ಮಹಿಳೆಯರಿಗೆ ಸ್ವಾವಲಂಬಿ ಜೀವನದ ಹಾದಿ ಕಲ್ಪಿಸಿ

ಗೌರಿ&ಗಣೇಶ ಹಬ್ಬದ ಪ್ರಯುಕ್ತ ಕೆ.ಎಚ್​.ಪಿ ಫೌಂಡೇಷನ್​ಯಿಂದ ಹಮ್ಮಿಕೊಂಡಿದ್ದ ಕ್ಷೇತ್ರದ ಮಹಿಳೆಯರಿಗೆ ಬಾಗಿನ ವಿತರಿಸುವ ಕಾರ್ಯಕ್ಕೆ ನರಸಾಪುರದಲ್ಲಿ ಚಾಲನೆ ನೀಡಿ ಮಾತನಾಡಿ, ಹಿಂದೂ ಸಂಪ್ರದಾಯದಲ್ಲಿ ಸಮೃದ್ಧಿ, ಸೌಭಾಗ್ಯದ ಸಂಕೇತವಾಗಿ ವರಮಹಾಲಕ್ಷಿ$್ಮ ಹಾಗೂ ಗೌರಿ&ಗಣೇಶ ಹಬ್ಬಗಳಲ್ಲಿ ಸುಮಂಗಲಿಯರಿಗೆ ಬಾಗಿನ ವಿತರಿಸಲಾಗುತ್ತದೆ.

ಕ್ಷೇತ್ರದ ಪ್ರತಿಯೊಬ್ಬ ಮಹಿಳೆಯರಿಗೆ ಒಳಿತಾಗಲಿ ಎಂದು ಆಶಿಸಿ 6 ವರ್ಷಗಳಿಂದ ಸಂಸ್ಥೆಯಿಂದ ಬಾಗಿನ ವಿತರಿಸಲಾಗುತ್ತಿದೆ. ಈ ಬಾರಿ 1 ಲಕ್ಷಕ್ಕೂ ಅಧಿಕ ಮಂದಿಗೆ ಬಾಗಿನ ವಿತರಿಸಲಾಗುವುದು. ಕ್ಷೇತ್ರದಲ್ಲಿ ಬರ ಆವರಿಸಿದ್ದು, ಮಳೆ ಬೆಳೆಯಾಗಲಿ. ಸುಖ ಸಮೃದ್ಧಿ ಎಲ್ಲೆಡೆ ನೆಲೆಸಲಿ.

ಮಹಿಳೆಯರಿಗೆ ಸ್ವಾವಲಂಬಿ ಜೀವನ ಕಲ್ಪಿಸಿಕೊಡುವ ಉದ್ದೇಶದಿಂದ ಹೊಲಿಗೆ ತರಬೇತಿ, ಯುವತಿಯರಿಗೆ ಕಂಪ್ಯೂಟರ್​, ಸ್ಪರ್ಧಾತ್ಮಕ ಪರೀಕ್ಷೆಗಳ ತರಬೇತಿ ಸೇರಿ ವಿವಿಧ ಕಾರ್ಯಕ್ರಮ ಸಂಸ್ಥೆ ನಡೆಸಿಕೊಂಡು ಬರುತ್ತಿದ್ದು, ತಾಲೂಕಿನ ಸಮಗ್ರ ಅಭಿವೃದ್ಧಿ ಜತೆಗೆ ಸಂಸ್ಥೆ ಸಾಮಾಜಿಕ ಸೇವಾ ಕಾರ್ಯ ಮುಂದುವರಿಸಿಕೊಂಡು ಹೋಗುತ್ತೇನೆ ಎಂದರು.

ಮುಖಂಡ ಜಿ.ನಾಗೇಂದ್ರ ಮಾತನಾಡಿ, ಕೆಎಚ್​ಪಿ ಫೌಂಡೇಷನ್​ ಸಮಾಜ ಮುಖಿ ಕಾರ್ಯ ಕ್ಷೇತ್ರದಲ್ಲಿ ಮನೆಮಾತಾಗಿವೆ. ಕ್ಷೇತ್ರದ ಜನರ ಪ್ರಗತಿಯಲ್ಲಿ ಪ್ರಮುಖ ಪಾತ್ರವಹಿಸುತ್ತಿವೆ. ಮಹಿಳೆಯರು, ರೈತರು, ನಿರುದ್ಯೋಗ ಯುವಕ, ಯುವತಿಯರಿಗೆ ಅನುಕೂಲವಾಗುತ್ತಿದೆ ಎಂದರು.