ಸಾವಯವ ಕೃಷಿಯಿಂದ ಅತ್ಯಧಿಕ ಲಾಭ

ಯಡ್ರಾಮಿ: ರಾಸಾಯನಿಕ ಗೊಬ್ಬರ ಬಳಕೆಯಿಂದಾಗಿ ಮಣ್ಣಿನ ಫಲವತ್ತತೆ ನಾಶವಾಗುತ್ತದೆ. ಇದರ ಬದಲಾಗಿ ಜಮೀನಿಗೆ ಬೇಕಾಗುವ ಗೊಬ್ಬರವನ್ನು ನಾವೇ ತಯಾರಿಸಿ ಮಣ್ಣಿಗೆ ಸೇರಿಸುವ ಮೂಲಕ ಭೂಮಿಯ ಫಲವತ್ತತೆ ಹೆಚ್ಚು ಮಾಡಬೇಕು. ಮಣ್ಣಿನಲ್ಲಿ ಪೋಷಕಾಂಶಗಳ ಸಂಖ್ಯೆ ಹೆಚ್ಚಾಗಬೇಕೆಂದರೆ ಸಾವಯವ ಕೃಷಿಗೆ ಹೆಚ್ಚು ಒತ್ತು ನೀಡಬೇಕು. ಎಂದು ಕನ್ಹೇರಿ ಮಠದ ಶ್ರೀ ಅದೃಶ್ಯ ಕಾಡಸಿದ್ಧೇಶ್ವರ ಮಹಾಸ್ವಾಮಿಗಳು ತಿಳಿಸಿದರು.

ತಹಸಿಲ್​ ಕಚೇರಿ ಆವರಣದಲ್ಲಿ ಕರ್ನಾಟಕ ರಾಜ್ಯ ರೈತ ಸಂ, ಹಸಿರು ಸೇನೆ ತಾಲೂಕು ಟಕದಿಂದ ಸೋಮವಾರ ಹಮ್ಮಿಕೊಂಡಿದ್ದ ರಾಜ್ಯ ಮಟ್ಟದ ರೈತ ಜಾಗೃತಿ ಸಮಾವೇಶ ಹಾಗೂ ವಿವಿಧ ೇತ್ರದ ಸಾಧಕರಿಗೆ ಸೇವಾರತ್ನ ಪ್ರಶಸ್ತಿ ಪುರಸ್ಕಾರ ಸಮಾರಂಭದಲ್ಲಿ ದಿವ್ಯ ಸಾನ್ನಿಧ್ಯ ವಹಿಸಿ ಮಾತನಾಡಿ, ಕೊಲ್ಹಾಪುರ ಭಾಗದಲ್ಲಿ ಕಾಡಿನ ಸಂಖ್ಯೆ ಶೇ.18 ಇದ್ದರೆ, ಕಲಬುರಗಿ ಭಾಗದಲ್ಲಿ ಶೇ. 0.62 ಇದೆ. ಹೀಗಾಗಿ ಸರಿಯಾದ ಫಸಲು ಸಿಗುತ್ತಿಲ್ಲ. ರೈತರು ಮೊದಲು ವಾತಾವರಣ ತಂಪು ಮಾಡಲು ಮುಂದಾಗಬೇಕು ಎಂದು ಸಲಹೆ ನೀಡಿದರು.

