ಪೈಲೆಟ್ ಯೋಜನೆ ಜಿಲ್ಲೆಯ ಸಹಕಾರಿ ಕ್ಷೇತ್ರಕ್ಕೆ ಬಲ

ಪಟ್ಟಣದಲ್ಲಿ ಆಯೋಜಿಸಿದ್ದ ತಾಲೂಕು ವ್ಯವಸಾಯೋತ್ಪನ್ನ ಮಾರಾಟ ಸಹಕಾರ ಸಂಘದ ಸಭೆ ಉದ್ಘಾಟಿಸಿ ಮಾತನಾಡಿದ ಅವರು, ಸಹಕಾರಿ ತತ್ವದಡಿ ಎಲ್ಲರೂ ಸಾಗಿದರೆ ಉತ್ತಮ ಬದುಕು ಕಟ್ಟಿಕೊಳ್ಳಬಹುದು. ರೈತರ ಅಭುಧ್ಯಯಕ್ಕಾಗಿ ಜಿಲ್ಲೆಯಲ್ಲಿ ಸಹಕಾರಿ ಕ್ಷೇತ್ರವನ್ನು ಮಾಜಿ ಪ್ರಧಾನಿ ಎಚ್.ಡಿ.ದೇವೆಗೌಡರು ಉನ್ನತಮಟ್ಟಕ್ಕೆ ಬೆಳೆಸಿದ್ದಾರೆ. ಜಿಲ್ಲೆಯ ಸಹಕಾರಿ ರಂಗವೂ ಒಂದು ಹಂತದಲ್ಲಿ ತನ್ನ ನೌಕರರಿಗೆ ಸಂಬಳ ಕೊಡಲು ಹಣವಿಲ್ಲದೆ ಸೊರಗಿತ್ತು. ಆಗ ಮುಖ್ಯಮಂತ್ರಿಗಳಾಗಿದ್ದ ದೇವೇಗೌಡರು ರೂಪಿಸಿದ ಪೈಲೆಟ್ ಯೋಜನೆ ಫಲವಾಗಿ ಇಂದು ಜಿಲ್ಲೆಯ ಸಹಕಾರಿ ಕ್ಷೇತ್ರ ಉತ್ತಮವಾಗಿ ವಹಿವಾಟು ಮಾಡುತ್ತಿದೆ ಎಂದರು.

ಸಿ.ಎನ್.ಪುಟ್ಟಸ್ವಾಮೀಗೌಡರು ಮಹಾಮಂಡಳದ ನಿರ್ದೇಶಕರಾದ ನಂತರ ತಾಲೂಕಿಗೆ ಅನುದಾನ ನೀಡಿದ್ದಾರೆ. ಟಿಎಪಿಸಿಂಎಸ್ ಹಾಗೂ ತಾಲೂಕಿನ ಹಲವು ಕೃಷಿಪತ್ತಿನ ಸಹಕಾರ ಸಂಘಗಳಿಗೆ ಸಹಾಯಧನ ನೀಡಲು ಕಾರಣಿಕರ್ತರಾಗಿದ್ದಾರೆ. ತಾಲೂಕಿನಲಿ 400 ಕೋಟಿ ರೂ. ಹಣ ಹೈನುಗಾರಿಕೆ ಮೂಲಕ ರೈತರ ಕಿಸೆ ಸೇರುತ್ತಿದೆ ಎಂದರು.

ಸಂಘದ ಮಾಜಿ ಅಧ್ಯಕ್ಷ ಎಂ.ಆರ್.ಅನಿಲ್‌ಕುಮಾರ್ ಮಾತನಾಡಿದರು. ಹಿರಿಯ ಸಹಕಾರಿಗಳಾದ ಬಿ.ಎಚ್.ಶಿವಣ್ಣ, ವಿ.ಎನ್.ರಾಜಣ್ಣ ಹಾಗೂ ಟಿಎಪಿಸಿಎಂಎಸ್‌ನಿಂದ ಅತಿ ಹೆಚ್ಚು ಗೊಬ್ಬರ ಖರೀದಿಸಿದ ಮೂವರು ರೈತರನ್ನು ಇದೇ ಸಂದರ್ಭ ಅಭಿನಂದಿಸಲಾಯಿತು. ಸಂಘದ ಅಧ್ಯಕ್ಷ ಎಚ್.ಆರ್.ವೆಂಕಟೇಶ್‌ಮೂರ್ತಿ, ಕರ್ನಾಟಕ ರಾಜ್ಯ ಮಾರಾಟ ಮಹಾಮಂಡಳದ ನಿರ್ದೇಶಕ ಸಿ.ಎನ್.ಪುಟ್ಟಸ್ವಾಮೀಗೌಡ, ಟಿಎಪಿಸಿಎಂಎಸ್ ಉಪಾಧ್ಯಕ್ಷೆ ತಾರಮಣಿ ಆನಂದ್, ನಿರ್ದೇಶಕರಾದ ಕುಂಬಾರಹಳ್ಳಿ ರಮೇಶ್, ತರಬೇನಹಳ್ಳಿ ನಂಜುಂಡೇಗೌಡ, ಎಂ.ಎನ್.ಬೋರೆಗೌಡ, ಮಮತಾ ಜಯಣ್ಣ, ಸಿ.ಜಿ.ಜಗದೀಶ್, ತೋಟಿ ನಾಗಣ್ಣ, ನೆಟ್ಟೆಕೆರೆ ನಾಗರಾಜು, ರವಿಕುಮಾರ್ ಕುಂಬಾರಹಳ್ಳಿ, ಉಮೇಶ್ ಇತರರಿದ್ದರು.