ಮೃತ ನವಿಲುಗಳನ್ನು ತಕ್ಷಣವೇ ಪ್ರಯೋಗಾಲಯಕ್ಕೆ ಕಳುಹಿಸಿ, ಸಾವಿಗೆ ಕಾರಣ ಸ್ಪಷ್ಟಪಡಿಸಬೇಕು. ಕುದೂರು, ಮಲ್ಲಪ್ಪನಕಟ್ಟೆ, ಮಡಿವಾಳರಕಟ್ಟೆ, ಮಾರಪ್ಪನಹಳ್ಳಿ ಭಾಗಗಳಲ್ಲಿ ವಿಶೇಷ ಅರಣ್ಯ ಗಸ್ತು ಪಡೆ ನಿಯೋಜಿಸಿ, ಶಿಕಾರಿ ಜಾಲದ ಮೇಲೆ ಕಣ್ಣಿಡಬೇಕು. ಕಾಡಂಚಿನ ಭಾಗಗಳಲ್ಲಿ ವನ್ಯಪಕ್ಷಿಗಳಿಗೆ ಕುಡಿಯುವ ನೀರಿನ ತೊಟ್ಟಿಗಳ ವ್ಯವಸ್ಥೆ ಮಾಡಬೇಕು. ಕೀಟನಾಶಕಗಳ ಸುರಕ್ಷಿತ ಬಳಕೆ ಮತ್ತು ನವಿಲುಗಳ ರಕ್ಷಣೆ ಕುರಿತು ಅರಣ್ಯ ಇಲಾಖೆ ತಾಲೂಕಿನಾದ್ಯಂತ ಜಾಗೃತಿ ಮೂಡಿಸಬೇಕು. ತುಮಕೂರು, ನೆಲಮಂಗಲ ತಾಲೂಕುಗಳಲ್ಲಿ ನವಿಲುಗಳು ಸಾವಿನ ಪ್ರಕರಣಗಳು ದಾಖಲಾಗಿದ್ದಾಗ ಹಕ್ಕಿ ಜ್ವರದಿಂದ ಕೊನೆಯುಸಿರೆಳೆದಿವೆ ಎಂದು ಅಲ್ಲಿನ ಅಧಿಕಾರಿಗಳು ಸ್ಪಷ್ಟಪಡಿಸಿದರು. ಅದೇ ರೀತಿ ಇಲ್ಲಿನ ನವಿಲುಗಳ ಸಾವಿನ ಹಿಂದಿನ ಸತ್ಯ ಬಯಲಾಗಬೇಕಿದೆ.