ಕಲಬುರಗಿ ಭಾಗದಲ್ಲಿ ನೀರಾವರಿ ಪ್ರಮಾಣ ಹೆಚ್ಚಾಗುತ್ತಿರುವ ಕಾರಣ ಕಬ್ಬು ಬೆಳೆಗಾರ ಸಂಖ್ಯೆ ಹೆಚ್ಚಾಗುತ್ತಿದೆ. ಕಬ್ಬು ಬೆಳೆಯಲು ಕೇವಲ ನೀರಿದ್ದರೆ ಸಾಲದು ಅದಕ್ಕೆ ತಕ್ಕ ನಿರ್ವಹಣೆಯೂ ಬೇಕು. ಕಬ್ಬು ಬೆಳೆಗೆ ಕಪ್ಪು, ಕೆಂಪು ಮಣ್ಣು ಮುಖ್ಯವಲ್ಲ. ಅದರಲ್ಲಿರುವ ಪೋಷಕಾಂಶ ಮುಖ್ಯ. ರೈತರು ಮನೆಗಳಲ್ಲಿ ಹಸು, ಎತ್ತುಗಳನ್ನು ಸಾಕುವ ಮೂಲಕ ಅದರಿಂದ ಬರುವ ಸಗಣಿಯಿಂದ ಗೊಬ್ಬರ ತಯಾರಿಸಿ ಜಮೀನುಗಳಿಗೆ ಹಾಕಿದರೆ ಭೂಮಿ ಫಲವತ್ತತೆ ಹೆಚ್ಚಾಗುವುದರೊಂದಿಗೆ ಇಳುವರಿಯೂ ಹೆಚ್ಚಾಗುತ್ತದೆ ಎಂದರು.

ರಾಜ್ಯ ರೈತ ಸಂ ಹಾಗೂ ಹಸಿರು ಸೇನೆ ಅಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ ಮಾತನಾಡಿ, ಕೃಷಿ ಒಂದು ಉತ್ಪಾದನಾ ಕೇಂದ್ರವಾಗಿದ್ದು, ಇಲ್ಲಿಯವರೆಗೂ ಬಂದಿರುವ ರಾಜ್ಯ ಹಾಗೂ ಕೇಂದ್ರ ಸರ್ಕಾರಗಳು ರೈತರನ್ನು ಕೇವಲ ಉತ್ಪಾದಕರನ್ನಾಗಿ ನೋಡುತ್ತಿವೆ. ರೈತರ ಬೆಳವಣಿಗೆ ಆಗಬೇಕಾದರೆ ಆಹಾರ ಭದ್ರತೆ ಒದಗಿಸಬೇಕು. ಈವರೆಗೂ ಯಾವುದೇ ಸರ್ಕಾರ ರೈತಪರ ಬಜೆಟ್​ ಮಂಡಿಸಿಲ್ಲ. ಬಿ.ಎಸ್​.ಯಡಿಯೂರಪ್ಪ ಅವರು ಸಿಎಂ ಇದ್ದಾಗ ಜಾರಿಗೆ ತಂದ ಭೂ ಸುಧಾರಣಾ ಕಾಯ್ದೆ ವಿರೋಧಿಸಿದ್ದ ಸಿದ್ದರಾಮಯ್ಯ ಅವರು ಇಂದು ಸುಮ್ಮನೆ ಕುಳಿತ್ತಿದ್ದಾರೆ. ದೈರ್ಯವಿದ್ದರೆ ಅದನ್ನು ರದ್ದುಗೊಳಿಸಬೇಕು. ಆಳುವ ಸರ್ಕಾರಗಳು ಕೇವಲ ವೋಟಿಗಾಗಿ ರೈತರನ್ನು ಬಳಸಿಕೊಳ್ಳುತ್ತಿವೆ ಎಂದು ಕಿಡಿಕಾರಿದರು.

ಕಡಕೋಳದ ಶ್ರೀ ರುದ್ರಮುನಿ ಶಿವಾಚಾರ್ಯ, ಮಾಗಣಗೇರಾದ ಶ್ರೀ ವಿಶ್ವಾರಾಧ್ಯ ಶಿವಾಚಾರ್ಯ, ಸೊನ್ನದ ಶ್ರೀ ಡಾ.ಶಿವಾನಂದ ಸ್ವಾಮೀಜಿ, ಯಡ್ರಾಮಿಯ ಶ್ರೀ ಸಿದ್ಧಲಿಂಗ ಸ್ವಾಮೀಜಿ, ಜಮಖಂಡಿಯ ಶ್ರೀ ಗಿರಿಶಾನಂದ ಸ್ವಾಮೀಜಿ, ಸಿದ್ದಾಪುರದ ಶ್ರೀ ಅರವಿಂದ ಮಹಾರಾಜ, ಕೊಂಚೂರಿನ ಶ್ರೀ ಸವಿತಾನಂದನಾಥ ಸ್ವಾಮೀಜಿ, ಶ್ರೀ ಶರಣಾನಂದ ಸ್ವಾಮೀಜಿ, ಹಿರಿಯ ವಿಜ್ಞಾನಿ ಡಾ.ಸುನೀಲಕುಮಾರ ನೂಲಿ, ಕರ್ನಾಟಕ ರಾಜ್ಯ ರೈತ ಸಂ ಹಾಗೂ ಹಸಿರು ಸೇನೆ ಮಹಿಳಾ ಟಕದ ಉಪಾಧ್ಯೆ ಮಹಾದೇವಿ ಬೇನಾಳಮಠ, ತಾಲೂಕು ಅಧ್ಯಕ್ಷ ಈರಣ್ಣ ಭಜಂತ್ರಿ ಇತರರಿದ್ದರು.

