ಯಶವಂತಪುರ ಎಪಿಎಂಸಿಯಲ್ಲಿ ತೊಗರಿಬೇಳೆ ದರ ಕೆ.ಜಿ.ಗೆ 100/105 ರೂ.ನಿಂದ 115 ರೂ.ಗೆ ಏರಿಕೆಯಾಗಿದೆ. ಶಿವಲಿಂಗ ತೊಗರಿ ಬೇಳೆ 130 ರೂ.ನಿಂದ 140 ರೂ. ತಲುಪಿದೆ. ಬರ್ಮಾ, ತಾಂಜೇನಿಯಾದಿಂದ ಆಮದು ಮಾಡಿಕೊಳ್ಳುತ್ತಿರುವ ತೊಗರಿ ಬೇಳೆ ದರ ಸ್ವಲ್ಪ ಕಡಿಮೆಯಿದ್ದು, ಕೆ.ಜಿ.ಗೆ ಸಗಟು ದರದಲ್ಲಿ 100-115 ರೂ. ಇದೆ. ಉಳಿದ ಬೇಳೆಗಳ ದರ ದುಬಾರಿ ಇದೆ. ಚಿಲ್ಲರೆ ಮಾರಾಟಗಾರರು ಇದಕ್ಕೆ ಶೇ.10 ದರ ಹೆಚ್ಚಿಸಿ ಮಾರಾಟ ಮಾಡುತ್ತಿದ್ದಾರೆ. ಉಳಿದಂತೆ 75-80 ರೂ. ಇದ್ದ ಕಡ್ಲೆಕಾಳು ದರ ಕೆ.ಜಿ.ಗೆ 85-95 ರೂ.ವರೆಗೆ ಏರಿಕೆಯಾಗಿದೆ. 90-95 ರೂ. ಇದ್ದ ಹೆಸರು ಬೇಳೆ 100-105 ರೂ. ಆಗಿದೆ. ಹೆಸರು ಕಾಳು 115 ರೂ. ನಿಂದ 125 ರೂ.ಗೆ ಹೆಚ್ಚಳವಾಗಿದೆ. ಹಲಸಂದೆ ಕಾಳು 75 ರೂ.ನಿಂದ 85 ರೂ. ತಲುಪಿದೆ. ಕಳೆದ ತಿಂಗಳಿಗೆ ಹೋಲಿಸಿದರೆ ಈ ತಿಂಗಳು ಬೇಳೆ ಕಾಳುಗಳ ಬೆಲೆ ಪ್ರತಿ ಕೆ.ಜಿ.ಗೆ 8-10 ರೂ. ಏರಿಕೆಯಾಗಿದೆ ಎನ್ನುತ್ತಾರೆ ಯಶವಂತಪುರ ಬೇಳೆಕಾಳು ಸಗಟು ಮಾರಾಟಗಾರರ ಸಂಘದ ಅಧ್ಯಕ್ಷ ರಮೇಶ್ಚಂದ್ರ ಲಾಹೋಟಿ.
