ಜೇವರ್ಗಿ ಮೂಲದ ಆರತಿ ದಿನೇಶ್ ಠಾಕೂರ್ ಅವರು ಬುಧವಾರ ದುಬಲಗುಂಡಿಯಿಂದ ಹುಮನಾಬಾದ್ಗೆ ಬಸ್ನಲ್ಲಿ ಪ್ರಯಾಣಿಸಿದ್ದರು. ಬಸ್ನಿಂದ ಇಳಿಯುವಾಗ ಪರ್ಸ್ ಆಸನದ ಮೇಲೆ ಮರೆತು ಹೋಗಿದ್ದರು. ನಂತರ ಹುಮನಾಬಾದ್ ಪೊಲೀಸ್ ಠಾಣೆಗೆ ದೂರು ನೀಡಿದರು. ದೂರು ಸ್ವೀಕರಿಸಿದ ಪಿಎಸ್ಐ ಸುರೇಶಕುಮಾರ್ ಚವ್ಹಾಣ್ ಹಾಗೂ ಸಿಬ್ಬಂದಿ ತಕ್ಷಣ ಕಾರ್ಯಪ್ರರ್ವತರಾಗಿ ಬಸ್ ನಿಲ್ದಾಣ ಹಾಗೂ ಡಿಪೋದಲ್ಲಿನ ಸಿಸಿ ಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದರು. ಮಹಿಳೆ ಪ್ರಯಾಣಿಸಿದ್ದ ಕೆಎ- 39 ಎಫ್- 956 ಸಂಖ್ಯೆಯ ಬಸ್ ಪತ್ತೆಯಾದ ಬಳಿಕ ನಿರ್ವಾಹಕ ಸಂಗಮನಾಥ ಅವರನ್ನು ಸಂಪರ್ಕಿಸಿದರು. ಬಸ್ನಲ್ಲಿ ಸಿಕ್ಕಿದ್ದ ಪರ್ಸ್ ಸುರಕ್ಷಿತವಾಗಿ ಇಟ್ಟಿರುವುದಾಗಿ ತಿಳಿಸಿ, ಅದನ್ನು ಪೊಲೀಸರಿಗೆ ಹಸ್ತಾಂತರಿಸಿದರು.
