ಪಿಎಲ್​ಡಿ ಬ್ಯಾಂಕ್​ ಏಳಿಗೆಗೆ ಶ್ರಮಿಸಿದ ರೇವೂರ್​

ಚಿತ್ತಾಪುರ : ಪಿಎಲ್​ಡಿ ಬ್ಯಾಂಕ್​ನ ಏಳಿಗೆಯಲ್ಲಿ ವ್ಯವಸ್ಥಾಪಕ ಬಸವರಾಜ ರೇವೂರ್​ ಅವರ ಶ್ರಮ ಅಪಾರವಾಗಿದೆ ಎಂದು ಪಿಎಲ್​ಡಿ ಬ್ಯಾಂಕ್​ ಅಧ್ಯಕ್ಷ ಭೀಮಣ್ಣ ಸಾಲಿ ಶ್ಲಾಸಿದರು.

ಪಿಎಲ್​ಡಿ ಬ್ಯಾಂಕ್​ನಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ಸೇವಾ ನಿವೃತ್ತಿ ಹೊಂದಿದ ವ್ಯವಸ್ಥಾಪಕ ಬಸವರಾಜ ರೇವೂರ್​ ಅವರಿಗೆ ಬೀಳ್ಕೊಡುಗೆ ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಕಳೆದ 13 ವರ್ಷಗಳಿಂದ ಬ್ಯಾಂಕ್​ನಲ್ಲಿ ಸಾಲಗಾರರ ವಸೂಲಿ ಹೆಚ್ಚು ಮಾಡುವ ಮೂಲಕ ಸಾಧನೆ ಮಾಡಿದ್ದಾರೆ. ಪ್ರಾಮಾಣಿಕ ಕಾರ್ಯದಿಂದಾಗಿ ಜಿಲ್ಲೆಯಲ್ಲಿ ಚಿತ್ತಾಪುರ ಬ್ಯಾಂಕ್​ಗೆ 3ನೇ ಸ್ಥಾನ ಲಭಿಸಿದೆ ಎಂದು ಹೇಳಿದರು.

ಸಹಕಾರ ಸಂದ ಜಿಲ್ಲಾ ವ್ಯವಸ್ಥಾಪಕ ಅಜಯ ಮಾಲಿಪಾಟೀಲ್​, ಉಪಾಧ್ಯಕ್ಷ ವಿರೂಪಾಕ್ಷಪ್ಪ ಗಡ್ಡದ್​, ನಿರ್ದೇಶಕರಾದ ಅಶೋಕ ನಿಪ್ಪಾಣಿ, ಅಣ್ಣಾರಾವ ಪಾಟೀಲ್​ ಮುಡಬೂಳ, ನಿವೃತ್ತಿ ಹೊಂದಿದ ವ್ಯವಸ್ಥಾಪಕ ಬಸವರಾಜ ರೇವೂರ್​ ಮಾತನಾಡಿದರು.

ಪ್ರಮುಖರಾದ ರಾಜಶೇಖರ ಕೊಂಕನಳ್ಳಿ, ಮಹಾದೇವ ನಾಶಿ, ರಾಜಶೇಖರಗೌಡ ಸಂಕನೂರ, ಹರಳಯ್ಯ ಬಡಿಗೇರ, ವೀರಭೂಷಣ ಸದಲಾಪುರ, ದಯಾನಂದ, ಶಾರದಾ, ಸಂತೋಷ ರಾಠೋಡ್​ ಇತರರಿದ್ದರು.

ಸಂಗಣ್ಣ ಬಂಡಿ ನಿರೂಪಣೆ ಮಾಡಿದರು. ಕುಸುಮಾವತಿ ವಂದಿಸಿದರು.