ವಿವಿಧ ೇತ್ರದಲ್ಲಿ ಸಾಧನೆ ಮಾಡಿದ ಸುಮಾರು 36 ಜನರಿಗೆ ಸೇವಾರತ್ನ ಪ್ರಶಸ್ತಿ ನೀಡಿ ಸತ್ಕರಿಸಲಾಯಿತು. ಜಯಸಿಂಗ್​ಪುರ ಪಾಯೋಸ್​ ಹಾಸ್ಪಿಟಲ್​ ತಂಡದಿಂದ ನೂರಕ್ಕೂ ಹೆಚ್ಚು ಜನರ ಆರೋಗ್ಯ ತಪಾಸಣೆ ಮಾಡಲಾಯಿತು.

ಒಂದು ಕೆಜಿ ಮೀನು ಸಣ್ಣದಾಗಿ ಕತ್ತರಿಸಿ ಅದಕ್ಕೆ ಒಂದು ಕೆಜಿ ಬೆಲ್ಲ ಸೇರಿಸಿ ಒಂದು ಡಬ್ಬದಲ್ಲಿಡಿ. ಅದರಿಂದ ಹತ್ತು ದಿನದಲ್ಲಿ ಎರಡು ಲೀಟರ್​ ದ್ರಾವಣ ತಯಾರಾಗುತ್ತದೆ. ಅದನ್ನು ನೀರಿನ ಡ್ರಿಪ್​ನಲ್ಲಿ ಸೇರಿಸಿ ಬೆಳೆಗೆ ನೀಡಿದರೆ ಫಲವತ್ತತೆ ಹೆಚ್ಚುತ್ತದೆ. ಸಾಧ್ಯವಾದರೆ ಆಕಳು ಕರು ಹಾಕುವಾಗ ಬರುವ ಮಾಸ ತೆಗೆದುಕೊಂಡು ಅದಕ್ಕೆ ಎರಡು ಕೆಜಿ ಬೆಲ್ಲ, ಎರಡು ಲೀ. ಮಜ್ಜಿಗೆ, ಎರಡು ಲೀ. ಗೋ ಮೂತ್ರ ಸೇರಿಸಿ ಮುಚ್ಚಿಡಿ. ಒಂದು ತಿಂಗಳ ಬಳಿಕ ಆ ನೀರನ್ನು ಕಬ್ಬು ನಾಟಿಯ ವೇಳೆ ಹಾಕಿದರೆ ಒಂದು ಕಬ್ಬಿಗೆ 30 ರಿಂದ 35 ಕುಳಿಗಳು ಬೆಳೆಯುತ್ತವೆ. ಭೂಮಿ ರಕ್ಷಣೆ ಮಾಡಬೇಕಾದರೆ ಜೀವಾಮೃತ ಬಳಕೆ ಮಾಡಬೇಕು ಎಂದು ಸಲಹೆ ನೀಡಿದರು.

