಂಪಿನಲ್ಲಿ ಕರ್ನಾಟಕ ಸ್ಥಾನ ಪಡೆದಿದ್ದು, ಸಾಂಪ್ರದಾಯಿಕ ಎದುರಾಳಿ ತಮಿಳುನಾಡು ಜತೆಗೆ ಸೌರಾಷ್ಟ್ರ, ದೆಹಲಿ ಪ್ರಮುಖ ತಂಡಗಳಾಗಿವೆ. ಉತ್ತರಾಖಂಡ ಎದುರು ಇದುವರೆಗೆ ಕರ್ನಾಟಕ 2 ಪಂದ್ಯ ಆಡಿದ್ದು, 1-1 ಗೆಲುವು-ಸೋಲಿನ ದಾಖಲೆ ಹೊಂದಿದೆ. ರಾಜ್ಯ ತಂಡಕ್ಕೆ ಹೊಸಮುಖ ಎನಿಸಿದ್ದ ಶ್ರೀವತ್ಸ ಆಚಾರ್ಯ ಗಾಯದ ಸಮಸ್ಯೆಯಿಂದ ಹೊರಬಿದ್ದಿದ್ದು, ಬದಲಿ ಆಟಗಾರನಾಗಿ ಮನ್ವಂತ್ ಕುಮಾರ್‌ಗೆ ಅವಕಾಶ ಲಭಿಸಿದೆ. ಐಪಿಎಲ್​ನಲ್ಲಿ ರಿಟೇನ್ ಆಗದ ಮಯಾಂಕ್, ಕೆಎಲ್ ಶ್ರೀಜಿತ್, ಅಭಿನವ್ ಮನೋಹರ್ ಮೇಲೆ ಎಲ್ಲರ ದೃಷ್ಟಿ ನೆಟ್ಟಿದೆ. ಆರಂಭ: ಬೆಳಗ್ಗೆ 9