ತೋಟಗಾರಿಕೆ ಬೆಳೆಗಳಿಗೆ ಉತ್ತಮ ಬೆಲೆ ಸಿಗಲಿ

ಬೆಂಗಳೂರಿನ ಗೃಹ ಕಚೇರಿಯಲ್ಲಿ ಭೇಟಿಯಾದ ಹಾಪ್​ಕಾಮ್ಸ್​ನ ನೂತನ ಅಧ್ಯಕ್ಷ ಶಿಡ್ಲಟ್ಟ ತಾಲೂಕು ಮುತ್ತೂರು ಚಂದ್ರೇಗೌಡ ಅವರೊಂದಿಗೆ ಹಾಪ್​ಕಾಮ್ಸ್​ನ ಕಾರ್ಯ ಚಟುವಟಿಕೆಗಳು, ನಷ್ಟದಲ್ಲಿರುವ ಹಾಪ್​ ಕಾಮ್ಸ್​ನ್ನು ಲಾಭದಾಯಕದತ್ತ ಕೊಂಡೊಯ್ಯುವ ಬಗ್ಗೆ ಚರ್ಚಿಸಿದರು.

ನಷ್ಟದಲ್ಲಿದ್ದ ಹಾಪ್​ಕಾಮ್ಸ್​ಗೆ 6 ತಿಂಗಳ ಹಿಂದೆ 12 ಕೋಟಿ ರೂ. ದುಡಿಯುವ ಬಂಡವಾಳವನ್ನು ಸರ್ಕಾರದಿಂದ ಕೊಡಿಸಲಾಗಿದೆ. ಇದರಿಂದ ವಿವಿಧ ಕಾರ್ಯ ಚಟುವಟಿಕೆಗಳನ್ನು ಹಮ್ಮಿಕೊಳ್ಳಬಹುದಾಗಿದೆ. ತೋಟಗಾರಿಕೆ ಫಸಲನ್ನು ಪೂರೈಸಿರುವ ರೈತರಿಗೆ ದಿನ ದಿನಕ್ಕೂ ಹಣ ಪಾವತಿಸಲು ನೆರವಾಗಲಿದೆ. ಕೆಲ ನೌಕರರು ಗ್ರಾಚ್ಯುಟಿ ಫಂಡ್​ ನೀಡಿಲ್ಲ ಎಂದು ನ್ಯಾಯಾಲಯದ ಮೊರೆ ಹೋಗಿದ್ದು ಅವರಿಗೆ ಗ್ರಾಚ್ಯುಟಿ ಫಂಡ್​ ಮತ್ತು ಪಿ.ಎಫ್​ ಫಂಡ್​ ನೀಡಲು ಈ ಅನುದಾನ ಸಹಾಯಕ್ಕೆ ಬರಲಿದೆ ಎಂದರು.

ಚನ್ನಪಟ್ಟಣ, ಚಿಕ್ಕಬಳ್ಳಾಪುರ, ಕೋಲಾರದಲ್ಲಿ ಹಾಪ್​ ಕಾಮ್ಸ್​ಗೆ ಸೇರಿದ ಜಾಗ, ಗೋದಾಮು, ಶೇಖರಣಾ ಟಕಗಳಿದ್ದು ಅವುಗಳನ್ನು ಬಳಸಿಕೊಂಡು ಈ ಬೇಸಿಗೆಯಲ್ಲಿ ಮಾವಿನ ಹಣ್ಣಿನ ಪಲ್ಪ್​ ತಯಾರಿಸುವ ಬಗ್ಗೆ ಚರ್ಚಿಸಲಾಯಿತು.