ಶಿಸ್ತು ಕಾಪಾಡುವುದು ಪೊಲೀಸ್ ಸೇವೆಯ ಪ್ರಮುಖ ಭಾಗ. ಹೀಗಾಗಿ ಕ್ರೀಡಾ ಚಟುವಟಿಕೆಯಲ್ಲಿ ಭಾಗವಹಿಸದ ಅಧೀನ ಸಿಬ್ಬಂದಿಯನ್ನು ತರಾಟೆಗೆ ತೆಗೆದುಕೊಳ್ಳುವುದು, ಮೌಖಿಕ ಎಚ್ಚರಿಕೆ ನೀಡುವುದು ಮತ್ತು ಇಲಾಖಾ ಕ್ರಮಕ್ಕೆ ತಿಳಿಸುವುದು ಕರ್ತವ್ಯದ ಭಾಗ ಎಂದು ಅವಲೋಕನ ಮಾಡಿರುವ ನ್ಯಾಯಪೀಠ, ವೃತ್ತ ನಿರೀಕ್ಷಕರಾಗಿದ್ದ ಪಂಚಾಕ್ಷರಯ್ಯ ಅವರ ವಿರುದ್ಧದ ಪ್ರಕರಣವನ್ನು ರದ್ದುಪಡಿಸಿದೆ. ಆದರೆ, ಕಚೇರಿಗೆ ಕರೆಸಿ ಹಲ್ಲೆ ನಡೆಸಿದ ಆರೋಪಗಳು ಅಧಿಕೃತ ಕರ್ತವ್ಯದೊಂದಿಗೆ ಸಂಬಂಧವಿಲ್ಲ ಎಂದು ವಿಕಾಸ್ ಕುಮಾರ್ ವಿಕಾಸ್ ಅವರ ಮೇಲಿನ ಪ್ರಕರಣ ರದ್ದುಗೊಳಿಸಲು ನಿರಾಕರಿಸಿದೆ. ಶಿಸ್ತಿನ ಹೆಸರಿನಲ್ಲಿ ದೌರ್ಜನ್ಯಕ್ಕೆ ಅವಕಾಶವಿಲ್ಲ ಎಂದು ಅಭಿಪ್ರಾಯಪಟ್ಟಿದೆ.