ಕಬ್ಬು ಬೆಳೆಗಾರರು ರಾಸಾಯನಿಕ ಗೊಬ್ಬರಗಳನ್ನು ಅತಿಯಾಗಿ ಬಳಸುತ್ತಿರುವ ಕಾರಣ ಗೊಣ್ಣೆ ಹುಳು ಕಾಟ ಹೆಚ್ಚಾಗಿದೆ. ಇವುಗಳನ್ನು ನಿಯಂತ್ರಣ ಮಾಡಲು ಸಾವಯವ ಪದ್ಧತಿಯೊಂದೇ ಅಸವಾಗಿದೆ ಎಂದು ಹಿರಿಯ ವಿಜ್ಞಾನಿ ಹಾಗೂ ಮತ್ತಿಕೊಪ್ಪ ಇಸಿಎಆರ್​, ಕೆಎಲ್​ಇ ಕೃಷಿ ವಿಜ್ಞಾನ ಕೇಂದ್ರದ ಮುಖ್ಯಸ್ಥ ಡಾ.ಮಂಜುನಾಥ ಚೌರೆಡ್ಡಿ ತಿಳಿಸಿದರು. ಸಮಾವೇಶದಲ್ಲಿ ವಿಶೇಷ ಉಪನ್ಯಾಸ ನೀಡಿ, ತಿಪ್ಪೆ ಗೊಬ್ಬರ ಬಳಕೆಯಿಂದ ಗೊಣ್ಣೆ ಹುಳು ಹುಟ್ಟುತ್ತವೆ ಎಂಬ ತಪ್ಪು ಕಲ್ಪನೆ ರೈತರಲ್ಲಿದೆ. ತಿಪ್ಪೆ ಗೊಬ್ಬರದಲ್ಲಿನ ಹುಳುವಿನಿಂದ ತೆಂಗಿನ ಮರಗಳಿಗೆ ತೊಂದರೆಯಿದೆ, ಆದರೆ ಕಬ್ಬಿಗೆ ಯಾವುದೇ ಸಮಸ್ಯೆಯಿಲ್ಲ. ಗೊಣ್ಣೆ ಹುಳುಗಳು ಕಾಟ ಮಾರ್ಚ್​ನಿಂದ ಅಕ್ಟೋಬರ್​ವರೆಗೆ ಇರುತ್ತದೆ. ಬಿಸಿಲು ಹೆಚ್ಚಾದ ಮೇಲೆ ಕಾಣಿಸಿಕೊಳ್ಳುವ ಈ ಹುಳಗಳು ಕಬ್ಬಿಗೆ ಬೀಡುವ ನೀರಿನಲ್ಲಿ ಸೇರಿ ಭೂಮಿಯ ಆಳದಲ್ಲಿ ಮನೆ ಮಾಡುತ್ತವೆ. ರಾತ್ರಿ ಏಳು ಗಂಟೆ ನಂತರ ಹೊರ ಬಂದು ಬೇವಿನ ಗಿಡದಲ್ಲಿ ಕುಳಿತು ಎಲೆಗಳನ್ನು ತಿನ್ನುತ್ತವೆ. ಜತೆಗೆ ಸಮ್ಮಿಲನ ಹೊಂದಿ ನಸುಕಿನ ಜಾವ ಮರಳಿ ಭೂಮಿಗೆ ಸೇರಿ, ಮೊಟ್ಟೆ ಇಡಲು ಪ್ರಾರಂಭಿಸುತ್ತವೆ. ಈ ಪ್ರಕ್ರಿಯೆ ನಿತ್ಯವೂ ನಡೆಯುವ ಕಾರಣ ರೈತರು ದಿನಾಲು ಬೆಳಗ್ಗೆ ಬೇವಿನ ಗಿಡದ ಎಲೆಯನ್ನು ಪರೀಸಬೇಕು. ಒಂದು ವೇಳೆ ಎಲೆಗಳನ್ನು ಕಡಿದಿದ್ದು ಕಂಡು ಬಂದರೆ ಗೊಣ್ಣೆ ಹುಳು ಕಾಟವಿದೆ ಎಂದು ಅರಿಯಬೇಕು. ನಿಯಂತ್ರಣಕ್ಕೆ ರ್ನಿದಿಷ್ಟ ಔಷಧಿಯಿಲ್ಲ. ಹೀಗಾಗಿ ರೈತರು ಸಾವಯವ ಗೊಬ್ಬರ ಬಳಸುವ ಮೂಲಕ ಹುಳುಕಾಟದಿಂದ ಮುಕ್ತಿಪಡಿಯಬೇಕು ಎಂದು ಸಲಹೆ ನೀಡಿದರು.

"